| e-texts navigator |
| Wylie |
157a1 མི་རུང་ངོ་། །དྲི་མའང་མེད། གཙང་བའང་མེད། མིང་ཡང་མེད། མཚན་མའང་མེད། སེམས་ཀྱིས་བགྲང་བའི་ཆོས་ཀྱང་མ་ཡིན། སེམས་ཀྱིས་ཤེས་པའང་མ་ཡིན་ཏེ། ངའི་ཆོས་འདིའི་ནང་ན་སྐྱེས་པའང་མེད། བུད་མེད་ཀྱང་མེད། ལྷའང་མེད། ཀླུའང་མེད།
157a2 གནོད་སྦྱིན་ཡང་མེད། དྲི་ཟ་ཡང་མེད། གྲུལ་བུམ་ཡང་མེད། ཤ་ཟ་ཡང་མེད། ཆད་པའང་མེད། རྟག་པའང་མེད། བདག་ཏུ་ལྟ་བའང་མེད། སེམས་ཅན་ཡང་མེད། གང་ཟག་ཀྱང་མེད། འོངས་པའང་མེད། སོང་བའང་མེད། ཞུགས་པའང་མེད། ཚུལ་ཁྲིམས་ཀྱང་མེད། ཉམས
157a3 པའང་མེད། གཙང་བའང་མེད། དྲི་མའང་མེད། ཏིང་ངེ་འཛིན་ཀྱང་མེད། ཐུབ་པའང་མེད། ཐུབ་པའི་རྩ་བའང་མེད། བསམ་གཏན་ཡང་མེད། བསམ་གཏན་གྱི་རྩ་བ་ཡང་མེད། ཤེས་པའང་མེད། མཐོང་བའང་མེད། འདོད་པའང་མེད། རྩོད་པའང་མེད། ལམ་ཡང་མེད།
157a4 ལམ་གྱི་འབྲས་བུ་ཡང་མེད། ཤེས་རབ་ཀྱང་མེད། ཤེས་རབ་ཀྱི་རྩ་བའང་མེད། སྣང་བའང་མེད། སྣང་བ་མེད་པའང་མེད། གྲོལ་ཐར་པའང་མེད། གྲོལ་ཐར་པ་མེད་པའང་མེད། འབྲས་བུའང་མེད། འབྲས་བུ་ཐོབ་པའང་མེད། སྟོབས་ཀྱང་མེད། སྟོབས་ཐོབ་པའང་མེད།
157a5 འཇིགས་པའང་མེད། འཇིགས་པ་མེད་པའང་མེད། སེམས་ཀྱང་མེད། སེམས་ཀྱི་རྩ་བའང་མེད། འདུག་པའང་མེད། འགྲོ་བའང་མེད། ཆོ་གའང་མེད། ཚུ་ལོགས་ཀྱང་མེད། ཕ་ལོགས་ཀྱང་མེད། དྲན་ཞིང་འདུ་ཤེས་ཀྱིས་རྣམ་པར་བརྟགས་པའང་མེད། བྱང་ཆུབ་ཀྱང་མེད།
157a6 བྱང་ཆུབ་ཀྱི་ཤས་ཀྱང་མེད། ཤེས་རབ་ཀྱང་མེད། ཤེས་རབ་མེད་པའང་མེད། སའང་མེད། ཆུའང་མེད། མེའང་མེད། རླུང་ཡང་མེད། སྡིག་ཀྱང་མེད། དཔལ་ཡོན་ཡང་མེད། ཆོས་ཀྱང་མེད། ཆོས་མེད་པའང་མེད། སྡུག་བསྔལ་ཡང་མེད། སྐྱིད་པའང་མེད་དེ། འདྲན་ཏོར
157a7 བརྗོད་པ་ཐམས་ཅད་ཀྱི་རྩ་བའི་ཕྱི་མོ་ཀུན་བྱུང་སྟེ། ཐམས་ཅད་ཡོངས་སུ་བྲལ་བས་གྲངས་ཏེ་དུད་པའང་མེད་དོ། །ཤཱ་རིའི་བུ་གཅེས་པའི་ཚིག་བསྐྱོད་དོ། །ངའི་ཆོས་ཀྱིས་སེམས་སོ་ཅོག་ཐམས་ཅད་དང་། མཐོང་ངོ་ཅོག་ཐམས་ཅད་དང་། བདུད་ཐམས་ཅད་དང་། ལེ་ལོ་ཡང་སྐྱེ་བ་ཀུན
iiif viewer powered by OpenSeadragon
