| e-texts navigator |
| Wylie |
66b1 རྣམས་དང་འགྲོ་འོང་དང་། །སྙོམས་པར་འཇུག་དང་འགོག་པ་དང་། །ལྡང་དང་སྣ་ཚོགས་བཤད་པ་དང་། །སེམས་དང་ཡིད་དང་རྣམ་ཤེས་དང་། །བདག་མེད་པ་དང་ཆོས་ལྔ་དང་། །རང་བཞིན་རྟོག་དང་བརྟག་པ་དང་། །སྣང་དང་ལྟ་གཉིས་ཇི་ལྟ་བུ། །ཐེག་པ་རྣམས་ཀྱི་འབྱུང་གནས
66b2 དང་། །གསེར་ནོར་མུ་ཏིག་འབྱུང་བའི་རིགས། །འདོད་ཆེན་པ་དང་འབྱུང་ཆེན་དང་། །སངས་རྒྱས་གཅིག་དང་དཀྲུགས་མ་དང་། །ཤེས་དང་ཤེས་བྱ་འབྱུང་འཐོབ་དང་། །སེམས་ཅན་སྲིད་དང་མི་སྲིད་དང་། །ཅི་ཕྱིར་གླང་པོ་རྟ། །ཇི་ལྟར་གཟུང་རུང་བདག་ལ་གསུངས། །དཔེ
66b3 དང་རྒྱུ་རྣམས་ལྡན་པ་ཡི། །གྲུབ་པའི་མཐའ་བཤད་ཇི་ལྟ་བུར། །རྒྱུ་དང་འབྲས་བུ་ཅི་ཡི་ཕྱིར། །ཚུལ་དང་ནོར་བ་སྣ་ཚོགས་དང་། །སེམས་ཙམ་སྟེ་ནི་སྣང་བ་མེད། །ས་རྣམས་ལ་ཡང་རིམ་པ་མེད། །སྣང་བ་མེད་དང་འགྱུར་བ་རྣམས། །བརྒྱ་པོ་ཅི་ཕྱིར་བདག་ལ་གསུངས། །གསོ་བའི
66b4 གཙུག་ལག་བཟོ་རྣམས་དང་། །སྒྱུ་རྩལ་རིག་ལུང་དེ་བཞིན་ཏེ། །རི་བོ་དེ་བཞིན་རི་རབ་དང་། །ས་ཡི་ཚད་ཀྱང་ཇི་ལྟ་བུར། །ཉི་མ་ཟླ་བ་རྒྱ་མཚོ་ཡི། །ཚད་ནི་ཇི་ཙམ་བདག་ལ་གསུངས། །སེམས་ཅན་ལུས་ལ་རྡུལ་གྱི་རྣམས། །རབ་དང་འབྲིང་དང་ཐ་མ་དུ། །ཞིང་དང་ཞིང་ལ་རྡུལ
66b5 རྣམས་དུ། །འདོམ་དང་འདོམ་ལ་ཇི་སྙེད་མཆིས། །ཁྲུ་འདོམ་གོམ་པ་རྒྱང་གྲགས་དང་། །དཔག་ཚད་ཕྱེད་དང་དཔག་ཚད་ལ། །རི་བོང་ཉི་ཟེར་སྲོ་མ་དང་། །ལུག་གི་དང་ནི་ནས་ཀྱང་དུ། །བྲེ་གང་ལ་ནི་ནས་འབྲུ་དུ། །བྲེ་ཕྱེད་ལ་ཡང་ནས་འབྲུ་དུ། །དེ་བཞིན་བྲེ་བོ་ཁལ་གཅིག་ལ། །འབུམ
66b6 དང་བྱེ་བ་ཤུ་རྡོག་དུ། །ཡུངས་ཀར་ལ་ནི་རྡུལ་ཕྲན་དུ། །འོལ་མ་སེ་ལ་ཡུངས་ཀར་དུ། །རི་གཅིག་ལ་ནི་འོལ་སེ་དུ། །ནམ་གཅིག་ལ་ནི་རི་དུ་ཡོད། །ཞོ་གཅིག་ལ་ནི་ནམ་དུ་ཡོད། །སྲང་གཅིག་ལ་ཡང་ཞོ་དུ་ཡོད། །རྩིས་ཀྱི་རྩིས་མགོ་འདི་ལྟ་བུར། །རི་རབ་ལ་ནི་སྲང་དུ་ཡོད། །དེ་སྐད
66b7 བུ་ཡིས་ང་ལ་དྲིས། །རྣམ་པ་གཞན་དུ་ཅི་ཕྱིར་འདྲི། །རང་རྒྱལ་དག་དང་ཉན་ཐོས་དང་། །སངས་རྒྱས་རྣམས་དང་རྒྱལ་སྲས་ཀྱི། །སྐུ་ལ་རྡུལ་ཕྲན་དུ་ཡོད་ཅེས། །དེ་སྐད་ཅི་ཕྱིར་འདྲི་མི་བྱེད། །མེ་ལྕེ་ལ་ནི་རྡུལ་ཕྲན་དུ། །རླུང་ལ་ཡང་ནི་རྡུལ་ཕྲན་དུ། །དབང་པོ་གཅིག་ཅིག་རྡུལ་ཕྲན
iiif viewer powered by OpenSeadragon
