| e-texts navigator |
| Wylie |
25b1 བྱས་པ་ལ། དེ་བཞིན་གཤེགས་པ་འདུས་བྱས་ཡིན་ནོ་ཞེས་ཟེར་བས་ནི་མུ་སྟེགས་པར་གྱུར་ཏེ་ཤི་ཡང་བླའོ། །དེ་བཞིན་གཤེགས་པ་འདུས་མ་བྱས་ཡིན་བཞིན་དུ་དེ་བཞིན་གཤེགས་པ་འདུས་བྱས་ཡིན་ནོ་ཞེས་ཟེར་བ་གང་ཡིན་པ་དེ་དག་ནི་དུ་སྨྲ་བ་ཡིན་ནོ། །
25b2 དེ་བཞིན་གཤེགས་པ་འདུས་བྱས་པ་ཡིན་ནོ་ཞེས་ཟེར་བ་རྣམས་ནི་རང་གི་ཁྱིམ་དང་འདྲ་བར་སེམས་ཅན་དམྱལ་བར་འགྲོ་བར་འགྱུར་རོ། །བཙུན་པ་འཇམ་དཔལ་དེ་བཞིན་གཤེགས་པ་ལ་འདུས་བྱས་དང་འདྲ་བར་མ་ལྟ་ཞིག་།ད་ཕྱིན་ཆད་འཁོར་བར་རྒྱུ་བ་ན་མི
25b3 ཤེས་པ་ལ་བཟླས་ཏེ་བཅོམ་ལྡན་འདས་ནི་འདུས་མ་བྱས་པའོ་སྙམ་པའི་ཤེས་པ་འབའ་ཞིག་རྟོགས་པར་གྱིས་ཤིག་། དེ་ལྟར་བྱས་པ་དང་བསྒོམ་པ་དེའི་འབྲས་བུས་ཁྱོད་མྱུར་བ་ཁོ་ནར་དེ་བཞིན་གཤེགས་པ་བཞིན་དུ་མཚན་སུམ་ཅུ་རྩ་གཉིས་དང་ལྡན་པར་འགྱུར
25b4 རོ། །དེ་ནས་འཇམ་དཔལ་གཞོན་ནུར་གྱུར་པས་མགར་བའི་བུ་སྐུལ་བྱེད་ལ་འདི་སྐད་ཅེས་སྨྲས་སོ། །ལེགས་སོ་ལེགས་སོ། །ཚེ་རིང་བར་གྱུར་ཅིག་།རིགས་ཀྱི་བུས་ནི་དེ་ལྟར་བྱ་བ་ཡིན་ནོ། །རིགས་ཀྱི་བུ་ཁྱོད་ཀྱིས་དེ་བཞིན་གཤེགས་པ་རྟག་པ་དང་།
25b5 ཐེར་ཟུག་དང་། འདུས་མ་བྱས་པ་དང་བརྟན་པར་ཤེས་སོ། །དེ་ལྟར་ཁྱོད་ཀྱིས་འདི་ཁོ་ན་ལྟར་འདུས་བྱས་ཁོང་རླག་ཏུ་གཏང་བའི་སྒོ་ནས་ཤེས་པ་ལས་ན། ཁྱོད་ཀྱང་རིང་པོ་མི་ཐོགས་པར་དེ་བཞིན་གཤེགས་པ་ཇི་ལྟ་བ་བཞིན་དུ་འགྱུར་རོ། །སངས་རྒྱས་ཉིད
25b6 ཀྱིས་ཀྱང་དེ་ལྟར་འུ་བུ་ཅག་གཉིས་ཀྱིས་ཁྱད་པར་དུ་འཕགས་པའི་བསྔགས་པ་བརྗོད་དོ་ཞེས་ཕྱིས་བསྔགས་པར་འགྱུར་རོ། །སྐུལ་བྱེད་དེ་བཞིན་གཤེགས་པའི་བཤོས་སྨྱུར་ཅིག་།སྦྱིན་པ་ཐམས་ཅད་ཀྱི་ནང་ན་ནི་སྨྱུར་ཏེ་སྦྱིན་པ་མཆོག་ཡིན་ནོ། །དེ་ལ་སྨྱུར་ཏེ་སྦྱིན
25b7 ཞེས་བྱ་བ་ནི་སྦྱིན་པའི་ཕ་རོལ་ཏུ་ཕྱིན་པ་ཐམས་ཅད་ཀྱི་ས་བོན་ལས་མྱུ་གུ་འབྱུང་བར་བྱ་བའི་ཕྱིར་གང་གི་ཚེ་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་ཡང་རུང་སྟེ། དོན་འགའ་ཞིག་གི་ཕྱིར་ལམ་དུ་ཞུགས་ནས་དུབ་པར་གྱུར་པ་དེ་དག་ལ་ཅི་ཡོད
iiif viewer powered by OpenSeadragon
