| e-texts navigator |
| Wylie |
115b1 དོན་ཏོ། །ཡི་གེ་ཞེས་བྱ་བ་ནི་དེ་བཞིན་གཤེགས་པའི་དོན་ཏོ། །དེ་བཞིན་གཤེགས་པ་ནི་རྡོ་རྗེའི་སྐུ་མི་ཕྱེད་པ་ཡིན་ཏེ། དེ་བཞིན་གཤེགས་པ་ལ་སྒོ་དགུ་ནས་འཛག་ཅེས་བྱ་བ་ཡང་མེད་ལ་སྒོ་དགུ་པོ་ཉིད་ཀྱང་མེད་དོ། །དེ་བས་ན་མི་ཟག་པའི་དོན་ནི་དེ་བཞིན་གཤེགས་པ
115b2 སྟེ། ངེས་པ་ཡིན་པའི་ཕྱིར་ཡི་གེ་ཞེས་བྱ་སྟེ་བྱས་པ་མ་ཡིན་པའི་དོན་ཏོ། ། ཞེས་བྱ་བ་ནི་བཀྲ་ཤིས་ཀྱི་དོན་ཏེ་གཞི་གསུམ་ཞེས་བྱ་བའི་ཐ་ཚིག་གོ། །ཡང་ཨ་ཞེས་བྱ་བ་ནི་འཕགས་པ་རྣམས་ཀྱི་ཡེ་ཤེས་ཀྱི་ཚིག་སོ། །འཕགས་པ་གང་དག་ཡིན་ཞེ་ན།
115b3 འཇིག་རྟེན་ན་ཕྱུག་པ་དང་། ཆགས་པ་མེད་པ་དང་། རུང་བ་ཐམས་ཅད་ཀྱིས་ཆོག་པར་འཛིན་པ་གང་ཡིན་པ་རྣམས་དང་། སེམས་ཅན་ཐམས་ཅད་སྲིད་པའི་རྒྱ་མཚོ་ཐམས་ཅད་ལས་ངེས་པར་སྒྲོལ་བ་གང་ཡིན་པ་དེ་དག་ལ་ནི་འཕགས་པ་ཞེས་བྱའོ། །ཱ་ཞེས་བྱ་བ་ནི
115b4 ཆོས་ལུགས་སུ་སྟོན་པ་སྟེ། ཆོ་ག་དང་། སྤྱོད་ཡུལ་དང་། འདུལ་བ་དང་། འཇིག་རྟེན་དང་འཐུན་པར་འཇུག་པ་ཞེས་བྱ་བས་ན་དོན་ཐ་དད་པ་མ་ཡིན་ནོ། །ཡང་ཨཱ་ཞེས་བྱ་བས་དོན་ཅི་ཞིག་རྒྱས་པར་བྱེད་ཅེ་ན། འཕགས་པ་རྣམས་ལ་བརྟེན་ནས་སེམས་ཅན་ཐམས
115b5 ཅད་ཀྱིས་ཆོ་ག་དང་། སྤྱོད་ཡུལ་དང་། ཕ་མ་དང་། སློབ་དཔོན་དང་། འདུལ་བ་དང་། གཅེས་པ་ཡིན་པར་ཤེས་ཤིང་འདི་ནི་ཆོས་ཉིད་ཡིན་ནོ་སྙམ་དུ་ཤེས་པར་འགྱུར་བའོ། །འཕགས་པ་གང་ཡིན་པ་དེ་དག་ནི་རིགས་ཀྱི་བུའམ། རིགས་ཀྱི་བུ་མོ་ཐེག་པ་ཆེན་པོ་ལ
115b6 ཞུགས་པ་རྣམས་ཏེ། དགེ་སློང་ཚུལ་ཁྲིམས་དང་ལྡན་པ་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་འཕགས་པ་ཞེས་བྱའོ། །ཡང་ཨཱ་ཞེས་བྱ་བ་ནི་ཁྲིམས་སུ་སྟོན་པ་སྟེ། ཁྲིམས་ཞེས་བྱ་བ་ནི་ཀྱེ་མི་ཁྱོད་ཚུར་ཤོག་།ཁྱོད་ཀྱིས་ཚུལ
115b7 མ་ཡིན་པ་བྱས་ཀྱིས། ཕྱིན་ཅད་དེ་ལྟར་མ་བྱེད་ཅིག་ཅེས་བྱ་བ་དེ་ལྟ་བུ་ཚུལ་མ་ཡིན་པ་རྣམས་དེའི་ཚེ་དྲན་པར་བྱེད་པའི་དོན་ཏོ། །ི་ཞེས་བྱ་བ་ནི་འདི་ཞེས་བྱ་བའི་དོན་ཏེ། བསྟན་པ་འདི་ནི་ཚངས་པར་སྤྱོད་པ་ཟླ་བ་ཉ་བ་བཞིན་དུ་དྲི་མ་མེད་ཅིང་རྣམ་པར་དག་པའོ། །བསྟན
iiif viewer powered by OpenSeadragon
