| e-texts navigator |
| Wylie |
148b1 སྐད་ཅེས་བཀའ་སྩལ་ཏོ། །འདིར་ནི་སྲེད་པ་མ་ཞེས་བྱ། །གཏི་མུག་ལ་ནི་ཕ་ཞེས་བྱ། །ཆོས་འདི་གཉིས་ལ་གང་མཆོད་པ། །དེ་ནི་མནར་མེད་འཇིགས་པར་འགྲོ། །དེ་ནས་བཅོམ་ལྡན་འདས་ཀྱིས་ཡང་འཇམ་དཔལ་གཞོན་ནུར་གྱུར་པ་ལ་ཚིགས་སུ་བཅད་པ་འདི་སྐད
148b2 ཅེས་བཀའ་སྩལ་ཏོ། །གཞན་གྱི་དབང་གྱུར་ཐམས་ཅད་སྡུག་།རང་དབང་ཅན་ནི་ཐམས་ཅད་བདེ། །ང་རྒྱལ་དབང་གྱུར་ཀུན་མི་ཟད། །དགའ་བ་ཐམས་ཅད་བཟང་བ་ཡིན། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །
148b3 བཅོམ་ལྡན་འདས་ཀྱིས་ཆོས་ཀྱི་སྒོ་དེ་སྐད་དུ་བཀའ་སྩལ་པ་ནི་ལེགས་པར་བཀའ་སྩལ་པ་མ་ལགས་ཏེ། འདི་ན་ཁྱིམ་བདག་ལ་ལ་ཞིག་གིས་བདག་གི་བུ་བྱིས་པའི་སློབ་དཔོན་ལ་གཏད་ན་ཅི་ལགས། ཁྱེའུ་དེ་གཞན་གྱི་དབང་དུ་གྱུར་པ་ཞེས་མི་བགྱི་ལགས་སམ། དེ་ལ་གཞན་གྱི
148b4 དབང་དུ་གྱུར་པ་མ་ལགས་སོ་ཞེས་བགྱིས་ན་ཡང་དོན་དང་འགལ་བར་འགྱུར་ལ་དེ་ལ་རང་དབང་ཅན་ལགས་སོ་ཞེས་བགྱིས་ན་ཡང་དོན་དང་འགལ་བར་འགྱུར་ཏེ། ཆོས་འདི་ནི་ཤིན་ཏུ་བརྟག་དཀའ་བ་ལགས་སོ། །འདི་ན་རྒྱལ་པོའི་བུ་ལ་ལ་བཅོས་སུ་མི་རུང་བར་གྱུར་ཏེ། དེ་ཅི
148b5 ཡང་སློབ་མི་འཚལ་ནས་རང་དགའ་དང་རང་ཉམ་དུ་འཁྱམ་པ་དེ་ལ་རང་དབང་ཅན་ཞེས་བགྱིས་ན་ནི་དོན་དང་ཚབས་ཆེར་འགལ་བར་འགྱུར་ལ་གཞན་གྱི་དབང་དུ་གྱུར་ཏོ་ཞེས་བགྱིས་ན་ནི་དོན་དང་འགལ་བར་མི་འགྱུར་ཏེ། ཆོས་འདི་ནི་ཤིན་ཏུ་བརྟག་དཀའ་བ་ལགས་སོ། །གཞན་ཡང
148b6 དབང་དུ་གྱུར་ཅེས་བགྱི་བའི་ཚིག་ནི་དེ་རང་དབང་དུ་གྱུར་ན་སྡིག་པ་བགྱིད་པ་དང་། འགུམ་པར་འགྱུར་བས་ན། བཀའ་སྩལ་པ་འདི་ནི་ལྷག་མ་ཡོད་པའི་དོན་ལགས་ཏེ། དེ་བས་ན་གཞན་གྱི་དབང་དུ་གྱུར་པ་ཐམས་ཅད་སྡུག་པ་ཡང་མ་ལགས་ལ། རང་དབང་ཅན་ཐམས
148b7 ཅད་བདེ་བ་ཡང་མ་ལགས་སོ། །ང་རྒྱལ་དབང་གྱུར་ཀུན་མི་ཟད། །ཅེས་བགྱི་བ་དེ་ཡང་ལྷག་མ་ཡོད་པའི་དོན་ལགས་ཀྱི་ང་རྒྱལ་གྱི་དབང་དུ་གྱུར་པ་ཀུན་མི་ཟད་པ་ཡང་མ་ལགས་ཏེ། འདི་ན་ལ་ལ་ཞིག་ང་རྒྱལ་གྱི་དབང་གིས་རབ་ཏུ་བྱུང་ན་ཅི་ལགས། རབ་ཏུ་བྱུང་བ་དེ་ལ་ང་རྒྱལ་གྱི
iiif viewer powered by OpenSeadragon
