| e-texts navigator |
| Wylie |
189a1 གཅིག་པུ་མང་པོ་མ་ཡིན་ཏེ། །མི་འདྲའི་མཚན་ཕྱིར་གང་ནའང་མེད། །ལེན་པ་ཀུན་ནི་རླུང་དང་འདྲ། །སྦྱིན་པ་བྱེད་པ་ཞིང་བཞིན་ནོ། །གལ་ཏེ་གཅིག་པོ་མང་འགྱུར་ན། །ཐམས་ཅད་མ་བྱས་པར་འགྱུར་རོ། །བྱས་ན་རྣམ་པར་འཇིག་པར་འགྱུར། །
189a2 འདི་ནི་རྟོག་གེ་ཅན་གྱི་ཚུལ། །དེ་ནི་མར་མེ་ས་བོན་འདྲ། །འདྲ་ཕྱིར་མང་དུ་ག་ལ་འགྱུར། །དེ་ལྟ་བུར་ན་མང་དུ་འགྱུར། །དེ་ནི་རྟོག་གེ་པ་ཡི་ཚུལ། །ཏིལ་ལས་བལ་སྲན་སྐྱེ་མི་འགྱུར། །འབྲས་ནི་ནས་ཀྱི་རྒྱུ་ལས་མིན། །གྲོ་དང་འབྲུ་ཡི་རྣམ་པ་དག་།གཅིག་ནི
189a3 ཇི་ལྟར་མང་པོར་འགྱུར། །སྒྲ་བྱེད་པ་ནི་པ་ཎི་ནི། །རྐང་པའི་མིག་དང་ཆེ་དབང་དང་། །ཚངས་པ་དང་ནི་གར་ག་དང་། །འཇིག་རྟེན་རྒྱང་ཕན་བྱེད་པ་འབྱུང་། །ཀཱ་ཏྱཱ་ཡ་ན་མདོ་བྱེད་པ། །མཆོད་སྦྱིན་བལ་ཀ་དེ་བཞིན་ཏེ། །བྷུ་དྷུ་ཀ་དང་སྐར་མཁན་དག་།རྩོད
189a4 པའི་དུས་ན་འབྱུང་བར་འགྱུར། །བསོད་ནམས་བྱས་པའི་འཇིག་རྟེན་གྱི། །སྐྱེ་དགུའི་དཔལ་གྱི་སྟོབས་ཅན་འབྱུང་། །ཆོས་ཀུན་ལ་ནི་སྲུང་བྱེད་པ། །རྒྱལ་པོ་སྟོབས་ཅན་ས་གཏོང་བའོ། །གྲོག་མའི་མཁར་དང་སྲན་ཆུང་མིག་།གྱ་གྱུ་ཅན་དང་རྟ་འཛིན་བུ། །
189a5 ཁྱུ་མཆོག་དཔལ་ཆེན་རྣམ་དག་ཀྱང་། །མ་འོངས་དུས་ན་འབྱུང་བར་འགྱུར། །དོན་གྲུབ་པ་དང་ཤཱཀྱའི་བུ། །ཡང་དག་མཐའ་དང་ཕུད་བུ་ལྔ། །ཚིག་སྟོབས་ཅན་དང་ཡིད་གཞུངས་པ། །ཕྱི་མའི་དུས་ན་འབྱུང་བར་འགྱུར། །ནགས་ཀྱི་གནས་ན་འདུག་པའི་ཚེ། །དབྱུ
189a6 གུ་ཤིང་དང་པགས་པ་དང་། །རྐེད་ཆིངས་དང་ནི་རིལ་བ་རྣམས། །ང་ལ་ཚངས་པ་སྦྱིན་པར་བྱེད། །རྣལ་འབྱོར་ལྡན་པ་ཆེན་པོ་སྟེ། །ཐུབ་པ་རྡུལ་མེད་ཅེས་བྱ་བའི། །ཐར་པ་འཆད་པའི་སྟོན་པར་འགྱུར། །འདི་ནི་ཐུབ་པའི་རྒྱལ་མཚན་ཞེས། །ཚངས་པ་ཚངས་པ
189a7 བརྒྱ་རྣམས་དང་། །ལྷ་རྣམས་མང་པོར་བཅས་པ་ཡིས། །ང་ལ་མཁའ་ལས་འཕགས་བོར་ནས། །དབང་ལྡན་དེ་ཉིད་མི་སྣང་འགྱུར། །དབང་པོ་ལྷ་དང་བཅས་པ་དང་། །འཕགས་སྐྱེས་པོ་ལ་སོགས་པ་ཡི། །སྣ་ཚོགས་གོས་དང་སློང་སྣོད་ཀུན། །ནགས་ཀྱི་གནས་སུ
iiif viewer powered by OpenSeadragon
