| e-texts navigator |
| Wylie |
191a1 ཅན་གྱིས་མི་ཤེས་སོ། །སེམས་དང་སེམས་ཅན་མྱ་ངན་འདས། །རང་བཞིན་གྱིས་ནི་འོད་གསལ་ཏེ། །ཡིད་ལ་སོགས་པའི་ཉེས་པ་ཡིས། །ཉོན་མོངས་མཁའ་བཞིན་ཐ་དད་མིན། །གླང་པོའི་མལ་སོགས་བཞིན་སྔོན་ཡོད། །མུ་སྟེགས་ལྟ་བས་དྲི་མར་བྱས། །ཡིད་ཀྱི་རྣམ
191a2 པར་ཤེས་པས་གཡོགས། །མེ་ལ་སོགས་པས་རྣམ་པར་སྦྱངས། །དེ་ཡིས་ཡང་དག་ཇི་བཞིན་མཐོང་། །མཐོང་ནས་ཉོན་མོངས་རྣམས་ཀྱང་བཤིག་།ཐིབས་པོའི་དཔེ་རྣམས་རབ་སྤངས་ཏེ། །དེ་དག་འཕགས་པའི་སྤྱོད་ཡུལ་དོང་། །ཤེས་དང་ཤེས་བྱའི་བྱེ་བྲག་གིས། །དེ
191a3 གཉིས་གཞན་དུ་མི་བརྟག་པ། །བློ་ངན་རྣམས་ཀྱིས་མི་རྟོགས་ཏེ། །བརྗོད་དུ་མེད་པ་སྨྲ་བར་བྱེད། །ཇི་ལྟར་ཙན་དན་བྱས་པའི་རྔ། །བྱིས་པ་དག་ནི་གཞན་དུ་བྱེད། །དེ་བཞིན་ཙན་དན་ཨ་གར་འདྲའི། །ཤེས་པ་རྟོག་གེ་ངན་པས་སོ། །ལངས་ནས་ཁ་ཟས་ཕྱིས་མི
191a4 ལེན། །ལྷུང་བཟེད་གནས་དང་ཕྱིང་པ་ཅན། །གདོང་འགྱུར་ལ་སོགས་ཉེས་པ་ཅན། །དག་པས་ཟས་ལ་སྤྱད་པར་བྱ། །སུ་ཞིག་ཚུལ་འདི་རིགས་པས་དཔོག་བྱེད་པ། །དད་ལྡན་རྣལ་འབྱོར་བརྩོན་ཞིང་མི་རྟོག་པ། །མི་གནས་དོན་ལ་རྟེན་པར་གྱུར་པ་དེ། །ཆོས་ཀྱི་རྣམ
191a5 པར་གསེར་བཞིན་སྤྱད་པར་བྱ། །བླུན་པས་སྲིད་དང་མི་སྲིད་རྐྱེན་རྟོག་པ། །དེ་ནི་ལྟ་ངན་དྲ་བ་དྲི་མར་བཅས། །འདོད་ཆགས་ཞེ་སྡང་གཏི་མུག་བཅས་པ་ལྡོག་།ཆགས་མེད་སངས་རྒྱས་ཕྱག་གིས་དབང་བསྐུར་འགྱུར། །མུ་སྟེགས་རྒྱུ་ཡི་ཕྱོགས་ཀྱིས་བསླད། །གཞན
191a6 ཡང་རྐྱེན་གྱིས་རྣམ་པར་རྨོངས། །གཞན་དག་རྒྱུ་མེད་དེ་འབྱུང་བས། །དོན་མེད་པ་ནི་ཆད་པའོ། །ཡིད་དང་རྣམ་པར་ཤེས་པ་དང་། །རྣམ་པར་སྨིན་པ་གྱུར་པ་སྟེ། །ཡིད་ནི་ཀུན་གཞི་ལས་བྱུང་བ། །རྣམ་པར་ཤེས་པ་ཡིད་ལས་བྱུང་། །ཀུན་གཞི་ལས་ནི
191a7 སེམས་ཀུན་ཀྱང་། །དབའ་རླབས་བཞིན་དུ་འབྱུང་བར་འགྱུར། །ཐམས་ཅད་བག་ཆགས་རྒྱུ་ལས་བྱུང་། །རྐྱེན་བཞིན་དུ་ནི་འབྱུང་བའོ། །སྐད་ཅིག་ཐ་དད་འབྲེལ་བས་སྦྲེལ། །རང་གི་སེམས་ནི་དོན་ལ་འཛིན། །དབྱིབས་ཀྱི་མཚན་ཉིད་རྣམ་པར་དག་།ཡིད་དང
iiif viewer powered by OpenSeadragon
