| e-texts navigator |
| Wylie |
16a1 བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་དང་། འཁོར་དང་བཅས་པས་བདག་ཅག་གིས་ཕུལ་བའི་ཞལ་ཟས་བཞེས་སུ་གསོལ། བཅོམ་ལྡན་འདས་བདག་ཅག་གིས་ད་སླན་ཆད་ཐེག་པ་ཆེན་པོའི་སླད་དུ་ཡི་དམ་བཅའ་བར
16a2 འཚལ་ཏེ། རིགས་ཀྱི་བུའམ། རིགས་ཀྱི་བུ་མོ་གང་སུ་ཡང་རུང་། འཇིགས་པའི་སླད་དུ་འམ། རྙེད་པ་དང་བཀུར་སྟི་འཚལ་བའི་སླད་དུ་འམ། ཐོབ་ཏུ་རེ་བའི་སླད་དུ་འམ། གཞན་གྱིས་བགྱིད་དུ་སྩལ་བ་འམ། གཞན་གྱི་ཡིད་བསྲུང་བའི་སླད་དུ
16a3 ཡང་རུང་སྟེ། ཐེག་པ་ཆེན་པོ་རྗོད་པར་བགྱིད་ན། དེའི་དོན་དུ་འཇིགས་པ་དང་། མི་དགའ་བ་ཐམས་ཅད་བསལ་བའི་གསང་སྔགས་བཤད་པར་འཚལ་ལོ། །ཏདྱ་ཐཱ། ཋག་ཀེ་།ཊ་ཊ་ར་ཋག་ཀེ་།རོ་རུ་རེ། མ་ཧཱ་རོ་རུ་རེ། ཨཱ་ལ་མཱ་ལ། ཏཱ་ལ། སྭཱ་ཧཱ།
16a4 ཆོས་སྨྲ་བ་འཁྲུལ་པ་དང་འཇིགས་པས་གནོད་པར་གྱུར་པ་རྣམས། ཆོས་ཀྱི་ཚུལ་ལ་སྤོབས་པ་བསྐྱེད་པར་བགྱི་བ་དང་། མུ་སྟེགས་པ་རྣམས་མྱོས་པར་བགྱི་བ་དང་། དམ་པའི་ཆོས་བསྲུང་བ་དང་། བདག་དང་གཞན་བསྲུང་བའི་སླད་དུ་བདག་གིས་རང་གི
16a5 དམ་ཚིག་གིས་སྨྲས་པའི་གསང་སྔགས་འདི་གླང་པོ་ཆེའི་འཇིགས་པ་འམ། ནགས་ཁུང་གི་འཇིགས་པ་འམ། ཆུ་ཀླུང་གི་འཇིགས་པ་འམ། མེའི་འཇིགས་པ་རྣམས་ཀྱི་ནང་དུ་བསྲུང་བའི་གཟུངས་སྔགས་ཀྱི་དོན་དུ་རྗོད་པ་གང་ལགས་པ་དེ་དག་ནི་རྗོད་པ
16a6 ཙམ་གྱིས་ཇི་ལྟར་རུ་སྦལ་རང་གི་ལུས་བསྲུངས་པ་དེ་བཞིན་དུ། བདག་གིས་གཡོ་དང་སྒྱུ་མ་མཆིས་པར་དེ་དག་གི་འཇིགས་པ་ཐམས་ཅད་ལས་བསྲུང་བར་བགྱི། སྟོབས་དང་ལྡན་པར་ཡང་བགྱིད་ལགས་ན། བཅོམ་ལྡན་འདས་ཀྱིས་ད་ཞལ་ཟས་འདི་བཞེས
16a7 པར་གསོལ་ཞེས་བསྐུལ་ཏོ། །དེ་ནས་བཅོམ་ལྡན་འདས་ཀྱིས་བདུད་སྡིག་ཅན་ལ་འདི་སྐད་ཅེས་བཀའ་སྩལ་ཏོ། །སྡིག་ཅན་ཁྱོད་ཁ་ཟས་ཀྱི་ཕྱིར་གསོལ་བ་མ་འདེབས་ཤིག་།གསང་སྔགས་ཀྱི་ཚིག་འདི་སེམས་ཅན་ཐམས་ཅད་ལ་ཕན་པའི་ཕྱིར་ཆོས་ཀྱི་སྦྱིན་པར
iiif viewer powered by OpenSeadragon
