| e-texts navigator |
| Wylie |
163a1 བུ་སངས་རྒྱས་ཀྱིས་བཤད་པ་ལ་འཇིག་རྟེན་གྱིས་དྲང་པོ་མཐོང་བ་ནི་ལེ་ལོ་བླ་དྲོད་དང་ཐ་མ་ཞན་པའི་ཆོས་ཡིན་ཞེས་བཤད་དོ། །མཛངས་ཤིང་འཕྲུལ་པ་ནི་དེ་ལྟ་བུའི་སེམས་མི་བྱེད་དེ། དེ་དྲང་པོ་མཐོང་བ་ཡིན་ནོ། །དེ་ནི་ཡོན་པོ་མཐོང་བ་ཡིན་ནོ། །ཅི་ལྟ་ཞེ་ན།
163a2 མཐོང་ངོ་ཅོག་ཐམས་ཅད་ནི་ཀུན་སྒྱུ་མ་མི་བདེན་པའི་རྐྱེན་ལས་ལངས་སོ། །ཤཱ་རིའི་བུ་འདི་སྙམ་དུ་བསམས་ཏེ། འདི་ནི་དྲང་པོ་མཐོང་བ་སྙམ་དུ་བྱེད་ན་མི་དེ་ནི་ཡོན་པོ་མཐོང་བ་ཡིན་ནོ། །ཤཱ་རིའི་བུ་འཕྲུལ་གྱི་ཆོས་ཀྱི་ནང་ན་མཐོང་ངོ་ཅོག་གི་རྩ་བའི་ཕྱི་མོ་བྱུང་སྟེ་བཅད། སྨྲ
163a3 བའི་ཚིག་གོ་ཅོག་གི་ལམ་བཅད་དེ། དཔེར་ན་ནམ་མཁའི་ནང་གི་ལག་པ་དང་མཚུངས་ཏེ། ཅི་ཡང་རེག་ཅིང་ཐོགས་པ་མེད་དོ། །དགེ་སྦྱོང་རྣམས་ཀྱི་ཆོས་ནི་ཀུན་དེ་བཞིན་པའི་རིགས་སོ། །ལེའུ་བཞི་སྟེ་དགེ་འདུན་བསམ་པའི་ལེའུའོ།། །།ཤཱ་རིའི་བུས
163a4 སངས་རྒྱས་ལ་གསོལ་པ། བཅོམ་ལྡན་འདས་གང་ལ་སོགས་པ་འཕྲུལ་གྱི་དགེ་འདུན་ཞེས་བགྱི། ཤཱ་རིའི་བུ་མི་ལ་ལ་ཞིག་གིས་ཆོས་སོ་ཅོག་ཐམས་ཅད་ཀུན་སྐྱེ་བའང་མེད། འགོག་པའང་མེད། ལྡང་བའང་མེད། མཚན་མའང་མེད་པར་ཡིད་ཆེས་ཤིང་ཤེས
163a5 ལ་ཁོང་དུ་ཆུད་པར་ནུས་པ་དེ་དེ་ལྟ་བུའི་བཟོད་པ་འབྱོར་གྲུབ་པས་ང་ཡང་མི་ཐོབ་ན། རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་ཐོབ་པ་ལྟ་སྨོས་ཀྱང་ཅི་དགོས། དགྲ་བཅོམ་པ་ལྟ་སྨོས་ཀྱང་ཅི་དགོས། ཆོས་མི་ཐོབ་པ་ལྟ་སྨོས་ཀྱང་ཅི་དགོས།
163a6 ཕྱི་མོ་མི་ཐོབ་པ་ལྟ་སྨོས་ཀྱང་ཅི་དགོས། ལམ་མི་ཐོབ་པ་ལྟ་སྨོས་ཀྱང་ཅི་དགོས། དེ་ལྟ་བུ་ལ་སོགས་པའི་དོན་མི་ཐོབ་པ་ལྟ་སྨོས་ཀྱང་ཅི་དགོས་ཏེ། དེ་ནི་མིང་འཕྲུལ་གྱི་དགེ་འདུན་ཏེ་དེས་ཀྱང་མི་འཐོབ་བོ། །ཡང་ཤཱ་རིའི་བུ་སེམས་ཅན་ལ་སྐྱེ་བ་མེད་པ་དང་། འགོག་པ
163a7 མེད་པ་དང་། མཚན་མ་མེད་པའི་ཆོས་ཡིད་ཆེས་ཤིང་ཤེས་པ་ཉུང་ངོ་། །ལ་ལ་ཞིག་གིས་སྐྱེ་བའང་མེད། འགོག་པའང་མེད། མཚན་མའང་མེད་པའི་ཆོས་ཡིད་ཆེས་པར་ནུས་ན། སེམས་ལ་ཕྱིན་ཅི་ལོག་མེད་དེ། གཅིག་གིས་གཅིག་ཤེས་རིག་ལ་ཆོས་སྤྱད་དེ།
iiif viewer powered by OpenSeadragon
