| e-texts navigator |
| Wylie |
59b1 མ་ལགས་སོ། །བཀའ་སྩལ་པ། གང་སོས་ཀ་དང་། དབྱར་དང་། སྟོན་དང་། དགུན་དང་། དགུན་སྨད་དང་། དཔྱིད་ཀྱི་དུས་ཚིགས་དེ་དག་ལ་ཁྱོད་ཇི་སྙམ་དུ་སེམས། དེ་དག་ཀྱང་ཚངས་པ་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་པ་དང་ཁྱོད་ཀྱིས་བྱིན་གྱིས་བརླབས་པ་ཡིན
59b2 ནམ། གསོལ་པ་བཅོམ་ལྡན་འདས་མ་ལགས་སོ། །བཀའ་སྩལ་པ། ཚངས་པ་གང་ཆུའམ། མེ་ལོང་གི་དཀྱིལ་འཁོར་རམ། འབྲུ་མར་དང་མར་གྱི་སྣོད་དམ། ནོར་བུ་དང་ཤེལ་རྣམས་ཀྱི་ནང་ངམ། དེ་ལས་གཞན་པའི་སྣོད་དག་པ་རྣམས་ལ་གཟུགས་བརྙན་རྣམ་པ་སྣ
59b3 ཚོགས་སྣང་བ་འདི་ལྟ་སྟེ་ཤིང་ལྗོན་པ་དང་ནགས་ཚལ་དང་ཀུན་དགའ་ར་བ་དང་སྐྱེད་མོས་ཚལ་དང་གཞལ་མེད་ཁང་སྣང་བའམ། གྲོང་དང་གྲོང་ཁྱེར་དང་གྲོང་རྡལ་སྣང་བའམ། གླང་པོ་ཆེ་དང་། རྟ་དང་། རྔ་མོ་དང་། བ་ལང་དང་། བོང་བུ་དང་། ལུག་དང་། དང་།
59b4 བྱ་རྣམས་སྣང་བའམ། ཟླ་བ་དང་ཉི་མ་དང་སྐར་མའི་ཚོགས་རྣམས་སྣང་བའམ། ཉན་ཐོས་དང་རང་སངས་རྒྱས་དང་བྱང་ཆུབ་སེམས་དཔའ་དང་དེ་བཞིན་གཤེགས་པའི་སྐུ་སྣང་བའམ། ས་དང་རི་དང་ཀླུང་སྣང་བའམ། བརྒྱ་བྱིན་དང་ཚངས་པ་དང་འཇིག་རྟེན་སྐྱོང་བ་དང་དེ
59b5 ལས་གཞན་པའི་སེམས་ཅན་མི་དང་མི་མ་ཡིན་པ་སྣང་བ་དེ་དག་ཚངས་པ་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་པ་དང་། ཁྱོད་ཀྱིས་བྱིན་གྱིས་བརླབས་པ་ཡིན་ནམ་གསོལ་པ་བཅོམ་ལྡན་འདས་མ་ལགས་སོ། །བཀའ་སྩལ་པ། ཚངས་པ་གཡང་ས་དང་རི་དང་རིའི་འབབ་ཆུ་དང
59b6 རྫིང་རྣམས་ན་དུང་དང་རྔ་བོ་ཆེ་དང་རྫ་རྔ་དང་གླུ་གར་དང་དང་བྱ་དང་མི་དང་། མི་མ་ཡིན་པ་རྣམས་ཀྱི་སྒྲའི་བྲག་ཅ་དང་། གང་དེ་དང་འཐུན་པའི་སྒྲ་བརྙན་འབྱུང་བ་དེ་དག་ཀྱང་ཚངས་པ་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་པ་དང་། ཁྱོད་ཀྱིས་བྱིན་གྱིས་བརླབས་པ་ཡིན་ནམ།
59b7 གསོལ་པ། བཅོམ་ལྡན་འདས་མ་ལགས་སོ། །བཀའ་སྩལ་པ། ཚངས་པ་གང་སེམས་ཅན་རྣམས་ཀྱི་རྨི་ལམ་ན་གཟུགས་སྣ་ཚོགས་མཐོང་བ་དང་། སྒྲ་སྣ་ཚོགས་ཐོས་པ་དང་། དྲི་སྣ་ཚོགས་སྣོམ་པ་དང་། རོ་སྣ་ཚོགས་མྱོང་བ་དང་། རེག་བྱ་སྣ་ཚོགས་རེག་པ་དང་།
iiif viewer powered by OpenSeadragon
