| e-texts navigator |
| Wylie |
122a1 དགོངས་པའི་ཚིག་གིས་བདག་མེད་དོ་ཞེས་བསྟན་ཏོ། །ལྷའི་མིག་མེད་པའི་མི་རྣམས་ཀྱིས་ནི་བདག་ལ་བདག་ཡོད་དུ་ཟིན་ཀྱང་མི་མཐོང་སྟེ་ཉོན་མོངས་པ་ཡིན་ནོ་ཞེས་ང་ཟེར་རོ། །ཉོན་མོངས་པའི་རྣམ་པའི་འདུ་བྱེད་རྣམས་གང་ཡིན་པའི་ཆོས་དེ་དག་ནི་མི་རྟག
122a2 པ་ཞེས་བྱའོ། །དེ་བས་ན་ཆོས་ཁ་ཅིག་ནི་མི་རྟག་པའོ་ཞེས་ངས་བསྟན་ཏོ། །རྒྱུ་དེས་ན། ཤེས་རབ་ལྡན་པ་རི་ཀར་འདུག་པ་ཡིས། །བྱིས་པ་ས་ལ་འདུག་པ་ལེགས་པར་མཐོང་། །ཤེས་རབ་ཁང་སྟེང་ན་འདུག་པ་ཡིས། །མྱ་ངན་མེད་ཀྱང་སྐྱེ་དགུ་མྱ་ངན་མཐོང་། །
122a3 ཞེས་བྱ་བ་ལྟ་བུ་སྟེ། དེ་ལྟར་ཉོན་མོངས་པའི་རྣམ་པ་བཅད་ནས་ཤེས་རབ་ཅན་རི་ཀ་ན་གནས་པས་ཉོན་མོངས་པའི་རྣམ་པ་དང་འབྲེལ་བའི་བྱིས་པ་མཐོང་བ་བཞིན་ནོ། །གསོལ་པ། ཤེས་རབ་ཁང་ཐོག་མཆིས་པ་གང་དག་ལགས། །མྱ་ངན་མ་མཆིས་གང་ལགས་འཇིག་རྟེན
122a4 ན། །མྱ་ངན་མ་མཆིས་མྱ་ངན་འདས་པ་ལ། །མྱ་ངན་དག་ནི་ཇི་ལྟར་མཆིས་པར་འགྱུར། །གལ་ཏེ་སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་ན་བྱིས་པ་རྣམས་ཀྱིས་ཇི་ལྟར་མཐོང་ལགས། ཤེས་རབ་ཀྱི་ཁང་སྟེང་དུ་ཡང་ཇི་ལྟར་བཞུགས
122a5 ལགས། མི་རི་ཀ་ན་མཆིས་པས་ནི་མཐོང་དུ་རུང་སྟེ། འདི་ནི་མཆིས་ན་གདོད་རུང་བ་ལགས་ན་ཡོངས་སུ་མྱ་ངན་ལས་འདས་པས་ཇི་ལྟར་མཐོང་ལགས། བཀའ་སྩལ་པ། ཤེས་རབ་ཀྱི་ཁང་ནི་མྱ་ངན་ལས་འདས་པའོ། །མྱ་ངན་མེད་པ་ནི་དེ་བཞིན་གཤེགས
122a6 པའོ། །མྱ་ངན་གྱི་ཤས་ཆེ་བ་ནི་སྐྱེ་དགུ་རྣམས་ཡིན་ཏེ། དེ་དག་ནི་མྱ་ངན་ཅན་ཡིན་ལ་དེ་བཞིན་གཤེགས་པ་ནི་མྱ་ངན་མེད་པའོ། །རི་ཞེས་བྱ་བ་ནི་ཐར་པ་ཡིན་ཏེ་རི་རབ་བཞིན་དུ་བརྟན་པའི་ཕྱིར་རོ། །ས་ཞེས་བྱ་བ་ནི་འདུ་བྱེད་རྣམས་སོ། །བྱིས་པ་ཐམས་ཅད་ནི་ས་ལ
122a7 འཁོད་པའོ། །ཤེས་རབ་ཅན་ཞེས་བྱ་བ་ནི་རྫོགས་པའི་སངས་རྒྱས་ཀྱི་དོན་ཏེ། དེ་བཞིན་གཤེགས་པ་ནི་མྱ་ངན་མེད་ཅིང་བརྟན་པའི་ཕྱིར་རོ། །སངས་རྒྱས་ནི་མྱ་ངན་ཅན་གྱི་ནང་ན་མྱ་ངན་མེད་པ་སྟེ། སེམས་ཅན་རྣམས་ཀྱི་མྱ་ངན་གྱི་ཟུག་རྔུ་སེལ་བའོ། །གསོལ་པ།
iiif viewer powered by OpenSeadragon
