| e-texts navigator |
| Wylie |
155b1 པས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དང་། རི་རབ་དང་། ཆུ་བོ་དང་། རྩི་ཤིང་བཏེག་སྟེ། སེམས་ཅན་དེ་རྣམས་ཐམས་ཅད་སེམས་འཐུན་པར་དགའ་སྐྱིད་ཅིང་ཡིད་ལ་ཐ་དད་པ་མེད་པར་བྱ་ནུས་ན་དེ་ཁྱོད་ཀྱི་ཡིད་ལ་ཇི་སྙམ། ཡོད་དཀོན་ནམ་མི་དཀོན། བཅོམ
155b2 ལྡན་འདས་དཀོན་ལགས་སོ། །ཤཱ་རིའི་བུ་ཡང་དག་པར་གཤེགས་པས་བཤད་པ་ཆོས་སོ་ཅོག་ཀུན་ལ་སྐྱེ་བ་ཡང་མེད། འགོག་པ་ཡང་མེད། མཚན་མ་ཡང་མེད། བྱ་བ་ཡང་མེད་ན། མི་ཀུན་ཡིད་ཆེས་ཤིང་ཤེས་པར་བྱས་པ་ཕྱེད་ཀྱིས་ཡོད་དཀོན་ནོ། །ཤཱ་རིའི་བུ་ཡང་དག
155b3 པར་གཤེགས་པས་བཤད་པ་ཆོས་ཀུན་ལ་ངོ་བོ་ཉིད་མེད་དེ། སྟོང་པ་ཅི་ཡང་མེད་པས་འཇིག་རྟེན་ཐམས་ཅད་ཀྱིས་ཡིད་ཆེས་ཤིང་ཤེས་པར་དཀའོ། །ཅིའི་ཕྱིར་ཞེ་ན། ཤཱ་རིའི་བུ་ཆོས་དེ་ལ་འདུ་ཤེས་མེད་དེ་འདུ་ཤེས་སོ་ཅོག་དང་བྲལ་ལོ། །བསམ་པ་མེད་དེ་བསམ་པའོ་ཅོག་དང་བྲལ་ལོ། །བླང
155b4 བའང་མེད་དེ་དོར་བའང་མེད། འདྲན་ཏོར་ཡང་མེད། མྱ་ངན་ཚ་བའང་མེད། ཚུ་ལོགས་ཀྱི་འགྲམ་ཡང་མེད། ཕ་ལོགས་ཀྱི་འགྲམ་ཡང་མེད། སྐབས་ཀྱང་མེད། གཏི་མུག་མེད། རིག་པའང་མེད་དེ། ཚད་མེད་པའི་ཡེ་ཤེས་ཀྱིས་ན་གདོད་ཤེས་པར་རུང་སྟེ། བསམ་པས་ཤེས
155b5 པར་ནུས་པ་མ་ཡིན་ནོ། །སྤྱད་པ་ཡང་མེད། འདུ་ཤེས་ཀྱང་མེད། མྱ་ངན་ཚ་བའང་མེད། དེ་བསམ་པ་མེད་ན། བསམ་པ་ཀུན་ལས་འདས། སེམས་མེད་ན་སེམས་ཀུན་ལས་འདས། ཕྱོགས་པའང་མེད། ལོག་པའང་མེད། བཅིངས་པའང་མེད། བཀྲོལ་བ་ཡང་མེད།
155b6 བདེན་པ་ཡང་མེད། མི་བདེན་པའི་ཆོས་ཀྱང་མེད། གཏི་མུག་ཀྱང་མེད། གཏི་མུག་གི་ཆོས་ཀྱང་མེད། གཏི་མུག་གི་དྲ་བ་ཡང་མེད། མིང་ཡང་མེད། ཚིག་མེད། བཤད་པ་མེད། མ་བཤད་པ་མེད། ཟད་པའང་མེད། མ་ཟད་པའང་མེད། སྤྱད་པའང་མེད། ལམ་ཡང
155b7 མེད། ལམ་གྱི་འབྲས་བུ་ཡང་མེད། བྲལ་བ་མེད་ན་བྲལ་བ་རྣམས་ལས་འདས་ཏེ། བསམ་པའང་མེད། གོ་འདུན་འདྲེས་པའང་མེད། བླང་བའང་མེད། དོར་བའང་མེད། ཐོབ་པའང་མེད། ཐོབ་པར་ཡང་མི་རུང་། བདེན་པ་རྣམས་ཀྱང་བསལ། འདོད་ཆགས་དང་། ཞེ
iiif viewer powered by OpenSeadragon
