| e-texts navigator |
| Wylie |
66a1 དུ། །ལྟ་བ་དག་ཀྱང་རྣམ་པ་དུ། །དགེ་སློང་དངོས་དང་འདུལ་བ་ཡང་། །ཅི་སླད་ཇི་ལྟར་བདག་ལ་གསུངས། །རང་རྒྱལ་རྒྱལ་སྲས་ཉན་ཐོས་ཀྱི། །ཅི་སླད་འགྱུར་བ་རྒྱལ་པོ་དང་། །སྣང་བ་མེད་པ་རྒྱལ་པོ་ཡང་། །ཅི་ཡི་སླད་པ་བདག་ལ་གསུངས། །འཇིག་རྟེན་མངོན
66a2 ཤེས་གང་གིས་འབྱུང་། །འཇིག་རྟེན་འདས་ཀྱིའང་ཇི་ལྟ་བུར། །སེམས་དང་ས་རྣམས་བདུན་པོ་ཡང་། །ཇི་ལྟར་ཅི་སླད་བདག་ལ་གསུངས། །ཁྱོད་ཀྱི་དགེ་འདུན་རྣམ་པ་དུ། །ཇི་ལྟར་དགེ་འདུན་དབྱེན་དུ་འགྱུར། །སེམས་ཅན་གསོ་བའི་གཙུག་ལག་ཀྱང་། །ཇི་ལྟར་ཅི་སླད་བདག
66a3 ལ་གསུངས། །འོད་སྲུང་ལོག་པར་དད་སེལ་དང་། །གསེར་ཐུབ་ཀྱང་ནི་ང་ཡིན་ཞེས། །རྒྱལ་བའི་སྲས་ལ་གསུང་བ་དེ། །ཐུབ་པ་ཆེན་པོ་ཅི་སླད་གསུངས། །བདག་དང་སེམས་ཅན་ཅིས་མེད་བརྗོད། །རྟག་དང་འཇིག་གཏམ་ཇི་ལྟ་བུར། །ཅི་སླད་སེམས་ཙམ་ཡང་དག་ཉིད། །ཐམས
66a4 ཅད་དུ་ན་བཤད་མི་མཛད། །ཇི་སྲིད་སྐྱེས་བུ་ན་ཆུང་ཚལ། ། རུ་ར་དང་སྐྱུ་རུ་ཚལ། །ཏི་སེའི་གངས་དང་ཁོར་ཡུག་རི། །རྡོ་རྗེ་སྲ་བའང་ཇི་ལྟ་བུ། །དེ་ཡི་ནང་ན་དུ་མའི་རི། །རིན་ཆེན་སྣ་ཚོགས་རབ་བརྒྱན་ཅིང་། །དྲང་སྲོང་དྲི་ཟས་ཀུན་གང་བ། །ཇི་ལྟར་ཅི་སླད་བདག་ལ་གསུངས། །
66a5 ཐེག་པ་ཆེ་ཚུལ་སྣ་ཚོགས་པ། །སངས་རྒྱས་རྣམས་ཀྱི་ཐུགས་མཆོག་འདི། །སངས་རྒྱས་འཇིག་རྟེན་མཁྱེན་པའི་ཕུལ། །ལྷ་ཆེན་གྱིས་ནི་གསན་པ་དང་། །ཤེས་རབ་ཆེན་པོ་ལེགས་སོ་ལེགས། །ཁྱོད་ཀྱིས་ཡོངས་སུ་གང་དྲིས་པ། །དེ་ནི་རིམ་གྱིས་ངས་བཤད་ཀྱིས། །བློ་ཆེན་ང་ལ
66a6 ཤེས་པར་བྱོས། །སྐྱེ་དང་སྐྱེ་བ་མེད་པ་དང་། །ཇི་ལྟར་མྱ་ངན་འདས་དང་སྟོང་། །འཕོ་དང་རང་བཞིན་མེད་པ་དང་། །སངས་རྒྱས་ཕ་རོལ་ཕྱིན་དང་སྲས། །ཉན་ཐོས་རྒྱལ་བའི་སྲས་རྣམས་དང་། །གཟུགས་མེད་སྤྱོད་པའི་མུ་སྟེགས་དང་། །རི་རབ་རྒྱ་མཚོ་རི་རྣམས་དང་། །གླིང་དང་ས་དང་ཞིང
66a7 རྣམས་དང་། །སྐར་མ་ཉི་མ་ཟླ་བ་དང་། །མུ་སྟེགས་ལྷ་དང་ལྷ་མ་ཡིན། །རྣམ་ཐར་དབང་དང་མངོན་ཤེས་དང་། །སྟོབས་དང་བསམ་གཏན་ཏིང་ངེ་འཛིན། །འགོག་དང་རྫུ་འཕྲུལ་རྐང་པ་དང་། །བྱང་ཆུབ་ཡན་ལག་ལམ་རྣམས་དང་། །ཚད་མེད་རྣམས་དང་བསམ་གཏན་དང་། །ཕུང་པོ
iiif viewer powered by OpenSeadragon
