| e-texts navigator |
| Wylie |
138a1 ལ་བཞུགས་ལགས་སོ། །མངོན་པར་ཕྱེ་ལགས་སོ། །བརྡ་མཇལ་བར་བགྱིས་ལགས་སོ། །བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ། །འཇིག་རྟེན་དང་འཐུན་པར་བྱེད་པས་ནི་དེ་ལྟར་བལྟ་བར་བྱའོ། །གསོལ་པ། བཅོམ་ལྡན་འདས་འཇིག་རྟེན
138a2 དང་འཐུན་པ་མ་ལགས་སོ། །བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ། །དེ་ལྟར་བུང་བ་ཤིང་གི་མེ་ཏོག་ཟ་བ་བཞིན་དུ་ཟབ་མོའི་ཆོས་ཀྱི་ཟས་བཟའ་བར་བྱའོ། །རིགས་ཀྱི་བུ་གཞན་ཡང་དཔེར་ན་སྦྲང་བུའི་གཅིན་ཉུང་ཤས་ཀྱིས་ས་ཆེན་པོ་ངོམས་པར་མི་འགྱུར་བ་དེ
138a3 བཞིན་དུ་སྦྲང་བུའི་གཅིན་དང་འདྲ་བར་མ་འོངས་པའི་དུས་ན་མདོ་སྡེ་ཆེན་པོ་འདི་འཇིག་རྟེན་དུ་ཆུང་ཤས་ཙམ་ཞིག་སྤྱོད་པར་འགྱུར་ཏེ། དམ་པའི་ཆོས་འཇིག་པའི་ཐ་མར་སྦྲང་བུའི་གཅིན་ས་ཆེན་པོ་ལ་སོང་བ་བཞིན་དུ་ཟད་པར་འགྱུར་རོ། །འདི་ནི་དམ་པའི་ཆོས་ནུབ་པའི་ལྟས་བདུན་པ་སྟེ།
138a4 ལྟས་གཞན་ཡང་ཡོད་པར་མཁས་པས་ཤེས་པར་བྱའོ། །རིགས་ཀྱི་བུ་གཞན་ཡང་དཔེར་ན་དབྱར་ཟད་པའི་མཇུག་དགུན་གྱི་ཟླ་བ་དང་པོ་ནི་སྟོན་ཞེས་བྱ་སྟེ། སྟོན་གྱི་དུས་ལ་བབ་པ་ན་མ་སྨིན་པ་སྨིན་པར་བྱ་བའི་ཕྱིར་སྤྲིན་རྣམས་ཀྱིས་ཆར་ཕབ་ནས་མྱུར་བ་མྱུར་བར་འགྱེས་པ་དེ་བཞིན་དུ། མདོ
138a5 ཆེན་པོ་འདི་ཡང་སྟོན་གྱི་སྤྲིན་གྱིས་ཆར་བབ་ནས་མྱུར་དུ་འགྱེས་པ་དེ་བཞིན་དུ་ལྷོ་ཕྱོགས་སུ་སོང་ནས་ཡོངས་སུ་མྱ་ངན་ལས་འདས་པ་ཆེན་པོའི་དགོངས་པའི་ཚིག་ཐམས་ཅད་ཀྱི་ཆོས་ཀྱི་ཆར་འབེབས་སོ། །དེ་ནས་ལྷོ་ཕྱོགས་ཀྱི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་དམ་པའི་ཆོས
138a6 འཇིག་པར་ཤེས་ནས་དགུན་གྱི་དུས་དང་ཉེ་བར་གྱུར་པའི་སྤྲིན་བཞིན་དུ་ཁ་ཆེ་ཡུལ་དུ་སོང་ནས་ས་ལ་ནུབ་པར་གྱུར་ཏེ། ཐེག་པ་ཆེན་པོའི་མདོ་སྡེ་ཤིན་ཏུ་རྒྱས་པ་བདུད་རྩིའི་མཆོག་གི་དམ་པའི་ཆོས་ཐམས་ཅད་ནུབ་པར་འགྱུར་རོ། །ད་ལྟར་ནི་དེ་བཞིན་གཤེགས་པས་མཁྱེན་པའི་མདོ་སྡེ་འདི
138a7 ལག་ཏུ་འོངས་མོད་ཀྱི་དམ་པའི་ཆོས་ནུབ་པར་འགྱུར་རོ་སྙམ་དུ་བྱང་ཆུབ་སེམས་དཔའ་སེམས་དཔའ་ཆེན་པོ་མི་མཆོག་རྣམས་ཀྱིས་ཤེས་པར་བྱའོ། །གསོལ་པ། དེ་བཞིན་གཤེགས་པ་དང་། རང་སངས་རྒྱས་དང་། ཉན་ཐོས་དང་། བྱང་ཆུབ་སེམས་དཔའི་ཁམས་ཐ་དད་པ་མ་མཆིས་པ
iiif viewer powered by OpenSeadragon
