| e-texts navigator |
| Wylie |
188b1 བདག་གིས་ཐོས་ལ་སོགས། །ཤཱཀྱ་སེང་གེའི་བཤད་པ་ཡིན། །སྒྲུང་དང་སྔན་ཆད་བྱུང་བ་དག་།དེ་དག་རྒྱས་པའི་ཡིན་པར་འགྱུར། །འཇུག་སེལ་དང་ནི་དབང་ཕྱུག་ཀྱང་། །འབྱིན་པར་བྱེད་པ་འཆད་པར་འགྱུར། །མྱ་ངན་ང་འདས་ཕྱིན་ཆད་ནི། །དེ་ལྟ་བུ
188b2 ལ་སོགས་པར་འབྱུང་། །ང་ཡི་མ་ནི་ནོར་ལྡན་ཏེ། །ཕ་ནི་བྲམ་ཟེ་སྐྱེ་དགུའི་བདག་།ང་ནི་ཀཱ་ཏྱཱ་ཡ་ནའི་རིགས། །མིང་ནི་རྡུལ་མེད་རྒྱལ་བའོ། །ཡབ་དང་མེས་དང་ང་བདག་ཀྱང་། །ཡུལ་ནི་ཙམ་པར་སྐྱེས་པ་སྟེ། །མཚན་ནི་ཟླ་བ་སྐྱབས་ཞེས་བྱ། །ཟླ་བའི
188b3 རིགས་ལས་དེ་སྐྱེས་སོ། །ཐར་པར་ཞུགས་ཤིང་བརྟུལ་ཞུགས་སྤྱད། །ཚུལ་ཡང་རྣམ་པ་སྟོང་བཤད་ནས། །བློ་གྲོས་ཆེན་པོ་དབང་བསྐུར་ཏེ། །ལུང་བསྟན་བྱས་ནས་མྱ་ངན་འདའ། །ཆོས་ལ་བློ་ནི་སྦྱིན་པར་བྱ། །ཆོས་ཀྱིས་མེ་ཁལ་ལ་ལ་སྦྱིན། །མེ་ཁལ་སློབ་མ་ཞན་པས་ན། །
188b4 བསྐལ་པའི་མཐར་ནི་འཇིག་པར་འགྱུར། །འོད་སྲུང་དང་ནི་ལོག་དད་སེལ། །འདྲེན་པ་གསེར་ཐུབ་རྣམ་དག་དང་། །རྡུལ་མེད་ང་དང་གཞན་དག་དང་། །དེ་དག་ཐམས་ཅད་བྱས་དུས་རྒྱལ། །དེ་ཡི་འོག་ཏུ་བྱས་དུས་ལ། །འདྲེན་པ་བློ་གྲོས་ཞེས་བྱ་བ། །ཤེས་བྱ
188b5 ལྔ་རྣམས་སྟོན་པའོ། །དཔའ་བོ་ཆེན་པོ་འབྱུང་བར་འགྱུར། །གཉིས་གཞན་ལ་མིན་སྐྱོབ་བྱུང་མིན། །རྩོད་དུས་ཕྱི་མའི་ཚེ་ལ་ཡང་། །འཇིག་རྟེན་མགོན་པོ་འབྱུང་མི་འགྱུར། །བྱས་དུས་ལ་ནི་རྫོགས་འཚང་རྒྱ། །མི་ཕྲོག་པ་དང་ངོ་ཤེས་བྱ། །མ་དྲས་ཁ་ཚར་བཅས
188b6 པ་སྟེ། །རྨ་བྱའི་མདོངས་སུ་འདྲ་བ་ཡིས། །སྟེང་ཡོག་རི་མོ་བྲི་བར་བྱ། །མདོངས་དང་མདོངས་ཀྱི་བར་དུ་ནི། །སོར་གཉིས་སོར་གསུམ་ཚད་དུ་བྱ། །དེ་ལས་གཞན་དུ་བྲིས་ན་ནི། །བྱིས་པ་རྣམས་ཀྱང་ཆགས་པར་འགྱུར། །རྟག་པར་འདོད་ཆགས་མེ་ཞི་བྱ། །
188b7 ཡེ་ཤེས་ཆུས་ནི་ཁྲུས་ཀྱང་བྱ། །རྣལ་འབྱོར་གྱིས་ནི་ནན་ཏན་དུ། །དུས་མཚམས་གསུམ་དང་སྡོམ་གསུམ་བྱས། །མདའ་དང་རྡོ་དང་ཤིང་ལ་སོགས། །འཕེན་ལ་སོགས་པས་བསྐྱོད་པ་དང་། །གཅིག་འཕགས་ན་ནི་གཅིག་ལྷུང་འགྱུར། །དགེ་དང་མི་དགེ་དེ་བཞིན་ནོ། །
iiif viewer powered by OpenSeadragon
