| e-texts navigator |
| Wylie |
46b1 པ། ཚད་མེད་པ་མ་ཡིན་པ། འགྲོ་བ་མེད་པ། འོང་བ་མེད་པ། གཉིས་སུ་མེད་པ། རྩོམ་པ་མེད་པ། ནུས་པ་མེད་པ། མཚན་མེད་པ། མཚན་གྱིས་རྟོགས་པར་བྱར་མེད་པ། མཚན་གྱིས་བརྒྱན་པ། ཤིན་ཏུ་བརྟན་པ། ཤིན་ཏུ་ཞི་བ། གདུང་བ་དང
46b2 བྲལ་བ། ལྟུང་བར་མི་བྱེད་པ། བལྟར་མེད་པ། རྗེས་སུ་ཕྱེ་བ། དེ་བཞིན་ཉིད། དེ་ཁོ་ན་ཉིད། སྒྲོལ་བ་མེད་པའི་ཚུལ་གྱིས་སེམས་ཅན་ཐམས་ཅད་སྒྲོལ་བ། ཐར་པར་བྱེད་པ་མེད་པའི་ཚུལ་གྱིས་ཐར་པར་བྱེད་པ། དག་པར་བྱེད་པ་མེད་པའི་ཚུལ་གྱིས་དག
46b3 པར་བྱེད་པ། གྲོལ་བར་བྱེད་པ་མེད་པའི་ཚུལ་གྱིས་གྲོལ་བར་བྱེད་པ། སྟོན་པ་པོ་གཉིས་སུ་མེད་པའི་ཚུལ་གྱིས་སྟོན་པ་པོ་མཉམ་པ། མཉམ་པ་མེད་པ་དང་མཉམ་པ། དཔག་ཏུ་མེད་པ་དང་མཉམ་པ། ནམ་མཁའ་དང་མཉམ་པ། གནས་མེད་པ་དང་མཉམ
46b4 པ། སྐྱེ་བ་མེད་པ་དང་མཉམ་པ། དམིགས་སུ་མེད་པ་དང་མཉམ་པ། མཉམ་པ་མེད་པ་དང་མཉམ་པར་གྱུར་པ། ཞི་བ་རབ་ཏུ་ཞི་བ། ཉེ་བར་ཞི་བ་རྟེན་མེད་པ། ཚད་མེད་པ། སྤྱོད་པ་སྒྱུར་བ། མི་ལྡོག་པར་ངེས་པར་འཛིན་པ་ཐམས་ཅད་བཅད་པ། ཕུལ་བ
46b5 མེད་པ། གཉིས་སུ་མེད་པ་སྟོན་པ། རྣམ་པར་རིག་པར་བྱེད་པ་མེད་པའི་ཚུལ་དང་། སྦྱོར་བ་མེད་པའི་ཚུལ་གྱིས་རང་བཞིན་གྱི་ངོ་བོ་ཉིད། རིང་པོ་མ་ཡིན་པ། ཟླུམ་པོ་མ་ཡིན་པ། ཕུང་པོས་རབ་ཏུ་ཕྱེ་བ་མ་ཡིན་པ། ཁམས་ཀྱིས་རབ་ཏུ་ཕྱེ་བ་མ་ཡིན་པ། སྐྱེ
46b6 མཆེད་ཀྱིས་རབ་ཏུ་ཕྱེ་བ་མ་ཡིན་པ། འདུས་བྱས་ཀྱི་རྣམ་པར་རྟོག་པ་མེད་པ། འདུས་བྱས་ཀྱི་རྣམ་པར་རྟོག་པའི་གནས་མེད་པ། འཕེལ་བ་མེད་པ། འགྲིབ་པ་མེད་པ། གཞལ་དུ་མེད་པ། གཞལ་དུ་མེད་པ་མ་ཡིན་པ། རྣོ་བ་རྣོ་བ་མ་ཡིན་པ། མཆོད་དུ་མེད
46b7 པ། མཆོད་དུ་མེད་པ་མ་ཡིན་པ་སྟེ། དེ་ལྟར་དེ་དེ་བཞིན་གཤེགས་པའི་སྐུ་ནི་ཡོན་ཏན་དཔག་ཏུ་མེད་ཅིང་བསམ་གྱིས་མི་ཁྱབ་པ་དང་ལྡན་པ་ཡིན་ལ། སུས་ཀྱང་མ་ཤེས། མ་མཐོང་། མ་ཐོས། བྱེ་བྲག་མ་ཕྱེད། རྣམ་པར་མ་ཤེས། ཡོད་པ་མ་ཡིན་པ། ཚིག་ཏུ
iiif viewer powered by OpenSeadragon
