| e-texts navigator |
| Wylie |
57b1 ཅིང་མི་ཟ་མི་རྒྱུ་བར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཉི་མ་དང་ཟླ་བའི་འོད་དམ། སྐར་མའི་གཟུགས་སམ། ནོར་བུའམ་མེ་འམ་སྲིན་བུ་མེ་ཁྱེར་གྱི་འོད་ཇི་སྙེད་ཡོད་པ་དེ་དག་ཐམས་ཅད་ཀྱང་སངས་རྒྱས་ཀྱི་མཐུས་མི་མངོན་མི་སྣང་སྟེ། ལྷམ་མེར་མ
57b2 ཡིན། ལྷན་ནེར་མ་ཡིན། ལྷང་ངེར་མ་ཡིན་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་དམྱལ་བ་ཆེན་པོའི་མེ་ཇི་སྙེད་ཡོད་པ་དེ་དག་ཐམས་ཅད་ཀྱང་སངས་རྒྱས་ཀྱི་མཐུས་ཞི་བར་གྱུར། མི་འབར་བར་གྱུར། མི་ཚ་བར་གྱུར། མི་ཚིག་པར
57b3 གྱུར། ཡོངས་སུ་མི་གདུང་བར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་གང་སེམས་ཅན་དམྱལ་བ་ཆེན་པོའི་མེ་དེ་དག་ཐམས་ཅད་ཀྱང་ཉེ་བར་ཞི་ཞིང་བསིལ་བར་གྱུར་ཏོ། །དེ་ནས་སེམས་ཅན་དམྱལ་བའི་སེམས་ཅན་དེ་དག་ཐམས་ཅད་སྐད་ཅིག་དེ་དང
57b4 ཡུད་ཙམ་དེའི་ཚེ་སངས་རྒྱས་ཀྱི་མཐུས་བདེ་བ་ཐོབ་པར་གྱུར་ཏོ། །དུད་འགྲོའི་སྐྱེ་གནས་པའི་སེམས་ཅན་ཐམས་ཅད་ཀྱང་བྱམས་པའི་སེམས་དང་ཕན་པའི་སེམས་དང་ལྡན་པར་གྱུར་ཏེ། གཅིག་ལ་གཅིག་གནོད་སེམས་མེད། རྣམ་པར་འཚེ་བ་མེད། རྣམ་པར་ཐོ་བཙམ
57b5 པ་མེད་ཅིང་གནོད་པ་བྱེད་པ་མེད་པར་གྱུར་ཏོ། །གཤིན་རྗེའི་འཇིག་རྟེན་པའི་སེམས་ཅན་ཐམས་ཅད་ཀྱང་བཀྲེས་པ་དང་། སྐོམ་པ་མེད་པར་གྱུར་ཏོ། །སེམས་ཅན་ཐམས་ཅད་ཀྱང་སྐད་ཅིག་དེ་དང་ཡུད་ཙམ་དེའི་ཚེ་སངས་རྒྱས་ཀྱི་མཐུས་བདེ་བ་དང་ལུས་དང་སེམས་ཚིམ་པ་དང་།
57b6 སྡུག་བསྔལ་རྒྱུན་ཆད་པ་དང་། བདེ་བ་དང་ཡིད་བདེ་བ་མཆོག་དང་ལྡན་པར་གྱུར་ཏོ། །དེ་བཞིན་གཤེགས་པ་སེང་གེ་ལྟར་གློ་གཡས་པས་མནལ་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་རིའི་རྒྱལ་པོ་རི་རབ་དང་། འཁོར་ཡུག་དང་འཁོར་ཡུག་ཆེན་པོ
57b7 དང་། བཏང་བཟུང་དང་བཏང་བཟུང་ཆེན་པོ་དང་། སྤོས་ཀྱི་ངད་ལྡང་དང་། གངས་རི་ཇི་སྙེད་ཡོད་པ་དང་། གཞན་ཡང་རི་ནག་པོ་རྣམས་དང་། ཐམས་ཅད་དང་ལྡན་པའི་ས་ཆེན་པོ་དང་། རྒྱ་མཚོ་ཆེན་པོ་ཁོར་ཡུག་གི་འོབས་ཀྱི་མཐས་གཏུགས་པ་རྣམ་པ་དྲུག་ཏུ་གཡོས་ཏེ།
iiif viewer powered by OpenSeadragon
