| e-texts navigator |
| Wylie |
93b1 ཐར། །འདི་ལ་རྣམ་རིག་གང་ཡང་མེད། །མཁའ་ལ་སྨིག་རྒྱུ་ཇི་བཞིན་ཏེ། །ཆོས་རྣམས་དེ་ལྟར་རབ་ཤེས་ན། །དུ་ཡང་ཁས་བླང་མེད། །རྣམ་རིག་འདི་ནི་མིང་ཙམ་སྟེ། །མཚན་ཉིད་ཀྱིས་ནི་ཡོད་པ་མིན། །གང་ལ་དེ་དག་བརྟགས་པ་ཡི། །ཕུང་པོ་སྐྲ་ཤད་འཛིངས་པ
93b2 འདྲ། །རི་མོ་སྐྲ་ཤད་འཛིངས་པ་དང་། །སྒྱུ་མ་རྨི་ལམ་དྲི་ཟའི་གྲོང་། །མགལ་མེ་འཁོར་ལོ་སྨིག་རྒྱུ་དག་།མེད་པར་མི་ལ་རབ་ཏུ་སྣང་། །དེ་བཞིན་རྟག་དང་མི་རྟག་དང་། །གཅིག་དང་གཉིས་ཀ་གཉིས་མིན་དག་།ཐོག་མ་མེད་ཀྱི་ཉེས་འབྲེལ་བས། །བྱིས་པ་རྨོངས་པ་རབ་ཏུ་རྟོག་།
93b3 མིག་དང་མེ་ལོང་ཆུ་རྣམས་དང་། །སྣོད་དང་ནོར་བུ་དག་ལ་ཡང་། །དེ་ན་གཟུགས་བརྙན་སྣང་མོད་ཀྱི། །གཟུགས་བརྙན་གང་ནའང་ཡོད་པ་མིན། །དངོས་པོར་སྣང་སེམས་དེ་བཞིན་ཏེ། །སྣ་ཚོགས་གཟུགས་སུ་སྨིག་རྒྱུ་བ། །མཁའ་ལ་ཇི་ལྟར་སྣང་བ་བཞིན། །རྨི་ལམ་མོ་ཤམ་བུ་ཡང
93b4 འདྲ། །བློ་གྲོས་ཆེན་པོ་གཞན་ཡང་དེ་བཞིན་གཤེགས་པ་རྣམས་ཀྱི་ཆོས་བསྟན་པ་ནི་བཞི་ལས་རྣམ་པར་གྲོལ་བ་སྟེ། འདི་ལྟར་གཅིག་པ་དང་། ཐ་དད་པ་དང་། གཉིས་ཀ་དང་། གཉིས་ཀ་མ་ཡིན་པའི་ཕྱོགས་རྣམ་པར་སྤངས་པ། ཡོད་པ་དང་མེད་པ་དང་། སྒྲོ་འདོགས་པ་དང་། སྐུར་པ
93b5 ལས་རྣམ་པར་གྲོལ་བའོ། །བློ་གྲོས་ཆེན་པོ་དེ་བཞིན་གཤེགས་པ་རྣམས་ཀྱི་ཆོས་བསྟན་པ་ནི་བདེན་པ་དང་། རྟེན་ཅིང་འབྲེལ་པར་འབྱུང་བ་ལམ་དང་། འགོག་པ་དང་། རྣམ་པར་ཐར་པ་འཇུག་པ་སྔོན་དུ་གཏོང་བ་ཡིན་ཏེ། བློ་གྲོས་ཆེན་པོ་དེ་བཞིན་གཤེགས་པ་རྣམས་ཀྱི་ཆོས་བསྟན་པའི་རང
93b6 བཞིན་དང་། དབང་པོ་དང་། རྒྱུ་མེད་པ་དང་། འདོད་རྒྱལ་དང་། རྡུལ་ཕྲ་མོ་དང་། དུས་དང་། ངོ་བོ་ཉིད་དང་འབྲེལ་པ་ནི་མ་ཡིན་ནོ། །བློ་གྲོས་ཆེན་པོ་གཞན་ཡང་ཉོན་མོངས་པ་དང་། ཤེས་བྱའི་སྒྲིབ་པ་གཉིས་རྣམ་པར་དག་པར་བྱ་བའི་ཕྱིར་དེད་དཔོན་ལྟར་སྣང་བ་མེད་པ་བརྒྱ་རྩ་བརྒྱད་དང་།
93b7 ཐེག་པ་དང་། སའི་ཡན་ལག་ཤིན་ཏུ་རྣམ་པར་དབྱེ་བའི་མཚན་ཉིད་རྣམས་མཐར་གྱི་ས་རབ་ཏུ་བཞག་གོ། །བློ་གྲོས་ཆེན་པོ་གཞན་ཡང་བསམ་གཏན་རྣམ་པ་བཞི་སྟེ། རྣམ་པ་བཞི་གང་ཞེ་ན། འདི་ལྟ་སྟེ། བྱིས་པ་ཉེ་བར་སྤྱོད་པའི་བསམ་གཏན་དང་། དོན་རབ་ཏུ་འབྱེད་པའི་བསམ་གཏན་དང་།
iiif viewer powered by OpenSeadragon
