| e-texts navigator |
| Wylie |
160b1 གྱིས་མི་ཁྱབ། བརྗོད་ཀྱིས་མི་ལང་ངོ་། །གཞུང་དེ་ལྟ་བས་ན་ཅི་ཡང་མེད་པར་མཐོང་བ་ནི་མིང་སངས་རྒྱས་བསམ་པ་ཞེས་བྱ་སྟེ། བདེན་པར་མིང་རྣམ་པར་བརྟག་པ་མེད་དོ། །སངས་རྒྱས་ཆོས་སོ་ཅོག་ལ་རྣམ་པར་བརྟགས་པ་མེད་པས་ན། སེམས་ལ་རྣམ་པར་བརྟགས་པ་མེད་ན
160b2 གདོད་སངས་རྒྱས་བསམ་པ་ཡིན་ཞེས་བྱའོ། །ཡང་གཅིག་ཏུ་ན་ཆོས་སོ་ཅོག་གི་བདེན་པའི་མཚན་མ་མཐོང་ན་མིང་སངས་རྒྱས་མཐོང་ཞེས་བྱའོ། །གང་ལ་སོགས་པའི་མིང་ཆོས་སོ་ཅོག་གི་བདེན་པའི་མཚན་མ་ཞེས་བྱས་ན་དེ་ནི་ཆོས་སོ་ཅོག་མཐའ་ཡུན་དུ་སྟོང་ཞིང་ཅི་ཡང་མེད་པའོ། །
160b3 དེ་ལྟ་བས་ན་མཐའ་ཡུན་དུ་སྟོང་ཞིང་ཅི་ཡང་མེད་པའི་ཆོས་ནི་སངས་རྒྱས་བསམ་པའོ། །ཡང་གཅིག་ཏུ་ན་དེ་ལྟ་བུའི་ཆོས་ཀྱི་ནང་ན་སེམས་ཅུང་ཟད་ཡན་ཆད་ཀྱང་ཐོབ་པར་མི་རུང་སྟེ། དེའི་མིང་སངས་རྒྱས་བསམ་པ་ཞེས་བྱའོ། །ཤཱ་རིའི་བུ་དེའི་མིང་སངས་རྒྱས་བསམ་པའི་ཆོས་ཏེ།
160b4 སྨྲ་བའི་ཚིག་གི་ལམ་ཆད་ལ་སེམས་སོ་ཅོག་ལས་འདས་ཤིང་བྱུང་སྟེ། སེམས་ཐོབ་པར་མི་རུང་བ་དེའི་མིང་སངས་རྒྱས་བསམ་པའོ། །ཤཱ་རིའི་བུ་སེམས་སོ་ཅོག་ཐམས་ཅད་ནི་ཀུན་མཚན་མ་སྟོང་པ་ཞི་བ་སྟེ། ཆོས་དེ་བཞིན་དུ་མ་གལ་ན་དེ་ནི་མིང་སངས་རྒྱས་བསམ་པ་སྤྱོད
160b5 པ་སྦྱོང་བ་ཞེས་བྱའོ། །ཁ་དོག་སྤྱད་དེ་སངས་རྒྱས་བསམ་དུའང་མི་རུང་ངོ་། །ཅིའི་ཕྱིར་ཞེ་ན། ཁ་དོག་བསམས་གཟུགས་བླངས་བྲོ་ལ་ཆགས་ན་རྣམ་པར་ཤེས་པ་ཞེས་བྱའོ། །གཟུགས་མེད། ཁ་དོག་མེད། རྐྱེན་མེད། རང་བཞིན་མེད་ན་མིང་སངས་རྒྱས་བསམ་པའོ། །
160b6 དེ་ལྟ་བས་ན་རྣམ་པར་བརྟགས་པ་མེད། བླང་བ་མེད། དོར་བ་མེད་ན། སངས་རྒྱས་བསམ་པ་ཡང་དག་པ་ཡིན་པར་མངོན་ནོ། །ལེའུ་གསུམ་སྟེ་ཆོས་བསམ་པའི་ལེའུའོ།། །།དེའི་ཚེ་ཤཱ་རིའི་བུས་སངས་རྒྱས་ལ་གསོལ་པ། བཅོམ་ལྡན་འདས་ཇི་ལྟར་ན་མི་གཞན
160b7 ལ་ཆོས་འདི་བཤད་ན་ངན་པའི་བཤེས་གཉེན་ཞེས་བགྱི། བཅོམ་ལྡན་འདས་ཇི་ལྟ་བུར་ན་མི་གཞན་ལ་ཆོས་འདི་བཤད་ན་དགེ་བའི་བཤེས་གཉེན་ཞེས་བགྱི། ཤཱ་རིའི་བུ་མི་ལ་ལ་ཞིག་གིས་དགེ་སློང་གཞན་ལ་བསྟན་པ་ཁྱོད་ཤེས་པར་གྱིས་ཤིག་།སངས་རྒྱས་བསམ་པ་ནི་སྟོང་པའོ། །རྐྱེན
iiif viewer powered by OpenSeadragon
