| e-texts navigator |
| Wylie |
75b1 འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་རྣམ་པར་རྟོག་པ་མི་འབྱུང་བའི་མཚན་ཉིད་མཐོང་ནས་རྗེས་སུ་དཔག་ན། རྣམ་པར་རྟོག་པ་མི་འབྱུང་བ་ལ་ལྟོས་ཏེ། དེ་མ་མཆིས་ཞེས་བགྱི་བར་འགྱུར་རོ། །བཅོམ
75b2 ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་རྣམ་པར་རྟོག་པ་མི་འབྱུང་བ་ལས་ལྟོས་ཏེ་དེ་མེད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་ནི་རྣམ་པར་རྟོག་པ་འབྱུང་བའི་རྒྱུ་སྟེ། བློ་གྲོས་ཆེན་པོ་རྣམ་པར་རྟོག་པ་ནི་དེའི་རྭ་ལས་བརྟེན་ཏེ་འབྱུང་བའོ། །བློ་གྲོས་ཆེན་པོ་འདི་ལྟར་རྭ་ལས་བརྟེན
75b3 ཏེ་རྣམ་པར་རྟོག་པ་བྱུང་བས་དེའི་ཕྱིར་བརྟེན་པའི་རྒྱུ་ཡིན་པ་དང་། ཐ་དད་པ་དང་། ཐ་དད་པ་མ་ཡིན་པར་རྣམ་པར་སྤངས་པའི་ཕྱིར་དེ་ལ་ལྟོས་ཏེ་རི་བོང་གི་རྭ་མེད་པ་མ་ཡིན་ནོ། །བློ་གྲོས་ཆེན་པོ་རི་བོང་གི་རྭ་དང་རྣམ་པར་རྟོག་པ་གལ་ཏེ་ཐ་དད་ན་ནི་རྭའི་རྒྱུ་ལས་བྱུང་བ་མ་ཡིན་པར་འགྱུར་རོ། །དེ་སྟེ
75b4 ཐ་དད་པ་མ་ཡིན་ན་ནི་དེའི་རྒྱུ་ལས་བྱུང་བས་རྡུལ་ཕྲ་རབ་ཀྱི་བར་དུ་རབ་ཏུ་བརྟགས་ན་མི་དམིགས་པས་རྭ་དང་ཐ་དད་པ་མ་ཡིན་པའི་ཕྱིར་དེའང་མེད་པར་འགྱུར་ཏེ། དེ་གཉིས་ཀའི་དངོས་པོ་མེད་ན་གང་གིས་ཅི་ལས་ལྟོས་ཏེ་མོས་པར་འགྱུར། བློ་གྲོས་ཆེན་པོ་གལ་ཏེ་ལྟོས་ནས་མེད་པར་མི་འགྱུར་ན།
75b5 རྒྱུ་མི་འཐུན་པའི་ཕྱིར་བ་ལང་གི་རྭ་ཡོད་པ་ལས་ལྟོས་ཏེ། རི་བོང་གི་རྭ་མེད་ཅེས་ཀྱང་བརྟག་པར་བྱ་བར་མི་འགྱུར་རོ། །བློ་གྲོས་ཆེན་པོ་རྒྱུ་མི་མཉམ་པའི་ཕྱིར་ཡོད་པ་དང་། མེད་པར་སྨྲ་བ་རྣམས་ཀྱི་ཡོད་པ་དང་། མེད་པར་འགྲུབ་པར་མི་འགྱུར་རོ། །བློ་གྲོས་ཆེན་པོ་གཞན་ཡང་མུ་སྟེགས
75b6 བྱེད་པའི་ལྟ་བ་ཅན་གཟུགས་དང་རྒྱུ་དང་དབྱིབས་ལ་མངོན་པར་ཆགས་པས་མངོན་པར་ཞེན་པ། ནམ་མཁའི་དངོས་པོ་ཡོངས་སུ་རྟོག་པ་ལ་མི་མཁས་པ་རྣམས་གཟུགས་ནམ་མཁའི་དངོས་པོ་དང་བྲལ་བ་ལ་བྱེ་བྲག་འབྱེད་པར་ལྟ་བས་རྣམ་པར་རྟོག་སྟེ། བློ་གྲོས་ཆེན་པོ་གཟུགས་རྣམས་ཀྱི
75b7 འབྱུང་བའི་རྗེས་སུ་ཞུགས་པའི་ཕྱིར་ནམ་མཁའ་ཉིད་ཀྱང་གཟུགས་སོ། །གཟུགས་ཉིད་ཀྱང་ནམ་མཁའ་སྟེ། བློ་གྲོས་ཆེན་པོ་གཟུགས་དང་ནམ་མཁའི་རྒྱུ་རྣམ་པ་ཐ་དད་པ་ནི་གཞག་པ་དང་གཞིའི་ཚུལ་དུ་གྱུར་པས་ཡིད་ཆེས་པར་བྱའོ། །བློ་གྲོས་ཆེན་པོ་འབྱུང་བ་རྣམས་སྐྱེ་བ་ནི་ཕན་ཚུན
iiif viewer powered by OpenSeadragon
