| e-texts navigator |
| Wylie |
15a1 དེའི་རྗེས་ལ་མཐར་གྱིས་འདོད་པ་ན་སྤྱོད་པའི་ལྷའི་རིས་དྲུག་པོ་རྣམས་ཀྱིས་སྟེང་གི་བར་སྣང་ལ་མཆོད་པ་དང་། འོད་སྔ་མ་ལས་ཁྱད་པར་དུ་སྤགས་ནས། བཅོམ་ལྡན་འདས་ག་ལ་བ་དེར་དོང་སྟེ། དེ་དག་གི་མཆོད་པའི་ནང་ན་གདུགས་ཕལ
15a2 པ་གང་ཡིན་པ་དེ་ཡང་ཁོ་ར་ཁོར་ཡུག་ཏུ་གླིང་བཞི་པའི་ཁྱོན་ཙམ་མོ། །བ་དན་ཕལ་པ་གང་ཡིན་པ་དེ་ཡང་རྒྱ་མཚོ་ཆེན་པོ་བཞིའི་མཐར་ཐུག་སྟེ། ཤར་ཕྱོགས་ཀྱི་རྒྱ་མཚོ་ནས་ནུབ་ཕྱོགས་ཀྱི་རྒྱ་མཚོར་ཐུག་སྟེ། རླུང་གིས་བསྐྱོད་དམ། རླུང་གིས་ཕྱར་ན་བ་དན་དེ་དག
15a3 ལས་པི་བང་གི་སྒྲ་སྙན་པ་ཁོང་ནས་འཁྱིལ་པ་ལྟ་བུར་སྙན་པ་དག་འབྱུང་སྟེ། དེ་དག་བཅོམ་ལྡན་འདས་ལ་ཕྱག་འཚལ་ནས་ཞལ་ཟས་བཞེས་པར་གསོལ་བ་བཏབ་ཀྱང་། བཅོམ་ལྡན་འདས་ཅང་མི་གསུང་ནས་རེ་ཐག་ཆད་དེ་ཕྱོགས་གཅིག་ཏུ་འཁོད་དོ། །དེའི
15a4 ཚེ་སྲིད་པའི་རྩེ་མོར་སྐྱེས་པ་རྣམས་མ་གཏོགས་པར་གོང་མ་གོང་མའི་སེམས་ཅན་གཞན་གང་ཡིན་པ་དེ་དག་ཐམས་ཅད་བཅོམ་ལྡན་འདས་ལ་མཆོད་པ་བྱ་བའི་ཕྱིར། མཆོད་པ་རྒྱ་ཆེན་པོའི་ཚོགས་དང་ཆས་ཏེ་ལྷགས་ནས་སྔ་མ་བཞིན་དུ་ཕྱོགས་གཅིག་ཏུ་འཁོད་དོ། །མི
15a5 མཇེད་ཀྱི་བདག་པོ་ཚངས་པ་ཡང་ཚངས་རིས་ཀྱི་ལྷའི་བུ་དཔག་ཏུ་མེད་པ་དག་གིས་བསྐོར་ཅིང་མདུན་དུ་བདར་ཏེ། རང་གི་གཟི་བྱིན་གྱིས་ལྷ་ཐམས་ཅད་ཀྱི་གཟི་བྱིན་ཟིལ་གྱིས་མནན་ནས། མཆོད་པའི་ཚོགས་ཆེན་པོ་དང་ཆས་ཏེ་བཅོམ་ལྡན་འདས་ཀྱི་ཐད་དུ་དོང་སྟེ། དེ
15a6 དག་གི་བ་དན་ཕལ་པ་གང་ཡིན་པ་དེ་ཡང་ཚངས་པའི་འཇིག་རྟེན་ནས་འཕྱང་སྟེ། ཤིང་སཱ་ལ་ཟུང་གི་དྲུང་དུ་ཐུག་གོ། །དེས་ཀྱང་བཅོམ་ལྡན་འདས་ལ་ཞལ་ཟས་བཞེས་པར་གསོལ་བ་ལས། བཅོམ་ལྡན་འདས་ཀྱིས་མ་བཞེས་ནས་ཕྱོགས་གཅིག་ཏུ་འཁོད་དོ། །
15a7 དེ་ནས་དེའི་ཚེ་ལྷ་མ་ཡིན་གྱི་དབང་པོ་ཐགས་ཟངས་རིས་ལྷ་མ་ཡིན་གྱི་གཡོག་འཁོར་དཔག་ཏུ་མེད་པ་དང་བཅས་པས། ཚངས་པ་དང་དབང་པོ་གཉིས་མ་གཏོགས་པར་དེའི་བར་གྱི་ལྷ་ཡོད་དོ་ཅོག་གི་འོད་རང་གི་འོད་ཀྱིས་མོག་མོག་པོར་བྱས་ནས། དེའི་རྐྱེན་དུ་འཚམ་པའི
iiif viewer powered by OpenSeadragon
