| e-texts navigator |
| Wylie |
150b1 དགོས་སོ། །གསོལ་པ། བཅོམ་ལྡན་འདས་ད་ནི་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོའི་བསོད་ནམས་ཇི་ལྟར་སྐྱེ་བ་བཀའ་སྩལ་དུ་གསོལ། བཀའ་སྩལ་པ། སངས་རྒྱས་ཀྱི་ཡུལ་འདི་ནི་བསམ་གྱིས་མི་ཁྱབ་པའི་ཕྱིར་ཉན་ཐོས་དང་རང་སངས་རྒྱས་ཐམས་ཅད་ཀྱིས་ཀྱང་མདོ
150b2 སྡེ་འདིའི་མིང་ཡང་ཚིག་ཙམ་དུ་ཡང་ཉན་པ་རྣམས་ལ་བརྗོད་པར་མི་ནུས་སོ། །དེ་ནས་བཅོམ་ལྡན་འདས་ལ་ལྷ་དང་མི་དང་ལྷ་མ་ཡིན་རྣམས་ཀྱིས་ཚིག་འཐུན་པར་ཚིགས་སུ་བཅད་དེ་གསོལ་པ། སངས་རྒྱས་བསམ་ཡས་བསམ་ཡས་ཆོས་གསུང་བ། །ཆོས་དང་དགེ་འདུན་རྟག་ཏུ་ཁྱོད་ལ
150b3 རྟེན། །དེ་ཕྱིར་དགེ་སློང་འོད་སྲུང་ཀུན་དགའ་བོ། །མ་མཆིས་བར་དུ་མགོན་པོ་བཞུགས་པར་གསོལ། །བི་དེ་ཧ་ཡི་རྒྱལ་པོ་མ་སྐྱེས་དགྲ། །ཁྱོད་ཀྱི་མཛའ་མཆོག་ཐུགས་འདྲ་ཆེ་བ་ཡང་། །ད་དུང་མ་མཆིས་མཐར་ཐུག་ཁྱོད་མ་གཤེགས། །ཀུན་མཁྱེན་ཁྱོད་ཀྱིས་བདག་ཅག་ཐེ
150b4 ཚོམ་ཆོད། །དེ་ནས་བཅོམ་ལྡན་འདས་ཀྱིས་དེ་དག་ལ་འདི་སྐད་ཅེས་བཀའ་སྩལ་ཏོ། །ང་ཡི་སྲས་མཆོག་ཐུ་བོ་འོད་སྲུང་དང་། །བློ་ལྡན་ཀུན་དགའ་ཁྱོད་ཀྱི་ཐེ་ཙོམ་གཅོད། །ཁྱོད་ཀྱིས་ང་ཡི་ཞལ་ལྟོས་རྟག་པ་དང་། །མི་རྟག་ཤེས་བྱོས་མྱ་ངན་མ་བྱེད་ཅིག་།དེ་ནས་འཁོར་དེ་དག་ཐམས
150b5 ཅད་ཀྱིས་བཅོམ་ལྡན་འདས་ལ་མཆོད་པ་ཆེན་པོ་བྱས་ཏེ་བླ་ན་མེད་པ་ཡང་དག་པར་རྫོགས་པ་བྱང་ཆུབ་ཏུ་སྨོན་ལམ་བཏབ་ནས་དེར་སེམས་ཅན་གང་གཱའི་ཀླུང་གཏམས་ཕྲག་དཀྲིགས་སྙེད་ཀྱི་བྱེ་མའི་གྲངས་སྙེད་ཀྱིས་སེམས་བསྐྱེད་ནས་བྱང་ཆུབ་སེམས་དཔའི་ས་དང་པོའི་གནས་ཐོབ་བོ། །དེ་ནས་བཅོམ་ལྡན
150b6 འདས་ཀྱིས་འཇམ་དཔལ་གཞོན་ནུར་གྱུར་པ་དང་། བྲམ་ཟེ་ཆེ་ཞིང་མཐོ་བ་འོད་སྲུང་ཆེན་པོ་དང་རུས་གཅིག་པ་ལ་བཀའ་སྩལ་ཏེ། མགར་བའི་བུ་ཙུན་ད་བྱང་ཆུབ་ཏུ་དབང་བསྐུར་ནས་བྱང་ཆུབ་སེམས་དཔའ་དེ་གསུམ་ལ་བཀའ་སྩལ་པ། རིགས་ཀྱི་བུ་དག་བག་ཡོད་པར་གྱིས་ཤིག་།བག་ཡོད་པར་གྱིས
150b7 ཤིག་། ང་རྐེད་པའི་ནད་དྲག་པོས་བཏབ་སྟེ། གཞོན་ནུ་དག་ང་རེ་ཞིག་ཐབས་ཀྱི་ནང་ཕོ་བྲང་དུ་ཉལ་བར་འདོད་ཀྱིས་ཉལ་དུ་ཆུག་ཤིག་འཇམ་དཔལ་ཁྱོད་ཀྱིས་འཁོར་ཐམས་ཅད་ལ་ཆོས་སྟོན་ཅིག་སེང་གེའི་སྒྲ་སྒྲོགས་ཤིག་།གནས་བརྟན་འོད་སྲུང་ཆེན་པོ་དང་། ཀུན་དགའ་བོ་གཉིས་མ་འོངས་པའི་བར་དུ
iiif viewer powered by OpenSeadragon
