| e-texts navigator |
| Wylie |
45b1 མ་དག་གོ་ཞེས་ང་ཟེར་རོ། །ཕ་མ་གཉིས་ལ་གཞི་གསུམ་རྟག་པར་བསྟན་ན་ནི་བྱང་ཆུབ་སེམས་དཔའ་སེམས་དཔའ་ཆེན་པོ་གསུམ་ལ་སྐྱབས་སུ་སོང་བའི་དགེ་བསྙེན་ཅེས་བྱ་བའི་མིང་ཁྱོད་ཀྱིས་ཐོབ་པར་འགྱུར་རོ། །གསོལ་པ། དེང་སླན་ཆད་བདུན་རྒྱུད་ཀྱི
45b2 རིགས་ཚུན་ཆད་དང་། ཕ་མ་གཉིས་ལ་བཅོམ་ལྡན་འདས་དང་། ཆོས་དང་། དགེ་འདུན་རྟག་གོ་ཞེས་བགྱི་བར་འཚལ་ལོ། །ཀྱེ་མ་སངས་རྒྱས་བཅོམ་ལྡན་འདས་ནི་བསམ་གྱིས་མི་ཁྱབ་བོ་ཞེས་ཀྱང་བསླབ་པར་འཚལ་ལོ། །གཞན་དག་ལ་ཡང་བསྟན
45b3 པར་འཚལ་ལོ། །གང་དག་བདག་གིས་བསྟན་པ་ལྟར་མི་འཛིན་ཅིང་མི་རྟག་པར་སྨྲ་བའི་སེམས་ཅན་ངན་པ་དེ་དག་ལ་ནི་བདག་གིས་སེར་བ་བཞིན་དུ་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ། །དམ་པའི་ཆོས
45b4 སྲུང་བའི་རིགས་ཀྱི་བུས་ནི་དེ་ལྟར་བྱ་དགོས་ཏེ། རིགས་ཀྱི་བུ་ཁྱོད་ལེགས་སོ། །དེ་ལྟར་ན་འཚེ་བ་མེད་པ་ལ་ཞུགས་པ་ཡིན་ཏེ། འཚེ་བ་མེད་པའི་ལས་ཀྱི་འབྲས་བུ་ཆེན་པོ་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཚེ་ཡང་རིང་བར་འགྱུར་ལ།
45b5 ཚེ་རབས་ཀྱང་དྲན་པར་འགྱུར་རོ། །འཚེ་བ་མེད་པའི་ཕུང་པོའི་ལེའུ་སྟེ་དང་པོའོ།། །།རིགས་ཀྱི་བུ་ད་ནི་དེ་བཞིན་གཤེགས་པ་རྟག་པའི་སྐུ་དང་། མི་ཤིགས་པའི་སྐུ་དང་། རྡོ་རྗེའི་སྐུ་དང་། ཤའི་སྐུ་མ་ཡིན་པ་དང་། ཆོས་ཀྱི་སྐུར་ལྟོས
45b6 ཤིག་། གསོལ་པ། གལ་ཏེ་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་མཛད་ན་ནི་བདག་དེ་ལྟར་མི་ལྟ་ལགས་སོ། །གལ་ཏེ་ཡོངས་སུ་མྱ་ངན་ལས་འདའ་བར་གྱུར་ན་གཞིག་ཏུ་རུང་བའི་སྐུ་དང་། ཐལ་བའི་སྐུ་དང་། ཤའི་སྐུར་བལྟ་བར་འཚལ་ལོ། །
45b7 བཀའ་སྩལ་པ། རིགས་ཀྱི་བུ་མིའི་ལྟ་བུར་སོབ་སོབ་པོའི་ལུས་དང་། གཞིག་ཏུ་རུང་བའི་ལུས་ཞེས་དེ་སྐད་མ་ཟེར་ཅིག་།འོད་སྲུང་ཆེན་པོ་དང་རུས་གཅིག་པ་དེ་བཞིན་གཤེགས་པ་ནི་བསྐལ་པ་བྱེ་བ་ཕྲག་དུ་མ་ནས་མི་ཤིགས་པའི་སྐུ་དང་ལྡན་ཞིང་མིའི་ལུས
iiif viewer powered by OpenSeadragon
