| e-texts navigator |
| Wylie |
157b1 བཤིག་སྟེ། དྲན་ཞིང་སེམས་པ་ཐམས་ཅད་ཀུན་གྱི་སེམས་སོ། །སྨྲ་བའི་ཚིག་ཐམས་ཅད་བསལ་ཏོ། །ངའི་ཆོས་དེའི་ནང་ན་རྟག་པ་མེད། རྟག་པ་མེད་པའང་མེད། སྡུག་བསྔལ་མེད། སྐྱིད་པའང་མེད། དྲི་མའང་མེད། གཙང་བའང་མེད། ཆད་པའང་མེད། རྟག་པའང་མེད། བདག་ཏུ་ལྟ
157b2 བའང་མེད། སེམས་ཅན་ཡང་མེད། གང་ཟག་ཀྱང་མེད། ཚེའང་མེད། སྲོག་ཀྱང་མེད། སྐྱེ་བའང་མེད། འགོག་པའང་མེད། དེ་ཅིའི་ཕྱིར་ཞེ་ན། ཤཱ་རིའི་བུ་ཡང་དག་པར་གཤེགས་པས། ཆོས་ལ་ང་མེད། ང་ཞི་བ་ཡོད་པས་ན། མིང་མྱ་ངན་ལས་འདས་ཞེས་བྱ་ན། མྱ་ངན
157b3 ལས་འདས་པ་ཐོབ་པའང་མ་མཐོང་། ཤཱ་རིའི་བུ་སངས་རྒྱས་ཀྱང་མྱ་ངན་ལས་འདས་པར་མི་སེམས་སོ། །མྱ་ངན་ལས་འདས་པའི་སེམས་ཀྱང་མི་བྱེད། མྱ་ངན་ལས་འདས་པ་ལ་འདོད་ཆགས་ཀྱང་མེད་དོ། །དེ་ལྟ་བས་ན་དེ་ནི་རབ་ཏུ་ངོ་མཚར་བར་མངོན་ཏེ་ཡོད་དཀོན་ནོ། །དེ་ནི་ཡང་དག་པར
157b4 གཤེགས་པས་བཤད་པ་ཆོས་སོ་ཅོག་སྐྱེ་བའང་མེད། འགོག་པའང་མེད། མཚན་མའང་མེད། བྱ་བའང་མེད་ན། མི་ཀུན་ཡིད་ཆེས་ཤིང་ཤེས་པར་བྱས་པ་ན་ཕྱེད་ཀྱིས་ཡོད་དཀོན་ནོ། །ལེའུ་གཉིས་ཏེ་སངས་རྒྱས་བསམ་པའི་ལེའུའོ།། །།དེའི་ཚེ་ཤཱ་རིའི་བུས་སངས་རྒྱས
157b5 ལ་གསོལ་པ། བཅོམ་ལྡན་འདས་ཆོས་འདིའི་ནང་ན་ཇི་ལྟ་བུ་ལ་ངན་པའི་བཤེས་གཉེན་ཞེས་བགྱི། ཇི་ལྟ་བུ་ལ་དགེ་བའི་བཤེས་གཉེན་ཞེས་བགྱི། སངས་རྒྱས་ཀྱིས་ཤཱ་རིའི་བུ་ལ་བཀའ་སྩལ་པ། དགེ་སློང་ལ་ལ་ཞིག་དགེ་སློང་གཞན་ལ་སྟོན་པ། དགེ་སློང་ཁྱོད་སངས་རྒྱས་ལ་སོམས
157b6 ཤིག་། ཆོས་ལ་སོམས་ཤིག་།དགེ་འདུན་ལ་སོམས་ཤིག་།ཚུལ་ཁྲིམས་ལ་སོམས་ཤིག་།གཏོང་བ་ལ་སོམས་ཤིག་།ལྷ་ལ་སོམས་ཤིག་།དགེ་སློང་ཁྱེད་ཀྱིས་ལུས་ལ་རྟོགས་ཏེ། ལུས་གཟུགས་དེ་མི་གཙང་བར་སོམས་ཤིག་།བྱ་བ་ཡོད་དོ་ཅོག་གི་ཆོས་ཐམས་ཅད་ཀུན་ནི་རྟག་པ་མེད
157b7 པར་རྟོགས་ཤིག་། ཆོས་སོ་ཅོག་ནི་སྟོང་པ་མེད་པར་རྟོགས་ཤིག་།དགེ་སློང་ཁྱོད་ཀྱིས་རྐྱེན་ཏོ་ཅོག་གི་མཚན་མ་བླངས་ཏེ། སེམས་ཀྱི་རྐྱེན་གྱི་ནང་དུ་བཏགས་པ་བཞིན་དུ། སྟོང་པའི་མཚན་མ་གཅིག་ཏུ་སོམས་ཤིག་།དགེ་བའི་སེམས་ལ་དད་པར་བྱོས་ཤིག་།མི་དགེ་བའི་ཆོས་ཀྱི་མཚན་མ་ལོང་ལ།
iiif viewer powered by OpenSeadragon
