| e-texts navigator |
| Wylie |
139b1 པ་ཁོ་ནར་གདའ་ལགས་སོ། །བཀའ་སྩལ་པ། ཇི་ལྟར་སྣང་གསོལ་པ། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་རྣམས་ཀྱང་ཡོངས་སུ་མྱ་ངན་ལས་འདས་པ་ཆེན་པོས་ཡོངས་སུ་མྱ་ངན་འདས་པར་འགྱུར་ཏེ། ཆུ་ཀླུང་རྣམས་རྒྱ་མཚོར་འབབ
139b2 པ་བཞིན་དུ་དེ་དག་གི་གནས་ཀྱང་དེ་ལགས་སོ། །དེ་བས་ན་དེ་དག་ཀྱང་རྟག་པ་ཞེས་བགྱིའོ། །བཀའ་སྩལ་པ། དེ་དག་ནི་ངའི་མཆོག་ཏུ་རྟག་པ་ཡིན་ནོ། །གསོལ་པ། བཅོམ་ལྡན་འདས་ཁམས་ཐ་དད་པ་མ་མཆིས་པ་དང་ཐ་དད་པ་ཇི་ལྟ་བུ་ལགས། བཀའ་སྩལ
139b3 པ། ཐ་དད་དོ། །གསོལ་པ། ཇི་ལྟ་བུ་ལགས། བཀའ་སྩལ་པ། དཔེར་ན་བའི་འོ་མ་ནི་མཆོག་ཏུ་མངར་བ་ཡིན་ཏེ་ཁམས་དེ་དང་འདྲའོ། །ཉན་ཐོས་རྣམས་དང་། རང་སངས་རྒྱས་རྣམས་ཀྱི་ཁམས་ནི་ཞོ་དང་འདྲའོ། །བྱང་ཆུབ་སེམས་དཔའ་རྣམས་ཀྱི་ཁམས་ནི
139b4 མར་དང་འདྲའོ། །སངས་རྒྱས་རྣམས་ཀྱི་ཁམས་ནི་མར་གྱི་སྙིང་ཁུ་དང་འདྲ་སྟེ། དེ་ལྟར་ཡོངས་སུ་མྱ་ངན་ལས་འདས་པ་ཆེན་པོ་ལས་གདམས་ངག་སྟོན་པའི་དེ་བཞིན་གཤེགས་པས་རྣམ་པ་བཞིར་བསྟན་ཏོ། །གསོལ་པ། སེམས་ཅན་ཐམས་ཅད་ཀྱི་ཁམས་ཇི་ལྟ་བུ་ལགས།
139b5 བཀའ་སྩལ་པ། བ་བེའུ་འབྲངས་མ་ཐག་པའི་འོ་མ་ཁྲག་དང་འདྲེས་པ་བཞིན་དུ་ཉོན་མོངས་པའི་ཁྲག་དང་འདྲེས་པའི་ཁམས་དེས་དེ་བཞིན་གཤེགས་པའི་ཁམས་མར་གྱི་སྙིང་ཁུ་དང་འདྲ་བ་ཁྱབ་པར་འདུག་གོ། །གསོལ་པ། བཅོམ་ལྡན་འདས་ཀྱིས་ཀུ་ཤིའི་གྲོང་ཁྱེར་འདི་ན་གནས
139b6 པའི་གདོལ་པ་འཇིག་རྟེན་གྱི་ཁམས་འདིར་སངས་རྒྱས་སྟོང་དང་ལྷན་ཅིག་ཏུ་དེ་དག་གི་ནང་དུ་དེ་བཞིན་གཤེགས་པ་གཅིག་ཏུ་གྱུར་ཏེ་དེ་བཞིན་གཤེགས་པ་རབ་ཏུ་དགའ་བ་ཞེས་བྱ་བར་འགྱུར་ཏེ། སེམས་བསྐྱེད་པ་གཅིག་ཁོ་ནས་དུས་འདི་སྲིད་ཅིག་ན་མྱུར་དུ་སངས་རྒྱས་སུ་འགྱུར་རོ་ཞེས
139b7 སངས་རྒྱས་སུ་ལུང་བསྟན་པས་ལུང་བསྟན་ལགས་ན། ཅིའི་སླད་དུ་ཤཱ་རིའི་བུ་དང་། མཽད་གལ་གྱི་བུ་གཉིས་ཆེས་མྱུར་དུ་སངས་རྒྱས་སུ་འགྱུར་བས་སངས་རྒྱས་སུ་ལུང་བསྟན་པས་ལུང་མ་བསྟན་ལགས། བཀའ་སྩལ་པ། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས
iiif viewer powered by OpenSeadragon
