| e-texts navigator |
| Wylie |
110a1 རྣམས་མར་ཆེར་ཟ་བ་བཞིན་དུ་མྱུར་དུ་མཐའ་གཉིས་སུ་ལྟ་བར་འགྱུར་ལ། ཡོད་ཅེས་བྱ་བ་ཡང་མ་གྲུབ། མེད་ཅེས་བྱ་བ་ཡང་མི་འཐད་དོ། །དཔེར་ན་སྨན་པ་རྣམས་ནི་མཁྲིས་པ་ལ་སོགས་པའི་ཁམས་རྣམས་འཁྲུགས་ཏེ་ཕན་ཚུན་མི་འཐུན་དུ་ཟིན་ཀྱང
110a2 མཁྲིས་པའི་ནད་ལ་ནི་མཁྲིས་པ་ཞི་བར་བྱེད། རླུང་ཤས་ཆེ་བ་ལ་ནི་རླུང་སེལ་བར་བྱེད། བད་ཀན་ཅན་ལ་ནི་བད་ཀན་མེད་པར་བྱེད། ཆ་འདུས་པ་ལ་ནི་ཆ་འདུས་པའི་གཉེན་པོ་བྱེད་དེ། ཕན་ཚུན་མི་འཐུན་པར་འགྱུར་བ་ཡང་མི་བྱེད་ལ་བདེ་བ་ཡང་སྐྱེད་པར་བྱེད་པ་དེ་བཞིན་དུ་སྨན
110a3 པ་ལྟར་ཉོན་མོངས་པའི་རྣམ་པའི་ནད་མཐའ་ཡས་པ་རྣམས་མཐར་གྱིས་བསལ་ཏེ། ཡང་དག་པའི་ཁམས་ཀྱང་གསོ་བར་གྱིས་ཤིག་།ཡང་དག་པའི་ཁམས་ཞེས་བྱ་བ་ནི་དེ་བཞིན་གཤེགས་པའི་སྙིང་པོ་སྟེ། སངས་རྒྱས་ཀྱི་ཁམས་ཞེས་བྱ་བ་ཡིན་གྱིས་ཁམས་ཐམས
110a4 ཅད་སྤངས་ཏེ་རྟག་པ་དང་བརྟན་པ་ལ་ནན་ཏན་གྱིས་ཤིག་། ཤེས་རབ་ཅན་རྣམས་ཀྱིས་ནི་ཡོད་པ་ལ་ཡང་ཆགས་པར་མི་བྱའོ། །མེད་ཅེས་བྱ་བ་ཡང་དུ་སྨྲ་བ་ལས་བྱུང་བ་ཡིན་ནོ། །ཡོད་ཅེས་བྱ་བ་ཡང་ཁ་རོག་སྟེ་ཁས་བླང་བར་མི་བྱའོ། །རྩོད་པར་ཡང་མི་བྱ་སྟེ།
110a5 འདི་དག་རང་བཞིན་གྱིས་ཆོས་ཉིད་དུ་ཤེས་པར་བྱའོ། །བླུན་པོ་དགོངས་པའི་ཚིག་མི་ཤེས་པ་རྣམས་ཀྱིས་ནི་ངའི་ལུས་ལ་བདེ་བའི་ས་བོན་དེ་ལྟ་བུ་ཡོད་བཞིན་དུ་སྡུག་བསྔལ་བར་བསྟན་པའི་ཕྱིར་རྟག་ཏུ་རྩོད་པར་བྱེད་དེ། ཐམས་ཅད་བཟུང་བས་བྱིས་པ་རྣམས་ངའི་ལུས
110a6 མི་བརྟན་ནོ་སྙམ་དུ་སེམས་ཤིང་རྟོག་པར་བྱེད་དོ། །མི་རྟག་པ་བསྟན་ན་ནི་བྱིས་པ་རྣམས་རྫ་མཁན་གྱི་སྣོད་བཞིན་དུ་མི་རྟག་གོ་སྙམ་དུ་འཛིན་ཏོ། །ཤེས་རབ་ཅན་རྣམས་ཀྱིས་ནི་ངའི་ལུས་ལ་ཆོས་ཀྱི་སྐུའི་ས་བོན་དེ་ལྟ་བུ་ཡོད་དོ་སྙམ་དུ་ཤེས་པས་ཐམས་ཅད་འཛིན་པར་མི་བྱེད་དོ། །
110a7 བདག་མེད་པ་བསྟན་ན་ནི་བྱིས་པ་རྣམས་བསྟན་པ་བདག་མེད་དོ་སྙམ་དུ་འཛིན་ཏོ། །ཤེས་རབ་ཅན་རྣམས་ཀྱིས་ནི་ཐ་སྙད་དུ་ཡོད་དོ་སྙམ་དུ་ཤེས་ཏེ་ཐེ་ཚོམ་མེད་དོ། །དེ་བཞིན་གཤེགས་པའི་སྙིང་པོ་ནི་སྟོང་པ་ཡིན་ནོ་ཞེས་བསྟན་ན་ནི་བྱིས་པ་རྣམས་ཆད་པ་འཇིགས་སུ་རུང་བའི
iiif viewer powered by OpenSeadragon
