| e-texts navigator |
| Wylie |
154a1 མོ་མཁན་མཁས་པས་ནམ་མཁའ་ལ་བྲིས་ཏེ། ཁ་དོག་དང་གཟུགས་རྣམ་པ་ཅི་ཡང་སྣང་བར་བྱས་ན་ཁྱོད་ཀྱི་ཡིད་ལ་ཇི་སྙམ་དུ་སེམས། རི་མོ་མཁན་དེ་ཡོད་པ་དཀོན་ནམ་མི་དཀོན། བཅོམ་ལྡན་འདས་དཀོན་ལགས་སོ། །ཤཱ་རིའི་བུ་ཡང་དག་པར་གཤེགས་པས་འཐོབ་པའི་བླ
154a2 ན་མེད་པ་གཡུང་དྲུང་རྫོགས་པའི་བྱང་ཆུབ་ཀྱིས་ཆོས་སོ་ཅོག་ལ་སྐྱེ་བ་ཡང་མེད། འགོག་པ་ཡང་མེད། མཚན་མ་ཡང་མེད་བྱ་བ་ཡང་མེད་པར་བཤད་ན། མི་ཀུན་ཡིད་ཆེས་ཤིང་ཤེས་པར་བྱས་པ་ནི་ཆེས་ཀྱིས་ཡོད་པ་དཀོན་ནོ། །ཅིའི་ཕྱིར་བྱས་ན་མིང་དང་མཚན་མ་མེད་པའི་ཆོས་ལ་བསམ་པ་ཡང་མེད།
154a3 ཐོབ་པ་ཡང་མེད། སྤྱད་པ་ཡང་མེད་དེ། བསམ་གྱིས་མི་ཁྱབ་ཅིང་སེམས་ཀྱིས་གནས་ཤིང་རྟེན་པ་ཡང་མ་ཡིན། འདྲན་ཏོར་དུ་བརྗོད་པ་ཡང་མེད། འདྲན་ཏོར་དུ་བརྗོད་ཅིང་། རྟེན་གནས་སུ་རུང་བ་ཡང་མ་ཡིན། ཚོར་བ་ཡང་མེད། བརྟགས་པ་ཡང་མེད། ཇིས་བསྡུ་བ་ཡང་མེད།
154a4 སེམས་ལ་ཡང་མི་འདུག་།ཐོབ་པས་ཐོབ་པ་ཡང་མེད། ཚུ་ལོགས་ཀྱང་མེད། ཕ་ལོགས་ཀྱང་མེད། རྣམ་པར་རྟོག་པ་ཡང་མེད། གཡོ་བ་ཡང་མེད། རང་བཞིན་ཡང་མེད། ཕྱི་མོ་ནས་རང་སྟོང་པས་བསམ་དུ་ཡང་མི་རུང་འབྱུང་དུ་ཡང་མི་རུང་སྟེ། འཇིག་རྟེན་ཐམས་ཅད་ཀྱིས་ཡིད་ཆེས
154a5 པར་མི་ནུས་པ་དེ་ལྟ་བུའི་མིང་མཚན་མ་མེད་པའི་ཆོས་མིང་དང་མཚན་མས་བཤད་དེ། དེ་ལྟ་བུའི་ནི་ཆོས་སོ་ཅོག་ཀུན་སྐྱེ་བ་ཡང་མེད། འགོག་པ་ཡང་མེད། མཚན་མ་ཡང་མེད། བྱ་བ་ཡང་མེད་པས་མི་ཀུན་ཡིད་ཆེས་ཤིང་ཤེས་པར་བྱ་བ་ནི་ཕྱེད་ཀྱིས་ཡོད་དཀོན་ནོ། །ཤཱ་རིའི་བུ་མི་ལ་ལ་ཞིག
154a6 གིས་རི་རབ་རིའི་རྒྱལ་པོ་བལྡད་དེ། མིད་ལ་ཞུ་ཞིང་ཟད་པར་བྱ་ནུས་ལ་ནམ་མཁའ་ལ་འཕུར་ཏེ་སོང་ན། གནོད་པ་མེད་པ་དེ་ཁྱོད་ཀྱི་ཡིད་ལ་ཇི་སྙམ། ཡོད་དཀོན་ནམ་མི་དཀོན། བཅོམ་ལྡན་འདས་དཀོན་ལགས་སོ། །ཤཱ་རིའི་བུ་སངས་རྒྱས་རྣམས་ཀྱིས་བཤད་པ་ལ། ཆོས་སོ་ཅོག
154a7 ཀུན་ལ་སྐྱེ་བའང་མེད། འགོག་པའང་མེད། མཚན་མ་ཡང་མེད། བྱ་བ་ཡང་མེད་ན། མི་ཀུན་ཡིད་ཆེས་ཤིང་ཤེས་པར་བྱས་པ་ནི་ཕྱེད་ཀྱིས་ཡོད་དཀོན་ནོ། །ཤཱ་རིའི་བུ་དཔེར་མིའི་མཁར་ཆུ་ཞེང་མཐོན་དམན་དཔག་ཚད་རེ་རེ་ཡོད་ལ་སྒོ་བཞིར་མེ་ལྕེ་བྱུང་བ་ལ་མི་ཞིག་ཁུར་དུ་རྩཝ་སྐམ
iiif viewer powered by OpenSeadragon
