| e-texts navigator |
| Wylie |
59b1 བས་གཡེངས་པ་དང་། རྣམ་པར་རྟོག་པ་ལ་མངོན་པར་ཆགས་པ། མཚན་ཉིད་དུ་ལྷུང་བའི་བསམ་པས་བརྟགས་པ། ཉན་ཐོས་དང་། རང་སངས་རྒྱས་དང་། མུ་སྟེགས་ཅན་རྗེས་སུ་འཇུག་པའི་སྒོའི་སྤྱོད་ཡུལ་ནི་མ་ཡིན་ནོ། །ལང་ཀའི་བདག་པོ་བདག་གི་སོ་སོ་རང་གིས་རིག་པ
59b2 རྟོགས་པར་བྱེད་པའི་ཐེག་པ་ཆེན་པོ་ཁོང་དུ་ཆུད་པར་བྱེད་པ་འདི་ནི་གཟུགས་སྣ་ཚོགས་རབ་ཏུ་འཐོབ་པར་བྱེད་པའོ། །བྱེ་བྲག་གི་སྲིད་པར་སྐྱེ་བ་ཡོངས་སུ་འཐོབ་པར་ཡང་འགྱུར་རོ། །ལང་ཀའི་བདག་པོ་ཐེག་པ་ཆེན་པོའི་རྣལ་འབྱོར་ལ་འཇུག་པ་འདི་ནི་ཁེབས་པའི་གཡོགས་མ་རྣམ
59b3 པར་ཤེས་པ་སྣ་ཚོགས་ཀྱི་རླབས་ཟློག་པར་བྱེད་པ་ཡིན་ཏེ། མུ་སྟེགས་ཅན་གྱི་རྣལ་འབྱོར་གྱི་གནས་སུ་ལྷུང་བ་ནི་མ་ཡིན་ནོ། །ལང་ཀའི་བདག་པོ་མུ་སྟེགས་ཅན་གྱི་རྣལ་འབྱོར་ནི་མུ་སྟེགས་ཅན་རྣམས་ཀྱི་བདག་ཏུ་མངོན་པར་ཞེན་པ་ལས་བྱུང་བའོ། །རྣམ་པར་ཤེས་པའི་རང
59b4 བཞིན་གཉིས་ཀྱི་དོན་ལ་ཆགས་པར་ལྟ་བས་མུ་སྟེགས་ཅན་རྣམས་ཀྱི་འདི་ཡང་རྣལ་འབྱོར་མ་ཡིན་ནོ། །ལང་ཀའི་བདག་པོ་དེ་ལེགས་སོ། །དེ་བཞིན་གཤེགས་པ་མཐོང་ཞིང་ཇི་ལྟར་རྗེས་སུ་བསམས་པའི་དོན་དེ་ཉིད་རྗེས་སུ་སོམས་ཤིག་དང་དེ་ཉིད་ནི་དེ་བཞིན་གཤེགས་པ་མཐོང
59b5 བ་ཡིན་ནོ། །དེ་ནས་དེའི་སྐབས་སུ་འབོད་འགྲོགས་འདི་སྙམ་དུ་སེམས་ཏེ། ཡང་འདི་ལྟར་བདག་གིས་བཅོམ་ལྡན་འདས་རྣལ་འབྱོར་ཐམས་ཅད་ལ་མངའ་མཛད་པ། མུ་སྟེགས་ཅན་གྱི་རྣལ་འབྱོར་རྣམ་པར་ཟློག་པ། སོ་སོ་རང་གིས་རིག་པའི་སྤྱོད་ཡུལ་སྟོན་པ། འཕྲུལ་པས
59b6 སྤྲུལ་པ་དང་བྲལ་བ། ཐུགས་སུ་ཆུད་པའི་བློ་ལ་གང་གི་ཕྱིར་རྣལ་འབྱོར་ཅན་རྣམས་རྣལ་འབྱོར་མངོན་པར་རྟོགས་པའི་དུས་ན་ཏིང་ངེ་འཛིན་གྱི་བདེ་བ་དང་། སྙོམས་པར་འཇུག་པ་རྣམས་ཁོང་དུ་ཆུད་པར་འགྱུར་ཏེ། དེ་ཁོང་དུ་ཆུད་པའི་ཕྱིར་འདིས་ཁོང་དུ་ཆུད་དོ་ཞེས་རྣལ་འབྱོར་ཅན་རྣམས་ཀྱི་རྣལ
59b7 འབྱོར་གྱི་སྒྲར་གདགས་ཏེ། དེའི་ཕྱིར་བདག་གིས་ཐུགས་རྗེ་ཅན་ཉོན་མོངས་པ་འབར་བའི་རྒྱུ་དང་། རྣམ་པར་རྟོག་པ་ཟད་པར་བྱེད་པ། རྒྱལ་བའི་སྲས་རྣམས་ཀྱིས་ཡོངས་སུ་བསྐོར་བ། སེམས་ཅན་ཐམས་ཅད་ཀྱི་སེམས་དང་བསམ་པའི་རྗེས་སུ་ཞུགས་པ། ཐམས་ཅད་དུ་ཁྱབ
iiif viewer powered by OpenSeadragon
