| e-texts navigator |
| Wylie |
28b1 ས་གཞི་རབ་ཏུ་གཡོས་ཤིང་ཕྱོགས་ཀྱང་འཆོལ། །རྒྱ་མཚོ་ཆེན་པོ་དག་ཀྱང་རྣམ་པར་འཁྲུགས། །བདག་ཅག་ཀུན་ཀྱང་སྡུག་ཅིང་བསྔལ་བར་གྱུར། །དྲང་སྲོང་ཆེན་པོ་དེང་ཁྱོད་མྱ་ངན་ལས། །འདས་ན་ཉི་མའང་ས་ལ་ལྟུང་ཡང་དག་།རྒྱ་མཚོ་ཆེན
28b2 པོ་དག་ཀྱང་སྐམ་པར་འགྱུར། །བདག་ཅག་ཀུན་ཀྱང་དེང་དུ་འགུམ་ལགས་གྲང་། །ཇི་ལྟར་སྟོབས་ལྡན་མིས་ནི་སྒོ་གསེབ་ནས། །གླང་ཆེན་ཁྱེར་ཏེ་ནང་དུ་འཛུལ་བགྱིད་ན། །ཤིན་ཏུ་ཉོན་མོངས་འགྱུར་བ་དེ་བཞིན་དུ། །བདག་ཅག་ཐམས་ཅད་རབ་ཏུ་ཉོན
28b3 མོངས་གྱུར། །ཇི་ལྟར་བུ་གཅིག་འགུམ་པར་མི་འཚལ་ཞིང་། །མྱ་ངན་ཁྱོད་འདའ་བདག་ཅག་དེ་མི་འཚལ། །གལ་ཏེ་ཁྱོད་ནི་མྱ་ངན་འདའ་བ་ལས། །མི་གཞེས་བདག་ཅག་ཐམས་ཅད་ཕོངས་པར་འགྱུར། །ཁྱོད་ནི་མྱ་ངན་འདས་ལམ་གཤེགས་མཐོང
28b4 བས། །དུད་འགྲོ་མང་པོའང་གཡར་ངན་ཆེར་བགྱིད་ན། །བདག་ཅག་ཇི་ལྟར་གཡར་ངན་མི་འཚལ་ལགས། །བདག་ཅག་མཆིལ་མ་བཞིན་དུ་མ་དོར་ཅིག་།ཉི་མ་འཆར་ཀར་རང་གི་འོད་གསལ་བས། །མུན་ནག་རྣམ་པར་བཅོམ་པ་དེ་བཞིན་དུ། །
28b5 འཕྲུལ་ཅན་ཁྱོད་ཀྱིས་སྡུག་བསྔལ་མུན་བསལ་ཏེ། །དགེ་འདུན་དབུས་སུ་རི་རབ་བཞིན་དུ་བཞུགས། །བཅོམ་ལྡན་འདས་དཔེར་གསོལ་ན། རྒྱལ་པོ་ལ་ལ་ཞིག་གི་བུ་སྡུག་ཅིང་ཕངས་པ་ཞིག་མཆིས་ལ། དེས་དེ་ཆོས་ལུགས་ཀྱི་བསྟན་བཅོས་བསླབས་ནས།
28b6 འདི་སོད་ཅིག་ཅེས་བཀའ་སྩལ་པ་དེ་བཞིན་དུ་བདག་ཅག་བཅོམ་ལྡན་འདས་དམ་པའི་ཆོས་ཀྱི་འཁོར་ལོས་སྒྱུར་བའི་སྲས་རྣམས་ཀྱང་ཡང་དག་པའི་ལྟ་བ་བསྐྱེད་ནས་བཀུམ་གྱིས་མ་མཆིས་ན། བཅོམ་ལྡན་འདས་རྒྱལ་པོའི་བུ་ཇི་བཞིན་དུ་བདག་ཅག་མི་འགུམ་པར
28b7 བཅོམ་ལྡན་འདས་དེའི་སླད་དུ་ཡུན་རིང་དུ་བཞུགས་སུ་གསོལ། ཇི་ལྟར་ལ་ལ་ཞིག་གཞུང་གིས་རྩོད་པའི་བསྟན་བཅོས་ལ་བསྟེན་པ་ན་སྐྲག་པར་འགྱུར་བ་དེ་བཞིན་དུ་ཁྱོད་ཀྱིས་སྐྲག་པར་མ་མཛད་ཅིག་།དེ་ཁོ་ན་ཉིད་མཁྱེན་བཞིན་དུ་བདག་ཅག་སེམས་ཅན་དམྱལ
iiif viewer powered by OpenSeadragon
