| e-texts navigator |
| Wylie |
197a1 བར་ཁྱིམ་ནས་བྱུང་སྟེ་ཐོབ་པར་མ་ནུས་པ་ཞེས་ཀྱང་བྱའོ། ། །།སངས་རྒྱས་ཀྱི་མཛོད་བཤད་པའི་ཆོས་ཀྱི་ཡི་གེ། བམ་པོ་བཞི་པ། སངས་རྒྱས་ཀྱི་མཛོད་བཤད་པའི་ཆོས་ཀྱི་ཡི་གེ་གཙང་མ་མཐོང་བའི་ལེའུ་འོག་མའོ།། །།ཤཱ་རིའི་བུ་ངས་ཁྱོད
197a2 ལ་བྱེ་བྲག་ཕྱེད་པར་བསྒོའོ། །ཐོབ་པ་ཡོད་དོ་ཅོག་ལ་ནི་མྱ་ངན་ལས་འདས་པ་མེད་དོ། །ཐོབ་པ་ཡོད་དོ་ཅོག་ལ་ནི་མྱ་ངན་ལས་འདས་པ་ཡོད་དུ་མ་ཡིན་ན་དེ་ནི་སངས་རྒྱས་རྣམས་འཇིག་རྟེན་དུ་ཡང་མི་འབྱུང་ངོ་། །ཕལ་ཐ་མལ་པ་ཐམས་ཅད་ཀྱིས་ཀྱང་མྱ་ངན་ལས་འདས་པར་ཆུད་དོ། །ཅིའི་ཕྱིར
197a3 ཞེ་ན། ཕལ་ཐ་མལ་པ་ཐམས་ཅད་ཀུན་ལ་བདག་ཏུ་ལྟ་བ་དང་། གང་ཟག་ཏུ་ལྟ་བ་ཡོད་དོ། །ཀུན་ལ་ཐོབ་པ་འཛིན་པ་མེད་དེ་དེ་ཀུན་ཡོན་པོ་མཐོང་བ་ཡིན་ནོ། །ཤཱ་རིའི་བུ་ཁྱོད་ཀྱིས་རེ་ཞིག་ངས་ཅི་སྲིད་ལོན་ན་འབྱོར་པ་ལྟོས་ཤིག་།ཐོབ་པ་དང་། མཐོང་བ་ཡོད་དོ་ཅོག་ནི་མཛངས་ཤིང་འཕྲུལ
197a4 པའི་སྤྱོད་པ་མ་ཡིན་ཏེ། སངས་རྒྱས་རྣམས་ཀྱིས་ང་ལ་ཁྱོད་མ་འོངས་པའི་དུས་ན་སངས་རྒྱས་བྱེད་པ་ཐོབ་བོ་ཞེས་ལུང་མ་བསྟན་ཏོ། །ཤཱ་རིའི་བུ་ངས་དེ་ལྟ་བུ་སྤྱད་ན་འོན་ཀྱང་ལུང་བསྟན་པ་མ་ཐོབ་ན། དེ་ལྟ་བུ་མི་གཏི་མུག་གིས་ཚུལ་ཁྲིམས་འཛིན་པ་དང་། མང་པོ་ཐོས་པ་དང་། བསམ
197a5 གཏན་དུ་ཐུབ་པ་ལ་སོགས་པ་འབའ་ཞིག་སྤྱད་དེ། བདག་ཏུ་ལྟ་བ་དང་། གང་ཟག་ཏུ་ལྟ་བ་དང་། སེམས་ཅན་དུ་ལྟ་བ་སྐྱེས་པས་མི་ཐོབ་པ་ལྟ་སྨོས་ཀྱང་ཅི་དགོས། ཤཱ་རིའི་བུ་ངས་བཤད་པ་དེ་ལྟ་བུའི་མིང་ནི་མིང་སྤྱོད་པ་ཞེས་ཀྱང་མི་བྱ། མིང་ཐོབ་པ་ཞེས་ཀྱང་མི་བྱའོ། །དེ་ཅིའི་ཕྱིར
197a6 ཞེ་ན། ཤཱ་རིའི་བུ་ཉིན་མཚན་དེ་ལྟ་བུའི་ཡོན་པོ་མཐོང་བ་ལ་འདོད་ཆགས་དེ་ཞི་བར་འདས་པར་མ་ཐོབ་བོ། །དེ་ལྟ་བུའི་མི་གཏི་མུག་གིས་འདི་སྙམ་དུ་བདག་ལ་སོགས་པ་ཅིའི་ཕྱི་ནས་བདག་དང་གང་ཟག་གིས་ཆོས་མེད་པ་སྤྱོད་པ་སྦྱངས་ཏེ། མི་དེས་བདག་ལ་སོགས་པ་སྡུག་བསྔལ་མང་པོ
197a7 ཕུང་ཆོད་ཀྱང་རུང་སྲིད་ན། འདི་སྙམ་སེམས་བྱས་སོ། །ཤཱ་རིའི་བུ་ཐོག་མ་སྐྱེས་པ་ནས་ལོང་བའི་མི་ཁྱི་ཟ་བ་ལས་བྲོས་ཏེ་བྱོལ་ནས་མེ་དོང་ཟབ་མོར་ལྷུང་བ་དང་མཚུངས་སོ། །ཤཱ་རིའི་བུ་ངས་སྨྲས་པ། མི་གཏི་མུག་གིས་དེ་ལྟ་བུར་བདག་ཏུ་ལྟ་བ་དང་། གང་ཟག་ཏུ་ལྟ་བ་དང་། ཐོབ་པ་ཡོད
iiif viewer powered by OpenSeadragon
