| e-texts navigator |
| Wylie |
76a1 དུ་རང་གི་མཚན་ཉིད་ཀྱི་བྱེ་བྲག་གིས་ཐ་དད་པ། ནམ་མཁའ་ལ་ཡང་མི་གནས་པ་ཡིན་ཏེ། དེ་དག་ལའང་ནམ་མཁའ་མེད་དོ། །བློ་གྲོས་ཆེན་པོ་དེ་བཞིན་དུ་རི་བོང་གི་རྭ་ནི་བ་ལང་གི་རྭ་ལས་ལྟོས་པ་ཡིན་ཏེ། བ་ལང་གི་རྭའང་རྡུལ་ཕྲ་མོར་རྣམ་པར་ཕྱེ་སྟེ་རྡུལ་ཕྲ་མོ་རྣམས
76a2 ཀྱང་རྣམ་པར་གཞིག་ན་རྡུལ་ཕྲ་མོའི་མཚན་ཉིད་ལའང་མི་གནས་ན་དེ་ཅི་ལས་ལྟོས་ཏེ་མེད་པར་འགྱུར། དེ་སྟེ་གཞན་ལས་ལྟོས་པའི་དངོས་པོ་ཞིག་ན་ཡང་དེ་ཡང་དེ་ལྟ་བུའི་ཆོས་ཅན་ནོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོ་ལ་འདི་སྐད་ཅེས་བཀའ་སྩལ་ཏོ། །
76a3 བློ་གྲོས་ཆེན་པོ་ཁྱོད་དང་བྱང་ཆུབ་སེམས་དཔའ་གཞན་རྣམས་ཀྱིས་རི་བོང་དང་བ་ལང་གི་རྭ་དང་། ནམ་མཁའ་དང་། གཟུགས་སུ་ལྟ་བའི་རྣམ་པར་རྟོག་པ་དང་བྲལ་བ་དང་། བློ་གྲོས་ཆེན་པོ་ཁྱོད་ཀྱིས་རང་གི་སེམས་སྣང་བ་ལ་རྣམ་པར་རྟོག་པ་རྗེས་སུ་རྟོགས་པའི་ཡིད་དུའང་འགྱུར་བར་བྱའོ། །
76a4 རྒྱལ་བའི་སྲས་དང་ཞིང་གི་དཀྱིལ་འཁོར་ཐམས་ཅད་དུའང་ཁྱོད་ཀྱིས་རང་གི་སེམས་སྣང་བའི་རྣལ་འབྱོར་བསྟན་པར་བྱའོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །སྣ་ཚོགས་སྣང་བ་ཡོད་པ་མིན། །སྣང་བ་ལས་ནི་སེམས་འབྱུང་སྟེ། །ལུས
76a5 དང་ལོངས་སྤྱོད་གནས་འདྲ་བའི། །ཀུན་གཞི་མི་ལ་སྣང་བ་ཡིན། །སེམས་དང་ཡིད་དང་རྣམ་པར་ཤེས། །རང་བཞིན་དང་ནི་ཆོས་ལྔ་དང་། །བདག་མེད་གཉིས་པོ་དག་པ་ཡང་། །རྣམ་པར་འདྲེན་པ་རབ་ཏུ་གསུང་། །ཕན་ཚུན་དུ་ནི་འབྲེལ་བ་ལས། །རིང་དང་ཐུང་ལ་སོགས་པ
76a6 འབྱུང་། །ཡོད་པ་སྒྲུབ་པ་མེད་པ་སྟེ། །མེད་པ་སྒྲུབ་པ་ཡོད་པའོ། །རྡུལ་ཕྲན་དུ་ནི་རྫས་གཞིག་སྟེ། །གཟུགས་ལ་རྣམ་པར་བརྟག་མི་བྱ། །སེམས་ཙམ་རྣམ་པར་གཞག་པ་ནི། །ལྟ་བ་ངན་པས་གསལ་མི་འགྱུར། །མགོན་པོ་རྣམས་ནི་གང་གསུང་བའི། །སོ་སོ་རང་རིག་སྤྱོད
76a7 ཡུལ་ཏེ། །རྟོག་པ་ཅན་གྱི་ཡུལ་མ་ཡིན། །ཉན་ཐོས་རྣམས་ཀྱིའང་དེ་བཞིན་མིན། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོས་རང་གི་སེམས་སྣང་བའི་རྒྱུད་རྣམ་པར་དག་པར་བྱ་བའི་ཕྱིར་ཡང་གསོལ་བ་བཏབ་པ། བཅོམ་ལྡན་འདས་རང
iiif viewer powered by OpenSeadragon
