| e-texts navigator |
| Wylie |
18a1 པས་བདག་ཅག་གི་དེ་བཞིན་གཤེགས་པ་ལ་མཆོད་པ་མཛད་པ་ལ་ཡང་ལྟོས་ཤིག་ཅེས་བྱས་སོ། །དེ་ནས་འཁོར་དེ་དག་ཐམས་ཅད་ཀྱིས་མེ་ལོང་གི་ངོས་ལ་བདག་གི་གཟུགས་མཐོང་བ་བཞིན་དུ། འཇིག་རྟེན་གྱི་ཁམས་ཐག་རིང་པོ་ན
18a2 བཞུགས་པའི་དེ་བཞིན་གཤེགས་པ་དེ་དང་། འཇིག་རྟེན་གྱི་ཁམས་དེ་མཐོང་ངོ་། །དེ་ནས་འཇམ་དཔལ་གཞོན་ནུར་གྱུར་པས་འཁོར་དེ་དག་ལ་འདི་སྐད་ཅེས་སྨྲས་སོ། །ཇི་ལྟར་ཁྱོད་ཀྱིས་འཇིག་རྟེན་གྱི་ཁམས་འདི་དང་། དེ་བཞིན་གཤེགས་པ་འདི
18a3 མཐོང་བ་དེ་བཞིན་དུ། ཕྱོགས་བཅུའི་དེ་བཞིན་གཤེགས་པ་རྣམས་དང་། འཇིག་རྟེན་གྱི་ཁམས་གཞན་དག་ཀྱང་ལྟོས་ཤིག་།དེ་བཞིན་གཤེགས་པ་རྣམས་ནི་འདི་ལྟར་བདག་ཉིད་ཆེ་བ་ཡིན་ཏེ། རང་རང་གི་གནས་ན་བཞུགས་བཞིན་དུ་ཡང་ཁྱེད་ལ
18a4 ཞལ་སྟོན་པར་མཛད་དོ། །འཁོར་དེ་དག་གིས་སྨྲས་པ། ཀྱེ་མ་དེ་བཞིན་གཤེགས་པ་དེ་ལྟར་བདག་ཉིད་ཆེ་བ་ཡང་ཡོངས་སུ་མྱ་ངན་ལས་འདའ་བར་འགྱུར་བ་ལྟ། ཀྱི་ཧུད་ཅེས་བླ་ཞིང་འཁོད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ
18a5 ལུས་ཆེན་མཐའ་ཡས་བྱང་ཆུབ་སེམས་དཔའ་དཔག་ཏུ་མེད་པ་དག་གིས་བསྐོར་བ་ཡང་མཐོང་སྟེ། བྱང་ཆུབ་སེམས་དཔའ་དེའི་ལུས་ཀྱི་བ་སྤུའི་ཁུང་བུ་རེ་རེ་ནས་པད་མ་ཆེན་པོ་བྱུང་ངོ་། །པད་མ་ཆེན་པོ་རེ་རེ་ལ་ཡང་གྲོང་ཁྱེར་བདུན་ཁྲི་བརྒྱད་སྟོང་བདུན་ཁྲི་བརྒྱད་སྟོང་ཡོད་ལ
18a6 གྲོང་ཁྱེར་དེ་དག་ཀྱང་ཡུལ་ཡངས་པ་ཅན་གྱི་ཐག་གྲུ་ཙམ་ཤ་སྟག་སྟེ། རིན་པོ་ཆེ་སྣ་བདུན་གྱི་ར་བ་དང་འོབས་བདུན་རིམ་གྱིས་བསྐོར་ལ། ཤིང་ཏ་ལའི་ཕྲེང་བ་བདུན་རིམ་གྱིས་མཛེས་པར་བྱས་པ་ཤ་སྟག་སྟེ། འབྱོར་པ་དང་། རྒྱས་པ་དང་། བདེ་བ་དང་ལྡན་ཞིང
18a7 དགའ་དགའ་ལྟར་འདུག་ལ། ར་བ་དེ་དག་ཀྱང་འཛམ་བུ་ཆུ་བོའི་གསེར་གྱི་བ་གམ་ཆེན་པོ་ཤ་སྟག་གིས་བསྐོར་ཏེ། བ་གམ་ཐམས་ཅད་ཀྱི་བར་བར་ན་ཡང་ཤིང་ལྗོན་པ་གཞོན་ཤ་ཅན་འབྲས་བུ་དང་མེ་ཏོག་དང་ལྡན་པ་སྣ་མང་པོ་དག་ཡོད་དོ། །ཤིང་ལྗོན་པ་དེ་དག
iiif viewer powered by OpenSeadragon
