| e-texts navigator |
| Wylie |
11a1 གི་སྐྲ་འབལ་ཅིང་སྐད་མི་སྙན་པས་ངུ་སྟེ། བཅོམ་ལྡན་འདས་ལ་ཚིག་འཐུན་པར་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་བདག་གིས་སྦྱར་བའི་བཤོས་གསོལ་ཏེ། ཡོངས་སུ་མྱ་ངན་ལས་འདའ་བར་མཛད་དུ་གསོལ། ཞེས་ལན་གཉིས
11a2 ལན་གསུམ་དུ་གསོལ་བ་བཏབ་ཀྱང་བཅོམ་ལྡན་འདས་ཀྱིས་མ་བཞེས་ཏེ་ཅང་མི་གསུང་ནས། དེ་དག་རེ་ཐག་ཆད་དེ་ལངས་ནས་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་ཀླུའི་རྒྱལ་པོ་ཕྱོགས་བཞི་ན་གནས་པ་ཀླུའི་རྒྱལ་པོ་ནོར་རྒྱས་ཀྱི་བུ་དང་དགའ་བོ་དང་ཉེ་དགའ་བོ་ལ་སོགས་པ
11a3 ཀླུའི་རྒྱལ་པོ་གང་གཱའི་ཀླུང་དགུའི་བྱེ་མ་སྙེད་ཤིན་ཏུ་རིངས་པར་ཉི་མ་འཆར་ཀར་ལྷ་རྣམས་ཀྱི་མཆོད་པ་ལས་ཀྱང་ཉིས་འགྱུར་བས་ལྷག་པའི་མཆོད་པའི་ཡོ་བྱད་རང་རང་གི་འབྱོར་པ་དང་འཚམ་པ་དག་ཁྱེར་ནས། བཅོམ་ལྡན་འདས་ཀྱི་ཐད་དུ་དོང་སྟེ་ཕྱག་འཚལ་ནས། ཞལ་ཟས་བཞེས
11a4 པར་གསོལ་བ་བཏབ་ཀྱང་བསམ་པ་བཞིན་དུ་མ་གྲུབ་ནས་ལངས་ཏེ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་རྣམ་ཐོས་ཀྱི་བུ་ལ་སོགས་པ་གནོད་སྦྱིན་གྱི་བདག་པོ་གཡོག་འཁོར་དང་བཅས་པ། གང་གཱའི་ཀླུང་བཅུའི་བྱེ་མ་སྙེད་གཅིག་ལ་གཅིག་འཇུས་ནས།
11a5 རང་རང་གི་མཆོད་པ་རྣམས་ཀྱིས་ཀླུའི་རྒྱལ་པོ་རྣམས་ཀྱི་མཆོད་པ་སྔ་མ་ཟིལ་གྱིས་མནན་ནས། ཚོགས་ཆེན་པོ་དང་ཆས་ཏེ་ལྷགས་ནས། བཅོམ་ལྡན་འདས་ལ་ཕྱག་འཚལ་ཏེ་ཞལ་ཟས་བཞེས་པར་གསོལ་བ་བཏབ་ཀྱང་། བཅོམ་ལྡན་འདས་ཀྱིས་ཞལ་ཟས་མ་བཞེས་ནས
11a6 ཡིད་མི་དགའ་སྟེ་ལངས་ནས་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་ནམ་མཁའ་ལྡིང་གི་རྒྱལ་པོ་དགྲའི་མཛའ་བོ་ཞེས་བྱ་བ་ལ་སོགས་པ་ནམ་མཁའ་ལྡིང་གི་རྒྱལ་པོ་གང་གཱའི་ཀླུང་ཉི་ཤུའི་བྱེ་མ་སྙེད་ཀྱིས། རང་རང་གི་མཆོད་པས་གནོད་སྦྱིན་གྱི་རྒྱལ་པོ་སྔ་མ་དག་གི
11a7 མཆོད་པ་རྣམས་ཟིལ་གྱིས་མནན་ནས། བཅོམ་ལྡན་འདས་ལ་ཕྱག་འཚལ་ཏེ། ཞལ་ཟས་བཞེས་པར་གསོལ་བ་བཏབ་ཀྱང་ཞལ་ཟས་མ་བཞེས་ནས། ཡིད་མི་དགའ་སྟེ་ལངས་ནས་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་དྲི་ཟའི་བདག་པོ་མིས
iiif viewer powered by OpenSeadragon
