| e-texts navigator |
| Wylie |
142b1 ཅན་ཀུན་གྱི་མཆོག་གྱུར་པ། །གཏན་དུ་མྱ་ངན་འདའ་བས་གྲོངས། །གང་ཚེ་སྡིག་ཅན་འདོད་ཆེན་པ། །བྱང་ཆུབ་མངོན་པར་རྫོགས་འཚང་རྒྱ། །མཆོག་ཏུ་བདེ་བ་ཐོབ་ནས་ཀྱང་། །ཉེས་པ་ཐམས་ཅད་རྣམ་སྤངས་པ། །དེ་ཚེ་སྒྲ་གཅན་ཟིན་བཞིན་དུ། །དེ་བཞིན་གཤེགས
142b2 པས་སེམས་ཅན་གཟིགས། །སེམས་ཅན་ཀུན་གྱི་མཆོག་གྱུར་པ། །གཏན་དུ་མྱ་ངན་འདའ་བས་གྲོངས། །གང་ཚེ་སེམས་ཅན་ཐམས་ཅད་ནི། །བསམ་པ་འཐུན་པར་གནས་གྱུར་ཏེ། །བྱང་ཆུབ་མཆོག་ཏུ་རྫོགས་སངས་རྒྱས། །ཉེས་པ་ཐམས་ཅད་རྣམ་སྤངས་པ། །དེ་ཚེ་སྒྲ
142b3 གཅན་ཟིན་བཞིན་དུ། །དེ་བཞིན་གཤེགས་པས་སེམས་ཅན་གཟིགས། །སེམས་ཅན་ཀུན་གྱི་མཆོག་གྱུར་པ། །གཏན་དུ་མྱ་ངན་འདའ་བས་གྲོངས། །གང་ཚེ་སྦྲང་བུའི་གཅིན་ཙམ་གྱིས། །རྒྱ་མཚོ་བཞི་ཡི་མཐས་ཀླས་པ། །ནགས་ཚལ་རི་རྣམས་བཅས་པ་ཡི། །ས་གཞི
142b4 ངོམས་པར་གྱུར་པ་ན། །དེ་ཚེ་སྒྲ་གཅན་ཟིན་བཞིན་དུ། །དེ་བཞིན་གཤེགས་པས་སེམས་ཅན་གཟིགས། །སེམས་ཅན་ཀུན་གྱི་མཆོག་གྱུར་པ། །གཏན་དུ་མྱ་ངན་འདའ་བས་གྲོངས། །དེ་བས་ན་ཆོས་དང་ལྡན་པ་ཆོས་ལ་གུས་པ་ཁྱེད་མྱ་ངན་མ་བྱེད་ཅིག་།མ་ངུ་ཞིག་།དེ་བཞིན
142b5 གཤེགས་པ་ནི་རང་ལ་དབང་ཡོད་ཀྱིས་མི་རྟག་པའི་འདུ་ཤེས་མ་བྱེད་པར་རྟག་པ་དང་། ཐེར་ཟུག་པ་དང་། མཆོག་ཏུ་བརྟན་པ་ཡིན་པར་ཡང་དག་པར་ལྟོས་ཤིག་།གཞི་གསུམ་རྟག་པའི་གསང་སྔགས་ཀྱི་སྦ་བ་དང་། བསྲུང་བ་འདིས་བསྲུང་བར་གྱིས་ཤིག་།གཞི་གསུམ་རྟག་པའི་གསང
142b6 སྔགས་ཀྱིས་ནི་གནམ་ལྕགས་ཀྱིས་ཚིག་པའི་ཤིང་རྣམས་ཀྱང་སྐྱེ་བར་འགྱུར་ཏེ། ཡལ་ག་ཕྲེའུ་དང་། སྦལ་མིག་བྱེ་བ་དང་། ལོ་མ་ཁ་འབུས་པ་དང་ལྡན་པར་འགྱུར་རོ། །འཁོར་བཞི་པོ་ལས་གཞི་གསུམ་རྟག་པར་རྗེས་སུ་ཡི་རང་བའི་གཏམ་འདི་ཕན་ཚུན་ཐོས་ན་བྱང་ཆུབ་ཀྱི་སེམས་བསྐྱེད་མི་དགོས
142b7 པར་འཛིན་ཀྱང་གཞི་གསུམ་མཆོག་ཏུ་རྟག་པའི་རྒྱུས་ན་བྱང་ཆུབ་ཀྱི་རྒྱུར་སྐྱེ་བར་འགྱུར་ཏེ། འདི་ནི་སངས་རྒྱས་ཀྱི་རྗེས་སུ་ཡི་རང་བ་ཞེས་བྱའོ། །གཞི་གསུམ་རྟག་པ་ལས་བྱུང་བའི་རྗེས་སུ་ཡི་རང་བ་འདི་དགེ་སློང་ངམ་དགེ་སློང་མ་གང་དག་སེམས་ཅན་རྣམས་ལ་སྟོན་པར་བྱེད་པ་དེ་དག་ནི་ཡུལ
iiif viewer powered by OpenSeadragon
