| e-texts navigator |
| Wylie |
186b1 བུའི་མི་གཏི་མུག་གིས་ཆོས་བཤད་པ་མི་གཙང་བ་ནི། བསྐལ་པ་སྟོང་ཁྲི་འབུམ་གྱི་བར་དུ་སེམས་ཅན་རྣམས་ཀྱི་རྐུན་པོའི་མྱ་ངན་ཆེན་པོ་བྱས་སོ། །མི་དེ་གཏི་མུག་གི་མུན་གྱིས་སངས་རྒྱས་ཀྱི་བྱང་ཆུབ་བཀབ་པས་སེམས་ཀྱི་ཕྱི་མོ་འདོད་ཆགས་པ་ལ་སླར་ཡང་འདོད
186b2 དངར་ནས། གཅིག་གིས་གཅིག་མཐུད་ཅིང་ཆགས་ཏེ། འདོད་ཆགས་སྤྱད་པས་ན་ལམ་རྒྱུད་ལྔར་སོང་ཞིང་འོང་སྟེ། ངོ་ཚ་བའི་ལམ་མེད་ཅིང་སྐྱེ་ཤི་མི་ཆད་དོ། །དེ་ལྟ་བས་ན་ཤཱ་རིའི་བུ་ཆོས་འཆད་པ་མི་གཙང་བ་ནི་སྡིག་ཤིན་ཏུ་མང་པོ་ཐོབ་བོ། །སེམས་ཅན་གྱི་ངན་པའི་བཤེས
186b3 གཉེན་ཡང་བྱས་སོ། །སྔ་མ་འདས་པ་དང་། མ་འོངས་པ་དང་། ད་ལྟར་གྱི་སངས་རྒྱས་ལའང་སྐུར་ཏོ། །ཤཱ་རིའི་བུ་དེའི་འཛམ་བུའི་གླིང་གི་སེམས་ཅན་ཞོག་སྟེ། མི་ལ་ལ་ཞིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སེམས་ཅན་ཐམས་ཅད་ཀྱི་སྲོག་ཕྲོགས་པ་བས།
186b4 ཆོས་འཆད་པ་མི་གཙང་བའི་སྡིག་དེ་མཐོའོ། །ཅིའི་ཕྱིར་ཞེ་ན། མི་དེས་སངས་རྒྱས་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀུན་བཤིག་སྟེ། བདུད་ཀྱི་དོན་ལ་བསྟངས་ཤིང་སེམས་ཅན་ཚེ་རབས་བརྒྱ་སྟོང་ཁྲིའི་བར་དུ་རྐུན་པོའི་མྱ་ངན་རྣམས་ནོད་པར་ཡང་བྱ་སྟེ།
186b5 བཅིང་བར་བྱ་བ་འབའ་ཞིག་ནུས་ཀྱི་དགྲོལ་བར་བྱ་མི་ནུས་ཏེ། དེ་ལྟ་བུའི་མི་སེམས་ཅན་རྣམས་ཀྱི་ངན་པའི་བཤེས་གཉེན་ཡིན་པར་མངོན་ནོ། །གྱི་ཚིག་དེས་ཕལ་མང་པོའི་ནང་དུ་སངས་རྒྱས་རྣམས་ལ་སྐུར་ཅིང་གཞིགས་སོ། །རྒྱུ་རྐྱེན་དེ་ལྟ་བས་ན་སེམས་ཅན་དམྱལ་བ
186b6 ཆེན་པོར་ལྟུང་ངོ་། །སེམས་ཅན་ཡོན་པོའི་དོན་མཐོང་བ་བསྟན་པ་མང་སྟེ། དེ་ལྟ་བས་ན་མིང་ངན་པ་ཡོན་པོ་མཐོང་བ་ཞེས་བྱའོ། །ཤཱ་རིའི་བུ་བདག་ཏུ་ལྟ་བ་དང་། གང་ཟག་ཏུ་ལྟ་བ་དང་། སེམས་ཅན་དུ་ལྟ་བ་ནི་ཡོན་པོར་ལྷུང་བ་མང་ངོ་། །ཞི་བ་མ་མཐོང་བ་ཡང་ཆོད་པ་ནི་མྱུར་ཏེ།
186b7 ལམ་ཐོབ་པ་མང་ངོ་། །ཅིའི་ཕྱིར་ཞེ་ན། དེས་མཐོང་སླ་བའི་ཕྱིར་རོ། །དེ་ལྟ་བས་ན་ཤེས་པར་བྱོས་ཤིག་།མི་དེ་རང་གི་རལ་གྲི་རྣོན་པོ་བདར་ཏེ། ལྕེ་གཅོད་ན་ཕོད་ཀྱི་ཕལ་གྱི་ནང་དུ་མི་གཙང་བར་ཆོས་འཆད་པ་ནི་མི་རིགས་སོ། །ལེའུ་བདུན་ཏེ་གནའ་འདས་པའི་ལེའུའོ།། །།
iiif viewer powered by OpenSeadragon
