| e-texts navigator |
| Wylie |
190b1 པ་ནི། །མོ་ཤམ་བུ་ལ་བྱེ་བྲག་འབྱེད། །འཕྲུལ་གྱིས་མཐོང་བ་སེམས་ཅན་རྣམས། །ཤའི་དང་ཤེས་རབ་རྣམ་པར་སྤངས། །ལུས་ཅན་ཀུན་གྱི་གཟུགས་ཡོད་པ། །འདུ་བྱེད་ཕུང་པོར་སྤངས་གྱུར་པའོ། །ཁ་དོག་བཟང་དང་ངན་གྱུར་ཅིང་། །གྲོལ་དང་མ་གྲོལ་ཁྱད་གྱུར་པ། །
190b2 ལྷ་རྫས་འདུ་བྱེད་གཏོགས་པ་ཡི། །འདུ་བྱེད་གནས་པ་རབ་ཏུ་མཐོང་། །འགྲོ་བའི་མཚམས་སུ་གཟུགས་ལྡན་རྣམས། །རྟོག་གེ་ཅན་གྱི་སྤྱོད་ཡུལ་མིན། །མི་ཡི་ཡུལ་ལས་ང་འདས་ཏེ། །ངན་པའི་རྟོག་གེ་ཅན་གཞན་མིན། །བདག་མེད་ཡིན་ལ་སེམས་འབྱུང་ན། །ཅི་ལས
190b3 དེ་ནི་འབྱུང་བར་འགྱུར། །འབབ་ཆུ་མེ་མར་ས་བོན་བཞིན། །ཅི་ཕྱིར་དེ་ཡི་འབྱུང་མི་བཤད། །རྣམ་པར་ཤེས་པ་མ་སྐྱེས་ལ། །མི་ཤེས་ལ་སོགས་མེད་པ་སྟེ། །དེ་མེད་པར་ནི་རྣམ་ཤེས་པ། །རྒྱུད་ཀྱི་སྐྱེ་བར་ཇི་ལྟར་འགྱུར། །དུས་གསུམ་དང་ནི་དུས་མེད་དང་། །
190b4 བརྗོད་པ་མེད་དང་རྣམ་པ་ལྔ། །དེ་ནི་སངས་རྒྱས་ཞེས་བྱ་བར། །རྟོག་གེ་ཅན་རྣམས་རབ་ཏུ་བརྗོད། །ཤེས་པ་འདུ་བྱེད་རྒྱུས་འབྱུང་བ། །འདུ་བྱེད་རྣམས་ཀྱིས་མི་བརྗོད་དེ། །འདུ་བྱེད་བསྒྲུབས་པའི་ཤེས་པ་ནི། །འདུ་བྱེད་དུ་ནི་གཏོགས་པར་འཛིན། །འདི་ཡོད་པས་ནི་འདི་འབྱུང་སྟེ། །རྐྱེན་རྣམས
190b5 ལ་ནི་རྒྱུ་མེད་པ། །གསལ་བར་བྱེད་པར་རབ་ཏུ་སྟོན། །དེ་མེད་པས་ན་བྱེད་པ་མེད། །རླུང་ནི་མེ་དང་སྤྲིན་དག་ལ། །སྐྱོད་པ་ཡིན་ཏེ་འབྱིན་པ་མིན། །བསྐྱོད་ནས་དེས་ནི་ཞིར་འགྱུར་ན། །ཇི་ལྟར་སེམས་ཅན་རབ་ཏུ་བསྒྲུབས། །འདུས་བྱས་འདུས་མ་བྱས་པ་ནི། །ཉེར
190b6 ལེན་རྣམ་པར་སྤངས་པར་བརྗོད། །མེ་ནི་དེ་ལ་བསྒྲུབས་པར་ཡང་། །ཇི་ལྟར་བྱིས་པ་རྟོག་པར་བྱེད། །ཕན་ཚུན་སྟོབས་དང་མཐུ་ཡི་ཕྱིར། །མི་རྣམས་ཀྱི་ནི་མེ་འབྱུང་ན། །གང་ཕྱིར་མེ་བཞིན་བརྟག་བྱ་བའི། །སེམས་ཅན་གང་གིས་རབ་ཏུ་ཕྱུང་། །ཕུང་པོ
190b7 སྐྱེ་མཆེད་ཚོགས་རྣམས་ཀྱི། །རྒྱུ་ནི་ཡིད་ལ་སོགས་པ་སྟེ། །བདག་མེད་རྟག་ཏུ་འདྲོན་མང་བཞིན། །སེམས་དང་བཅས་ཏེ་རབ་ཏུ་འཇུག་།འདི་གཉིས་རྟག་ཏུ་འོད་གསལ་བ། །རྒྱུ་དང་འབྲས་བུ་སྤངས་པའོ། །དེ་དག་སྒྲུབ་པ་མེ་མ་ཡིན། །རྟོག་གེ
iiif viewer powered by OpenSeadragon
