| e-texts navigator |
| Wylie |
192b1 ཟག་ཏུ་ལྟ་བ་མེད་དོ། །དེ་ལྟ་བུའི་བཟོད་པ་ཡོད་དུ་ཟིན་ན་དེའི་མིང་སྤྱོད་པ་ཞེས་བྱའོ། །དེའི་མིང་ཐོབ་པ་ཞེས་བྱ་སྟེ། མི་དེའི་མིང་ཡིད་ཆེས་པ་སྤྱད་པ་ཁྱིམ་ནས་བྱུང་བ་སྟེ། ཡོན་ལེན་པའི་རིགས་ཤིང་གཙང་བའི་གསོ་སྦྱོང་བྱེད་པ་སྟེ། མི་དེ་ནི་མིའི་ནང་ན་ལྷ་ཞེས་བྱའོ། །ཤཱ་རིའི
192b2 བུ་སངས་རྒྱས་རྣམས་ཀྱི་བླ་ན་མེད་པ་གཡུང་དྲུང་རྫོགས་པའི་བྱང་ཆུབ་ནི་གཞུང་གཅིག་པ་འབའ་ཞིག་ཡིན་ཏེ་དེ་ནི་བྲལ་བ་ཞེས་བྱའོ། །གང་ལ་སོགས་པ་བྲལ་བ་ཞེས་བྱས་ན། འདོད་དོ་ཅོག་དང་མཐོང་ངོ་ཅོག་སྟེ། འདོད་པ་ནི་མ་རིག་པ་ཡིན་ནོ། །མཐོང་བ་ནི་དྲན་པ་དང་སེམས་པ་ཡིན
192b3 ནོ། །ཅིའི་ཕྱིར་ཞེ་ན། ཆོས་སོ་ཅོག་ཐམས་ཅད་ནི་དྲན་པ་དང་སེམས་པས་ཕྱི་མོ་བྱས་ཏེ། སེམས་ཀྱི་འདུ་ཤེས་ཡོད་དོ་ཅོག་ནི་མཐོང་བ་ཡིན་ཞེས་བྱ་སྟེ། མཐོང་བ་ནི་ཡོན་པོ་ཡིན་ནོ། །ཤཱ་རིའི་བུ་དགེ་བའི་ཆོས་ཀྱི་ནང་ན་མཐོང་བ་ཡང་ཡོན་པོ་མཐོང་བ་ཞེས་བྱའོ། །ཅིའི་ཕྱིར་ཞེ་ན། ཤཱ་རིའི་བུ
192b4 འདོད་པ་དང་བྲལ་བའི་སྟོང་པ་ཞི་བ་ཆོས་ཀྱི་ནང་ན་ཆོས་མེད། ཆོས་མེད་པ་ཡང་མེད། དགེ་བ་ཡང་མེད་དེ། ངན་པ་ཡང་མེད་དེ། དོན་ཏོ་ཅོག་ཀུན་སྟོང་ལ་ཆོས་ཀྱི་ཡི་གེ་རྣམས་དང་བྲལ་ཞིང་སེམས་ཅན་ཐམས་ཅད་དང་བྲལ་བས་ན། མིང་བྲལ་བ་ཞེས་བྱའོ། །ཤཱ་རིའི་བུ་བླ་ན་མེད་པའི་ནང
192b5 ན་འདོད་པ་རྣམས་ཡོང་ཞིའོ། །གང་ལ་སོགས་པ་འདོད་པ་རྣམས་ཤེས་བྱས་ན། ང་ནི་ཡོན་པོ་མི་དགེ་བའི་སེམས་དང་། ང་དང་ངའི་གནས་དང་། བྱེད་པའི་མཚན་མ་དང་། དོན་གྱི་མཚན་མ་སྟེ། དེའི་མིང་བླ་ན་མེད་པ་གཡུང་དྲུང་རྫོགས་པའི་ནང་ན་འདོད་པའོ་ཅོག་ཡོང་ཞི་ཞེས་བྱའོ། །ལེའུ
192b6 བརྒྱད་དེ་གཙང་མ་མཐོང་བའི་ལེའུ་འོ། ། །།སངས་རྒྱས་ཀྱིས་ཤཱ་རིའི་བུ་ལ་བཀའ་སྩལ་པ། ངས་བསམས་པ་འདས་པའི་དུས་ན་བླ་ན་མེད་པ་གཡུང་དྲུང་རྫོགས་པའི་བྱང་ཆུབ་ཚོལ་བ་ན། སངས་རྒྱས་འབུམ་ཕྲག་སུམ་ཅུ་དང་ཕྲད་དེ། ཀུན་མཚན་ཤཱཀྱ་ཐུབ་པ་ཞེས་བྱའོ། །
192b7 ང་ནི་དེའི་ཚེ་ཀུན་གྱི་འཁོར་ལོ་འཕྲུལ་གྱི་རྒྱལ་པོ་བྱེད་དེ། ལུས་ཀྱི་ཚེ་ཟད་ཀྱི་བར་དུ་སློབ་མ་དང་། ཀུན་ལ་ཡོན་གོས་དང་། ཁ་ཟས་དང་། མལ་ཆ་དང་། རྩི་སྨན་ཕུལ་ཏེ། བླ་ན་མེད་པའི་གཡུང་དྲུང་རྫོགས་པའི་བྱང་ཆུབ་ཚོལ་བའི་ཕྱིར་ན་སངས་རྒྱས་དེ་རྣམས་ཀྱིས་ང་ལ་ཁྱོད་མ་འོངས་པའི
iiif viewer powered by OpenSeadragon
