| e-texts navigator |
| Wylie |
73b1 པོའི་རྣམ་པར་ནི། །མི་ཡི་རྣམ་པར་ཤེས་པ་གདའ། །དབའ་རླབས་སེམས་དང་འཐུན་པའི་ཆོས། །ཅི་སླད་ཐུབ་ཆེན་བཤད་དུ་གསོལ། །སྔོན་པོ་དམར་པོའི་རྣམ་པ་རྣམས། །དབའ་རླབས་དག་ལ་མ་མཆིས་ཏེ། །མཚན་ཉིད་དོན་དུ་བྱིས་པ་ལ། །སེམས་ཀྱི་འཇུག་པ་བཤད
73b2 པའོ། །དེ་ལ་འཇུག་པ་མེད་པ་སྟེ། །རང་གི་སེམས་ནི་གཟུང་བ་སྤངས། །གཟུང་བ་ཡོད་ན་འཛིན་པ་ཡང་། །དབའ་རླབས་འཐུན་པར་སྒྲུབ་པར་འགྱུར། །ལུས་དང་ལོངས་སྤྱོད་གནས་ལྟ་བུར། །མི་ཡི་རྣམ་པར་ཤེས་པར་སྣང་། །དེ་ཕྱིར་དེ་ཡི་འཇུག་པ་ནི། །དབའ
73b3 རླབས་དག་དང་འདྲ་བར་སྣང་། །དབའ་རླབས་དངོས་པོར་རྒྱ་མཚོ་ནི། །གར་བྱེད་རྣམ་པར་རིག་འགྱུར་ན། །ཀུན་གཞི་འཇུག་པ་དེ་བཞིན་དུ། །ཅི་ཡི་ཕྱིར་ན་བློས་མི་རིག་།བྱིས་པ་བློ་དང་མི་ལྡན་པས། །ཀུན་གཞི་རྒྱ་མཚོ་ཇི་བཞིན་དུ། །དབའ་རླབས་འབྱུང་བའི་ཆོས་འཐུན་ཕྱིར། །
73b4 དཔེ་ཡིས་ཉེ་བར་སྦྱར་བ་ཡིན། །སྐྱེ་བོ་བཟང་ངན་བར་མ་ལ། །གདུགས་འཆར་འགྱུར་བ་ཇི་བཞིན་དུ། །དེ་བཞིན་འཇིག་རྟེན་སྒྲོན་མ་ཁྱོད། །བུས་པ་རྣམས་ལ་ཡང་དག་སྟོན། །ཆོས་ལ་རབ་ཏུ་བཞུགས་མཛད་ཅིང་། །ཅི་སླད་དེ་བཞིན་ཉིད་མི་གསུང་། །དེ་སྟེ་དེ་བཞིན་ཉིད་གསུང
73b5 ན། །སེམས་ལ་དེ་བཞིན་ཉིད་མ་མཆིས། །ཇི་ལྟར་རྒྱ་མཚོའི་དབའ་རླབས་དང་། །མེ་ལོང་རྨི་ལམ་ཇི་བཞིན་དུ། །ཅིག་ཆའི་དུས་སུ་སྣང་བ་བཞིན། །སེམས་ཀྱང་རང་གི་སྤྱོད་ཡུལ་ལ། །ཡུལ་དང་རྣམ་པར་མི་ལྡན་པས། །རིམ་གྱིས་འཇུག་པར་རབ་ཏུ་འབྱུང་། །རྣམ་པར་ཤེས
73b6 པས་རྣམ་པར་རིག་། ཡིད་ཀྱིས་དེ་བཞིན་སྙེམས་པར་བྱེད། །ལྔ་པོ་རྣམས་ལ་སྣང་བར་མངོན། །མཉམ་པར་བཞག་ལ་རིམ་པ་མེད། །རི་མོའི་མཁན་པོ་ལ་ལ་འམ། །རི་མོ་མཁན་གྱི་སློབ་མའང་རུང་། །རི་མོའི་དོན་དུ་ཚོན་འགྱེད་པ། །བཤད་པ་འདི་ཡང་དེ་དང་འདྲ། །ཚོན
73b7 ལ་རི་མོ་ཡོད་པ་མིན། །པིར་དང་སྣོད་ལའང་དེ་བཞིན་མེད། །སེམས་ཅན་དྲང་བའི་དོན་གྱི་ཕྱིར། །ཚོན་གྱིས་རི་མོ་རྣམ་པར་བརྟག་།ཡང་དག་ལ་ནི་ཡི་གེ་མེད། །བཤད་པ་དག་ནི་འཁྲུལ་པའོ། །ཆོས་རྣམས་ལ་ནི་གནས་བཅས་ཤིང་། །རྣལ་འབྱོར་ཅན་ལ་ཡང་དག་བསྟན། །
iiif viewer powered by OpenSeadragon
