| e-texts navigator |
| Wylie |
58a1 ཆེན་བརྒྱན་པའི་སེ་མོ་དོ། །རྒྱལ་བའི་སྲས་དང་རྒྱལ་བ་ཡི། །སྟོད་ཀྱི་ཡན་ལག་རྣམས་ལ་བཏགས། །བཅོམ་ལྡན་རྒྱལ་སྲས་མཁས་བཅས་པ། །མཆོད་པ་ཕུལ་བ་བཞེས་ནས་ནི། །སོ་སོ་རང་རིག་སྤྱོད་ཡུལ་གྱི། །ཆོས་ནི་རྣམ་པར་བསྟན་པ
58a2 མཛད། །གནོད་སྦྱིན་སྡེ་དང་འབོད་འགྲོགས་ཀྱིས། །སྨྲ་བ་རྣམས་ཀྱི་མཆོག་མཆོད་དེ། །བློ་གྲོས་ཆེན་པོ་རབ་མཆོད་ཅིང་། །གསོལ་བ་ཡང་དང་ཡང་འདེབས་པ། །ཁྱོད་ནི་སངས་རྒྱས་ཐམས་ཅད་ལ། །རང་རིག་སྤྱོད་ཡུལ་འདྲི་བ་ཡིན། །འདི་ནི་བདག་དང་གནོད་སྦྱིན
58a3 དང་། །རྒྱལ་བའི་སྲས་རྣམས་ཉན་པ་མཆིས། །ཁྱོད་ལ་རྒྱལ་སྲས་མཁས་པ་དང་། །གནོད་སྦྱིན་རྣམས་ཀྱང་གསོལ་བ་འདེབས། །སྨྲ་བའི་ནང་ན་སྨྲ་ཆེན་ཁྱོད། །རྣལ་འབྱོར་ཅན་གྱིའང་རྣལ་འབྱོར་ཞུགས། །ཁྱོད་ལ་གུས་པར་གསོལ་འདེབས་ཀྱིས། །འཇིགས་པ
58a4 མེད་པས་ཚུལ་དྲིས་ཤིག་། རང་རྒྱལ་ཉན་ཐོས་རྣམས་དང་ནི། །མུ་སྟེགས་ཉེས་ལས་རྣམ་པར་གྲོལ། །སོ་སོ་རང་རིག་ཆོས་ཉིད་གཙང་། །སངས་རྒྱས་ས་ནི་ཐོབ་བྱེད་པའོ། །རྩེ་མོ་རིན་ཆེན་བརྒྱན་པ་དང་། །གཞན་ཡང་ལྷ་རྫས་རྣམས་ཀྱི་ནི། །རིན་ཆེན་བྱེ་བས་བརྒྱན
58a5 པ་དག་། བཅོམ་ལྡན་འདས་ཀྱིས་དེར་སྤྲུལ་ཏེ། །མགོན་པོ་རི་བོ་རེ་རེ་ལ། །ཉིད་ཀྱི་སྐུ་ནི་རབ་ཏུ་བསྟན། །འབོད་འགྲོགས་གནོད་སྦྱིན་དེ་དག་ན། །རེ་རེ་ལ་ནི་རྣམ་པར་གནས། །ཐམས་ཅད་འཁོར་ནི་མ་བྲི་བར། །རེ་རེ་ན་ཡང་ཤིན་ཏུ་སྣང་། །དེ་ན་ཞིང་རྣམས་ཐམས
58a6 ཅད་དང་། །གང་ཡང་དེ་ན་འདྲེན་པ་དང་། །དེ་ན་སྲིན་པོའི་དབང་པོ་རྣམས། །གང་དག་ལང་ཀར་གནས་པའང་སྣང་། །དེ་དང་འགྲན་པའི་ལང་ཀ་དང་། ། ཤོ་ཀ་ཡི་ཚལ་གཞན་དང་། །ནགས་ཚལ་བཟང་པོ་དེ་དག་ཀྱང་། །རྒྱལ་བ་ཡིས་ནི་མངོན་པར་སྤྲུལ། །མགོན
58a7 པོ་རི་རྣམས་རེ་རེ་ལ། །བློ་གྲོས་ཆེན་པོས་བསྐུལ་བ་དང་། །སོ་སོ་རང་རིག་རྗོད་པ་ཡིས། །ཆོས་ནི་གནོད་སྦྱིན་རྣམས་ལ་བསྟན། །སྟོང་ཕྲག་བརྒྱ་པའི་མདོ་སྡེ་དག་།རི་བོ་ལ་ནི་མ་ལུས་བཤད། །སྟོན་པ་དང་ནི་རྒྱལ་སྲས་རྣམས། །དེ་ཉིད་དུ་ཡང་མི་སྣང་གྱུར། །གནོད་སྦྱིན
iiif viewer powered by OpenSeadragon
