| e-texts navigator |
| Wylie |
162b1 མི་བྱའོ། །མིང་སྔོན་མྱ་ངན་ལས་འདས་པ་ཐོབ་པ་ཞེས་ཀྱང་མི་བྱའོ། །ཤཱ་རིའི་བུ་དེ་ལྟ་བུར་སྟོན་པ་ནི་མིང་དགེ་བའི་བཤེས་གཉེན་ཞེས་བྱའོ། །མཆོག་གི་གཞུང་གི་ནང་ན་ནི་དགེ་བའི་བཤེས་གཉེན་ཡང་མེད། ངན་པའི་བཤེས་གཉེན་ཡང་མེད་དོ། །ཤཱ་རིའི་བུ
162b2 མི་ལ་ལ་ཞིག་གིས་དེ་ལྟ་བུའི་མཚན་མ་འབྱོར་གྲུབ་ན། འཇིག་རྟེན་ཡོད་དཀོན་ཏེ། ཕྱིན་ཅི་མ་ལོག་པ་ཐོབ་པས་ཡང་དག་པའི་བདེན་པ་མཐོང་སྟེ་དེ་ནི་དྲང་པོ་མཐོང་བ་ཞེས་བྱའོ། །ཡང་ཤཱ་རིའི་བུ་དྲང་པོ་མཐོང་བ་ནི་མིང་དྲང་པོ་བྱེད་དྲང་པོ་སྤྱོད། དྲང་པོའི་ལམ་དྲང་པོ་ཤེས་ཞེས
162b3 བྱ་སྟེ། ཕྱིན་ཅི་ལོག་མེད་ལ་བདེན་པ་བཞིན་དུ་མཐོང་བས་ན། ཡང་དག་པར་གཤེགས་པས་དྲང་པོ་མཐོང་བ་ཞེས་བཤད་དོ། །ཤཱ་རིའི་བུ་སེམས་ཅན་ལ་ལ་ཞིག་ཕྱིན་ཅི་ལོག་མེད་པ་བདེན་པ་བཞིན་དུ་རྟོགས་པ་ནི་དྲང་པོ་མཐོང་བ་ཡོད་དོ། །ལ་ལ་ཞིག་བདག་ཏུ་ལྟ་བའི
162b4 འདུ་ཤེས་དང་། གང་ཟག་གི་འདུ་ཤེས་དང་། སེམས་ཅན་གྱི་འདུ་ཤེས་སྐྱེས་ན། དེ་ལྟ་བུའི་མི་ཀུན་ཡོན་པོའི་ལམ་དུ་སྤྱོད་པར་མངོན་ནོ། །ཤཱ་རིའི་བུ་སངས་རྒྱས་དང་སློབ་མས་ནི་བདག་ཏུ་ལྟ་བ་ཡོད་པར་མ་བཤད། གང་ཟག་ཡོད་པར་མ་བཤད། སེམས་ཅན་ཡོད
162b5 པར་མ་བཤད། ཚེ་སྲོག་ཡོད་པར་མ་བཤད། རྟག་ཆད་མ་བཤད། དེ་ལྟ་བས་ན། སངས་རྒྱས་དང་། སློབ་མ་ནི་དྲང་པོ་མཐོང་བ་ཞེས་བྱའོ། །ཅིའི་ཕྱིར་ཞེ་ན། དྲང་པོར་བརྟགས་ཏེ། ཕྱིན་ཅི་མ་ལོག་པའི་ཕྱིར་རོ། །ཤཱ་རིའི་བུ་ཐ་མལ་པ་ཐམས་ཅད་ཀྱིས་ནི་འདིའི
162b6 ནང་དུ་འཇུག་ནུས་པ་མེད་དོ། །ཅིའི་ཕྱིར་ཞེ་ན། ཐ་མལ་པ་ཐམས་ཅད་ལ་དྲང་པོ་མཐོང་བ་ཡང་མེད་དོ། །ཡིད་བཞིན་འབྲང་བའི་དྲང་པོ་མཐོང་བ་འབའ་ཞིག་ཡོད་དོ། །མཉེན་དེས་པའི་བཟོད་པ་ཐོབ་ན་བདེན་པ་བཞིན་དུ་མ་ནུས་སོ། །ཤཱ་རིའི་བུ་དེའི་མིང་དྲང་པོ་མཐོང་བ་དང་།
162b7 ཡོན་པོ་མཐོང་བ་ཐ་དད་ཅེས་བྱ་སྟེ། བདེན་པ་བཞིན་དུ་མཐོང་བས་ན་མིང་དྲང་པོ་མཐོང་བ་ཞེས་བྱའོ། །འཇིག་རྟེན་གྱི་སྐྱིད་པ་ནོར་ཁེ་སྐྱེ་ཞིང་འཕེལ་བའི་ཞར་ལས་མཐོང་བ་ནི་འཇིག་རྟེན་གྱི་དྲང་པོ་མཐོང་བ་ཡིན་ཏེ། དེ་ཀུན་བརྙས་བསླུས་པ་ཡིན་གྱིས་སྐྱེ་ཤི་ལས་མི་ཐར་རོ། །ཤཱ་རིའི
iiif viewer powered by OpenSeadragon
