| e-texts navigator |
| Wylie |
65b1 ཤིང་ཇི་ལྟར་མཆིས། །སྲིད་གསུམ་དབང་པོ་བདག་ལ་གསུངས། །གླང་པོ་རྟ་བླུན་རྣམས། །གཟུང་དུ་རུང་བ་ཅི་སླད་དུ། །ངན་པའི་མི་རྣམས་ཅི་ལས་གྱུར། །བདག་ལ་སེམས་ལུང་སྒྱུར་བས་གསུངས། །ཁམས་དྲུག་འཛིན་པ་ཅི་སླད་དུ། །འདོད་ཆེན་བར་ཡང་ཇི་ལྟར
65b2 འགྱུར། །སྐྱེས་པ་བུད་མེད་མ་ནིང་རྣམས། །ཇི་ལྟར་སྐྱེ་འགྱུར་བདག་ལ་གསུངས། །རྣལ་འབྱོར་ལས་ནི་ཇི་ལྟར་ལྡོག་།རྣལ་འབྱོར་ལ་ཡང་ཇི་ལྟར་འཇུག་།ཅི་འདྲའི་སྐྱེས་བུ་ཇི་ལྟ་བུར། །རྣལ་འབྱོར་གཞག་པ་བདག་ལ་གསུངས། །འགྲོ་བར་ཕྱིན་པའི་སེམས་ཅན་གྱི། །མཚན
65b3 ཉིད་མཚན་མ་ཇི་ལྟ་བུ། །གང་གིས་ཇི་ལྟར་ཕྱུག་པོར་འགྱུར། །མཁའ་འདྲས་བདག་ལ་བཀའ་སྩོལ་ཅིག་།ཇི་ལྟར་ཅི་ཡི་ཤཱཀྱའི་རིགས། །བུ་རམ་ཤིང་སྐྱེས་ཇི་ལྟར་བྱུང་། །ཡུན་དྲང་སྲོང་དཀའ་ཐུབ་གང་། །ཁྱོད་ཀྱི་དེས་ནི་ཇི་ལྟར་བསླབས། །ཁྱོད་ཉིད་ཞིང་རྣམས་ཐམས་ཅད་དུ། །
65b4 མཚན་དང་དེ་བཞིན་གཟུགས་སྣ་ཚོགས། །རྒྱལ་བའི་སྲས་ཀྱིས་བསྐོར་བ་ཡང་། །ཅི་ཡི་སླད་དུ་ཀུན་ན་གདའ། །ཇི་ལྟར་ཤ་རྣམས་བཟར་མི་རུང་། །ཇི་ལྟར་ཤ་ནི་བཀག་པ་ལགས། །ཤ་ཟའི་རིགས་སུ་སྐྱེས་པ་རྣམས། །ཤ་འཚལ་བར་ཡང་ཇི་ལྟར་འགྱུར། །ཇི་ལྟར་ཞིང་རྣམས་ཉི་ཟླའི་དབྱིབས། །
65b5 རི་རབ་པད་མོ་འདྲ་བ་དང་། །དཔལ་བེའུ་སེང་གེའི་དབྱིབས་འདྲ་བ། །ཅི་ཡི་སླད་པ་བདག་ལ་གསུངས། །གོ་འདུན་དག་དང་སྤྱི་ཚུགས་དང་། །མིག་འཕྲུལ་འདྲ་བ་ཇི་ལྟ་བུ། །རིན་ཆེན་ཀུན་གྱི་ཞིང་རྣམས་ཀྱང་། །ཇི་ལྟར་ཅི་སླད་བདག་ལ་གསུངས། །པི་བང་རྔ་ཡི་དབྱིབས་འདྲ་དང་། །འབྲས་བུ་མེ
65b6 ཏོག་སྣ་ཚོགས་འདྲ། །ཉི་ཟླ་དག་དང་རྣམ་བྲལ་བ། །ཇི་ལྟར་ཅི་སླད་བདག་ལ་གསུངས། །ལ་ལ་སྤྲུལ་པའི་སངས་རྒྱས་དང་། །སངས་རྒྱས་ལ་ལ་རྣམ་སྨིན་འབྱུང་། །ཡང་དག་ཡེ་ཤེས་སངས་རྒྱས་རྣམས། །ཇི་ལྟར་ཅི་སླད་བདག་ལ་གསུངས། །ཅི་སླད་ཇི་ལྟར་འདོད་ཁམས་སུ། །རྣམ
65b7 སངས་མ་རྒྱས་བདག་ལ་གསུངས། །ཅི་ཡི་དོན་དུ་འོག་མིན་དུ། །ཆགས་བྲལ་ཁྲོད་དུ་མངོན་སངས་རྒྱས། །བདེ་གཤེགས་མྱ་ངན་འདས་ནས་གོ། །བསྟན་པ་སུ་ཞིག་འཛིན་པར་འགྱུར། །སྟོན་པ་ཇི་སྲིད་བར་དུ་བཞུགས། །ཚུལ་ཡང་ཇི་སྲིད་གནས་པར་འགྱུར། །ཁྱོད་ཀྱི་གྲུབ་མཐའ་རྣམ་པ
iiif viewer powered by OpenSeadragon
