| e-texts navigator |
| Wylie |
156a1 སྡང་དང་། གཏི་མུག་ཀྱང་བསལ་ཏེ། བདེན་པའང་མེད། པའང་མེད། རྟག་པའང་མེད། མི་རྟག་པའང་མ་ཡིན། སྣང་བའང་མ་ཡིན། མི་སྣང་བ་ཡང་མ་ཡིན། མུན་པའང་མ་ཡིན། སྣང་བའང་མ་ཡིན། སེམས་ལ་མི་འདུག་།ངོ་བོ་ཉིད་མེད། ངོ་བོ་ཉིད
156a2 ཕྱི་མོ་ནས་སྟོང་པས། བདུད་ཕེབས་ཐུལ་བར་ནུས། མྱ་ངན་འཁྲུག་པ་ཕེབས་ཐུལ། ལྔ་ཕུང་ཕེབས་ཐུལ། འདུ་མཆེད་བཅུ་གཉིས་ཕེབས་ཐུལ། ཁམས་བརྒྱད་ཕེབས་ཐུལ། ལྔ་ཕུང་ཡོད་ཅེས་འཆད་པ་ཕེབས་ཐུལ། འདུ་མཆེད་བཅུ་གཉིས་ཡོད་ཅེས་འཆད་པ་ཕེབས་ཐུལ། ཁམས
156a3 བརྒྱད་ཡོད་ཅེས་འཆད་པ་ཕེབས་ཐུལ། སེམས་ཅན་ཡོད་ཅེས་འཆད་པ་དང་། གང་ཟག་ཡོད་ཅེས་འཆད་པ་ཕེབས་ཐུལ། ཚེ་ཡོད་ཅེས་འཆད་པ་དང་། སྲོག་ཡོད་ཅེས་འཆད་པ་དང་། ཡོད་པ་ཡོད་ཅེས་འཆད་པ་དང་། ཡོད་པ་མེད་ཅེས་འཆད་པ་ཕེབས་ཐུལ་ལོ། །ཡོན་པོ་ཆད་པ་ཐམས
156a4 ཅད་ཕེབས་ཐུལ་ལོ། །ཤཱ་རིའི་བུ་ངའི་འཕྲུལ་གྱི་ཆོས་འདིས་འདོད་ཆགས་ཐམས་ཅད་དང་། ཆོས་ཡོད་ཅེས་འཆད་པ་དང་། ཆོས་སོ་ཅོག་གི་ཡང་དག་པའི་བདེན་པའི་མཚན་མ་ལ་ཡིད་མི་ཆེས་མ་དད་པ་དང་། སངས་རྒྱས་ཀྱི་ཆོས་ལ་ཟློག་པ་ཀུན་ཕེབས་ཐུལ་བར་ནུས་སོ། །ཅིའི་ཕྱིར
156a5 ཞེས་བྱས་ན། ཤཱ་རིའི་བུ་སེམས་ཅན་ལ་ལ་ཞིག་བདག་ཏུ་ལྟ་བར་འཆད། གང་ཟག་ཏུ་འཆད། སེམས་ཅན་ཡོད་པར་འཆད། མེད་པར་འཆད། རྟག་པ་སྙམ་དུ་འཆད། ཡོད་པ་སྙམ་དུ་འཆད། མེད་པ་སྙམ་དུ་འཆད་ཅིང་ཆོས་རྣམས་འཆད་པ་དང་། བརྙན་མའི་མིང་དུ་འཆད
156a6 པ་དང་། འཆད་པ་ཀུན་ལ་སངས་རྒྱས་ལ་ཟློག་ཅིང་གསལ་བ་སྟེ། སངས་རྒྱས་དང་རྩོད་པའོ། །ཤཱ་རིའི་བུ་ཆོས་ལ་ཅུང་ཟད་ཅིག་ཐོབ་པར་འཛིན་པ་ཡན་ཆད་སངས་རྒྱས་དང་རྩོད་པའོ། །སངས་རྒྱས་དང་རྩོད་པ་ནི་ཀུན་ཡོན་པོའི་ལམ་དུ་འཇུག་པ་སྟེ། ངའི་སློབ་མ་མ་ཡིན
156a7 ནོ། །ངའི་སློབ་མ་མ་ཡིན་ན་མྱ་ངན་ལས་འདས་པ་དང་རྩོད་པ། སངས་རྒྱས་དང་རྩོད་པ། ཆོས་དང་རྩོད་པ། དགེ་འདུན་དང་རྩོད་པ་སྟེ། ཤཱ་རིའི་བུ་དེ་ལྟར་མཐོང་བའི་མི་ནི་ངས་ཁྱིམ་ནས་བྱུང་ཞིང་། ཚུལ་ཁྲིམས་མནོད་དུ་མ་གནང་ངོ་། །ཤཱ་རིའི་བུ་དེ་ལྟར་མཐོང་བའི་མི་ནི་ངས་ཆུ་རྔུབ
iiif viewer powered by OpenSeadragon
