| e-texts navigator |
| Wylie |
208a1 པ་མི་ལ་ལ་ཞིག་བདག་དགེ་བར་མ་ཞི་ལ་བདག་གི་བག་བྱ་མི་ནུས་པར་མི་གཞན་དགེ་བར་ཞི་བ་དང་བདག་གི་བྱ་ནུས་ཞེ་ན། བདེན་པ་ཡང་མེད་དོ། །དཔེར་ན་མི་ཞིག་བདག་རང་འདམ་རྫབ་ཏུ་ནུབ་ལ། མི་གཞན་དབྱུང་བར་བྱ་བ་དང་མཚུངས་ཏེ། བདེན་པ་ཡང་མེད་དོ། །
208a2 མི་ལ་ལ་ཞིག་བདག་གི་དགེ་བར་ཞི་བར་ནུས་ཤིང་འདམ་རྫབ་ན་ཕྱིན་ནུས་པས་མི་གཞན་དབྱུང་བར་བྱ་བ་ནི་བདེན་པ་ཡོད་དོ། །དེ་ལྟ་བས་ན་ཤཱ་རིའི་བུ་ངས་ཁྱོད་ལ་བྱེ་བྲག་ཕྱེད་པར་བསྒོའོ། །ཡང་དག་པར་གཤེགས་པ་ལ་འཕྱ་ཞིང་སྐུར་ན་དེའི་སྡིག་མི་ཡང་ངོ་། །བདེན་པར་སྨྲ་བའི
208a3 དགེ་སློང་ནི་ཆོས་འཆད་དུ་གནང་བའི་རིགས་སོ། །མི་ཟེར་བའི་ཚུལ་ཁྲིམས་འཛིན་པའི་དགེ་སློང་གིས་ནི་ཆོས་ཀྱི་སྦྱིན་པ་ནུས་སོ། །ཤཱ་རིའི་བུ་ཁྲི་སྟན་མཐོན་པོ་ལས་ཆོས་འཆད་ཅིང་ཡང་དག་པར་ངེས་པར་ཐེ་ཙོམ་གཅོད་པ་ནི་ནང་གི་བླ་མའི་དོན་ཡིན་ནོ། །ལ་ལ་ཞིག་ཚུལ་ཁྲིམས
208a4 འཛིན་པ་མི་གཙང་ལ། མུར་འདུག་གི་གཞུང་ལ་ཆགས་པ་ནི་ངས་མ་གནང་ངོ་། །ཟེར་བ་དང་འཇིག་རྟེན་གྱི་སྐྱིད་པ་རིན་ཆེར་འཛིན་པ་དང་། ཡོན་གྱི་ཁེ་ཚོལ་བ་དང་། འཐབ་རྩོད་པ་ལ་སྲེད་པ་ནི་ངས་ཀྱང་མ་གནང་ངོ་། །ངས་གཙང་གདང་བར་ཚུལ་ཁྲིམས་འཛིན་པ་དང་། སེམས་དྲང
208a5 དཀན་པ་དང་། ཆོས་སོ་ཅོག་གི་བདེན་པའི་མཚན་མ་ཁོང་དུ་ཆུད་པ་ནི་ཁྲི་སྟན་མཐོན་པོར་ཆོས་འཆད་དུ་གནང་ངོ་། །ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་ཉིས་ན་ཁྲིམས་གཏང་སླའི། འཕགས་པའི་མཚན་མ་དང་ཆོས་གོས་སུ་སྡིག་གི་དྲི་མ་སྦས་བཅབས་ལ་གསང་སྟེ། ངན་པ་མང་པོ་བྱ
208a6 ཞིང་མི་གཞན་གྱི་ཡིད་ཆེས་པའི་སྦྱིན་པ་ལ་མ་ཆགས་ཤིག་། ཤཱ་རིའི་བུ་རྒྱུ་རྐྱེན་ཆུང་ངུའི་ཕྱིར་ཡུན་རིང་དུ་སེམས་ཅན་དམྱལ་བའི་ལུས་མནོས་པར་འགྱུར་རོ། །ལེའུ་བཅུ་སྟེ་ཐབས་བཅོལ་བའི་ལེའུའོ།། །།དེའི་ཚེ་དགའ་བོས་སངས་རྒྱས་ལ་གསོལ་པ། བཅོམ་ལྡན་འདས
208a7 དེ་ཙམ་གྱི་དུས་ན་དགེ་སློང་རྣམས་ཀྱི་དགེ་བའི་ཆོས་ལ་ཇི་ལྟ་བུར་བརྩོན་འགྲུས་དང་། སངས་རྒྱས་ཀྱིས་དགའ་བོ་ལ་བཀའ་སྩལ་པ། རེ་ཞིག་ཞོག་ལ་མ་འདྲི་ཤིག་།ཅིའི་ཕྱིར་ཞེ་ན། སངས་རྒྱས་ཀྱིས་དཔག་ཏུ་མེད་པའི་ཡེ་ཤེས་ཀྱི་ཆོས་ཡིག་བཤད་དོ་ཅོག་དེ་ཙམ་གྱི་ཚེའི་དགེ
iiif viewer powered by OpenSeadragon
