| e-texts navigator |
| Wylie |
60b1 ཀྱི་སྒྲིབ་པ་ལས་གྱུར་པ་འདི་ལྟ་སྟེ། མིག་དང་། རྣ་བ་དང་། སྣ་དང་། ལྕེ་དང་། ལུས་ན་བ་དང་། སེམས་ཅན་རྣམས་ཀྱི་ཡིད་ལ་གདུང་བའི་སྡུག་བསྔལ་སྣ་ཚོགས་དེ་དག་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་པ་དང་། ཁྱོད་ཀྱིས་བྱིན་གྱིས་བརླབས་པ་ཡིན་ནམ། གསོལ་པ།
60b2 བཅོམ་ལྡན་འདས་མ་ལགས་སོ། །བཀའ་སྩལ་པ། ཚངས་པ་གང་མུ་གེ་དང་། ཆུ་དང་། འབྲོག་དང་། སྦྲུལ་དང་། ཆོམ་རྐུན་དང་། དགོན་པ་དང་། མཚོན་ཆ་དང་། ནད་དང་། བར་གྱི་བསྐལ་པ་དེ་དག་ཚངས་པ་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་པ་དང་། ཁྱོད་ཀྱིས་བྱིན
60b3 གྱིས་བརླབས་པ་ཡིན་ནམ། གསོལ་པ། བཅོམ་ལྡན་འདས་མ་ལགས་སོ། །བཀའ་སྩལ་པ། ཚངས་པ་གང་སེམས་ཅན་རྣམས་ཀྱི་འབྲལ་བའི་སྡུག་བསྔལ་རྣམ་པ་སྣ་ཚོགས་ཕ་མ་དང་། སྤུན་དང་། སྲིང་མོ་དང་། གྲོགས་དང་། ཉེ་དུ་དང་། སྣག་གི་གཉེན་མཚམས་དང་།
60b4 བུ་ཕོ་དང་། ཆུང་མ་དང་། བུ་མོ་དག་དང་བྲལ་བའི་སྡུག་བསྔལ་དེ་དག་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་པ་དང་ཁྱོད་ཀྱིས་བྱིན་གྱིས་བརླབས་པ་ཡིན་ནམ། གསོལ་པ། བཅོམ་ལྡན་འདས་མ་ལགས་སོ། །བཀའ་སྩལ་པ། གང་སེམས་ཅན་རྣམས་ཀྱི་སྡུག་བསྔལ་སྣ་ཚོགས
60b5 ཡང་བའི་ལས་ལ་སྦྱོར་བ། སྐྲ་དང་ཕབས་དང་རྒྱ་སྐྱེགས་དང་འཁོར་ལོ་འཚོང་པའམ། རྒྱ་མཚོ་ཆེན་པོར་འགྲོ་བ་དང་། འབྲོག་དགོན་པར་འཇུག་པའམ། ཕྱོགས་སྣ་ཚོགས་སུ་སྐྱས་འདེགས་པའམ། ཞིང་གི་ལས་རྒྱ་ཆེར་བྱེད་པའམ། དེ་ལས་གཞན་པའི་བྱ་བ་སྣ་ཚོགས
60b6 དེ་དག་ཀྱང་ཚངས་པ་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་པ་དང་ཁྱོད་ཀྱིས་བྱིན་གྱིས་བརླབས་པ་ཡིན་ནམ། གསོལ་པ། བཅོམ་ལྡན་འདས་མ་ལགས་སོ། །བཀའ་སྩལ་པ། ཚངས་པ་གང་སེམས་ཅན་རྣམས་ཀྱི་དགེ་བ་དང་མི་དགེ་བའི་ལས་རྣམ་པ་སྣ་ཚོགས་ཡང་དག་པར
60b7 ལེན་པ། སེམས་ཅན་དམྱལ་བ་དང་དུད་འགྲོའི་སྐྱེ་གནས་དང་གཤིན་རྗེའི་འཇིག་རྟེན་དང་། ལྷ་དང་མིའི་རྒྱུ་ལས་བྱུང་བ་རྣམས་དང་། གང་སེམས་ཅན་རྣམས་ཀྱི་ལུས་དང་ངག་དང་ཡིད་ཀྱིས་ཉེས་པར་སྤྱད་པ་དང་། ལེགས་པར་སྤྱད་པ་རྣམས་སམ། གང་འཇིག་རྟེན་ན་མི
iiif viewer powered by OpenSeadragon
