| e-texts navigator |
| Wylie |
64b1 གྲོས་ཆེན་པོས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ། བཅོམ་ལྡན་འདས་ལ་ཞུ་བ་ཞུས་པ། ཇི་ལྟར་རྟོག་གེ་རྣམ་དག་འགྱུར། །རྟོག་གེ་ཅི་ཡི་སླད་དུ་འབྱུང་། །ཇི་ལྟ་བུར་ན་ནོར་བ་གདའ། །ཅི་ཡི་སླད་དུ་ནོར་བ་འབྱུང་། །ཅི་ཡི་སླད་དུ་སྤྲུལ་དང་ཞིང་། །ཁྱོད་ཀྱི་མཚན་དང་མུ་སྟེགས
64b2 ཀྱང་། །སྣང་མེད་རིམ་པ་ཅི་སླད་དུ། །ཁྱོད་ཀྱི་རྒྱལ་སྲས་གང་ནས་ལྷགས། །གྲོལ་བ་གང་དུ་མཆི་བར་འགྱུར། །བཅིངས་པ་སུ་ལགས་གང་གིས་འགྲོལ། །བསམ་གཏན་པ་ཡི་ཡུལ་དེ་གང་། །ཇི་ལྟར་ཐེག་པ་གསུམ་པོ་ལགས། །རྐྱེན་གྱིས་སྐྱེ་བ་དེ་དག་ཅི། །འབྲས་བུ་ཅི་ཞིག་རྒྱུ
64b3 ནི་གང་། །གཉིས་ཀྱིས་མཐའ་བརྗོད་ཅི་སླད་དུ། །ཇི་ལྟ་བུ་ཡང་འབྱུང་བ་ལགས། །གཟུགས་མེད་སྙོམས་པར་འཇུག་པ་དང་། །འགོག་པ་དེ་ཡང་ཇི་ལྟ་བུ། །འདུ་ཤེས་འགོག་པ་ཇི་ལྟ་བུ། །ཅི་སླད་ཇི་ལྟར་སད་པར་འགྱུར། །འགྲོ་བ་དང་ནི་ལུས་འཛིན་ཀྱང་། །ཅི་ཡི་སླད་དུ་བྱ་བ
64b4 འབྱུང་། །ཇི་ལྟར་སྣང་བ་རྣམ་པར་སྒོམ། །ཇི་ལྟར་ས་ལ་འཇུག་པར་འགྱུར། །སྲིད་གསུམ་ཆོམ་གནས་པ་དེས་སུ། །གནས་ནི་གང་ལགས་ལུས་ནི་ཅི། །གནས་ཤིང་འགྲོ་བ་གང་ཞིག་ཏུ། །རྒྱལ་བའི་སྲས་སུ་ཇི་ལྟར་འགྱུར། །དབང་དང་ཏིང་ངེ་འཛིན་རྣམས་དང་། །མངོན་པར
64b5 ཤེས་པ་ཇི་ལྟར་འཐོབ། །ཇི་ལྟར་སེམས་ནི་མཉམ་པར་འཇོག་།རྒྱལ་བ་ཁྱུ་མཆོག་བདག་ལ་གསུངས། །ཡིད་དང་རྣམ་པར་ཤེས་པ་དང་། །ཀུན་གཞི་དེ་ཡང་ཇི་ལྟ་བུར། །སྣང་ལ་ཇི་ལྟར་འཇུག་པ་ལགས། །ཇི་ལྟར་སྣང་ལས་སླད་དུ་ལྡོག་།རིགས་དང་རིགས་མེད་ཇི་ལྟར་ཅིས། །
64b6 སེམས་ཙམ་དུ་ཡང་ཇི་ལྟར་འགྱུར། །མཚན་རྣམས་རྣམ་པར་དགོད་པ་དང་། །བདག་མེད་པ་ཡང་ཇི་ལྟར་འགྱུར། །སེམས་ཅན་མ་མཆིས་ཇི་ལྟ་བུ། །ཀུན་རྫོབ་བཤད་པ་ཇི་ལྟ་བུ། །ཇི་ལྟར་རྟག་དང་ཆད་པ་ཡིས། །ལྟ་བ་རབ་ཏུ་འབྱུང་མི་འགྱུར། །ཇི་ལྟར་ཁྱོད་དང་མུ་སྟེགས་སུ། །
64b7 མཚན་ཉིད་རྣམས་ཀྱིས་འགལ་མི་འགྱུར། །སྡེ་པ་རྣམས་ཀྱང་ཇི་ལྟ་བུར། །མ་འོངས་དུས་ན་འབྱུང་བ་གསུངས། །ཅི་སླད་ཇི་ལྟར་སྟོང་པ་ཉིད། །ཇི་ལྟར་ཁྱོད་ཀྱིས་སྐད་ཅིག་འཇིག་།སྙིང་པོ་ཇི་ལྟར་འབྱུང་བ་ལགས། །ཇི་ལྟར་འཇིག་རྟེན་བྱེད་མ་མཆིས། །ཅི་སླད་འཇིག་རྟེན
iiif viewer powered by OpenSeadragon
