| e-texts navigator |
| Wylie |
59a1 བསྒྲུབ་པར་བགྱི་བ་བདག་ལ་བཀའ་སྩལ་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚངས་པ་ཆེན་པོ་ལ་འདི་སྐད་ཅེས་བཀའ་སྩལ་ཏོ། །ཚངས་པ་ཁྱོད་ང་ནི་ཚངས་པ། ཚངས་པ་ཆེན་པོ་ཟིལ་གྱིས་གནོན་ཅིང་ཟིལ་གྱིས་མི་ནོན་པ་ཀུན
59a2 ཤེས་པ་དང་ལྡན་པ་བརྒྱ་ཕྲག་བཅུ་ལ་དབང་བསྒྱུར་བ་ཡིན་ཏེ། བདག་གིས་སེམས་ཅན་རྣམས་བྱས། བདག་གིས་སེམས་ཅན་རྣམས་སྤྲུལ། བདག་གིས་འཇིག་རྟེན་བྱས། བདག་གིས་འཇིག་རྟེན་སྤྲུལ་ཏོ་ཞེས་དེ་སྙམ་དུ་སེམས་ཤིང་དེ་སྐད་ཟེར་ཞེ་ན་བདེན་ནམ། གསོལ
59a3 པ་བཅོམ་ལྡན་འདས་མད་དོ། །བདེ་བར་གཤེགས་པ་མད་དོ། །བཀའ་སྩལ་པ། ཚངས་པ་ཁྱོད་སུས་བྱས། སུས་སྤྲུལ། དེ་ནས་ཚངས་པ་ཆེན་པོ་ཅང་མི་སྨྲ་བར་གྱུར་ཏོ། །ཚངས་པ་ཆེན་པོ་དེ་ཅང་མི་སྨྲ་བར་གྱུར་པ་དང་། བཅོམ་ལྡན་འདས་ཀྱིས་འདི་སྐད་ཅེས
59a4 བཀའ་སྩལ་ཏོ། །ཚངས་པ་གང་གི་ཚེ་བསྐལ་པས་བསྲེགས་པ་དེའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་འབར་རབ་ཏུ་འབར། ཀུན་ཏུ་འབར། ཀུན་ཏུ་རབ་ཏུ་མཆེད་ཅིང་འབར་ཏེ་མེ་ལྕེ་གཅིག་ཏུ་གྱུར་པར་འགྱུར་བའི་དུས་དེ་དང་ཚེ་དེ་འབྱུང་བ་དེ་ཚངས་པ
59a5 ཁྱོད་ཉིད་ཀྱིས་བྱས་སམ། ཁྱོད་ཀྱིས་སྤྲུལ་ཏམ། གསོལ་པ། བཅོམ་ལྡན་འདས་མ་ལགས་སོ། །བཀའ་སྩལ་པ། ཚངས་པ་གང་ས་ཆེན་པོ་འདི་ནི་ཆུའི་ཕུང་པོ་ལ་བརྟེན། ཆུ་ཡང་རླུང་ལ་བརྟེན། རླུང་ཡང་ནམ་མཁའ་ལ་བརྟེན་ཏེ་འཕང་དུ་དཔག་ཚད་དྲུག་ཁྲི་བརྒྱད
59a6 སྟོང་ཡོད་ཅིང་མི་འཇིག་པ་དེ་ལ་ཇི་སྙམ་དུ་སེམས། འདི་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་ཏམ། གསོལ་པ། བཅོམ་ལྡན་འདས་མ་ལགས་སོ། །བདེ་བར་གཤེགས་པ་མ་ལགས་སོ། །བཀའ་སྩལ་པ། ཚངས་པ་གང་ཉི་མ་དང་ཟླ་བའི་གཞལ་མེད་ཁང་ན་ལྷའི
59a7 བུ་དག་ལམ་མེ་མ་ཡིན། ལྷན་ནེ་མ་ཡིན་ཞིང་གཞལ་མེད་ཁང་རྣམས་སྟོང་པར་འཁོད་པའི་དུས་དེ་དང་ཚེ་དེ་འབྱུང་བ་དེ་ལ་ཇི་སྙམ་དུ་སེམས། ཚངས་པ་དེ་དག་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་པ་དང་ཁྱོད་ཀྱིས་བྱིན་གྱིས་བརླབས་པ་ཡིན་ནམ། གསོལ་པ་བཅོམ་ལྡན་འདས
iiif viewer powered by OpenSeadragon
