| e-texts navigator |
| Wylie |
188a1 རྒྱལ་པོའི་ཐ་ཤལ་རྣམས། །ཀླ་ཀློའི་རྗེས་ལ་མཚོན་གྱིས་འཁྲུག་།མཚོན་གྱི་རྗེས་ལ་རྩོད་དུས་སོ། །རྩོད་པའི་དུས་ཀྱི་ཐ་མ་ལ། །འཇིག་རྟེན་དམ་ཆོས་མི་སྒོམ་མོ། །དེ་ལ་སོགས་པ་འདས་པ་དག་།འགྲོ་བ་འཁོར་ལོ་བཞིན་དུ་འཁོར། །མེ
188a2 དང་ཉི་མར་ཕྲད་པའི་ཕྱིར། །འདོད་པའི་ཁམས་ནི་བསྲེགས་ནས་ཀྱང་། །གང་ལ་འཇིག་རྟེན་གནས་གྱུར་པར། །ཕྱི་ནས་ལྷ་རྫས་གནས་སུ་འགྱུར། །རིགས་བཞི་མི་མགོན་དབང་པོ་དང་། །དྲང་སྲོང་རྣམས་དང་ཆོས་ཀྱང་སྟེ། །རིག་བྱེད་ཆོས་སྦྱིན་མཆོད
188a3 སྦྱིན་དང་། །ཆོས་ཀྱི་རྣམས་ནི་འབྱུང་བར་འགྱུར། །གཏམ་དང་སྲུང་ལ་སོགས་པ་དང་། །རྐྱང་བ་རྟོགས་བྱེད་འགྲེལ་པ་དང་། །འདི་སྐད་བདག་གིས་ཐོས་སོགས་པས། །འཇིག་རྟེན་ཤིན་ཏུ་རྨོངས་པར་འགྱུར། །ཤིན་ཏུ་བཅོས་ཤིང་བཅག་བྱས་ནས། །
188a4 སྟེང་ནས་ཁ་དོག་སྦྱར་བར་བྱ། །སྔོ་དང་ལྕི་བ་འདམ་སོགས་པས། །སྣམ་བུ་ཤིན་ཏུ་བྲི་བར་བྱ། །ལུས་ནི་གོས་རྣམས་ཀྱིས་བཀྲ་བ། །མུ་སྟེགས་མཚན་མ་སྤངས་པ་ཡི། །རྣལ་འབྱོར་ཅན་གྱིས་བསྟན་པ་བཤད། །དེ་ནི་སངས་རྒྱས་རྒྱལ་མཚན་ནོ། །
188a5 ཚགས་ཀྱིས་བཙགས་པའི་ཆུ་ཡང་བཏུང་། །རྐེད་པའི་སྲད་བུ་བཅིང་བར་བྱ། །དུས་སུ་འོས་པར་གྱུར་པ་དང་། །དམའ་བ་སྤངས་པའི་སློངས་མོ་ཟས། །མཐོ་རིས་ནས་ནི་ལྷ་རྫས་འབྱུང་། །གཉིས་པོ་གཞན་ནི་མི་ལས་འབྱུང་། །རིན་ཆེན་མཚན་རྣམས་ཕུན་སུམ
188a6 ཚོགས། །ལྷར་སྐྱེས་པ་ཡི་འགྲོ་བའི་དབང་། །མཐོ་རིས་ཕན་བྱེད་ཆོས་སྟོན་པ། །གླིང་བཞི་རྣམས་ལ་རབ་ཏུ་སྤྱོད། །ཤིན་ཏུ་ཡུན་རིང་གླིང་སྤྱད་ནས། །སྲེད་པས་རྣམ་པར་འཇིག་པར་འགྱུར། །བྱིས་པའི་དུས་དང་སྐྱབས་བྱུང་དུས། །གཉིས་པོ
188a7 བཞིན་དང་རྩོད་པ་སྟེ། །ང་དང་གཞན་ནི་བྱས་དུས་ལ། །ཤཱཀྱ་སེང་གེ་རྩོད་པའི་དུས། །དོན་གྲུབ་པ་དང་ཤཱཀྱའི་སྲས། །འཇུག་སེལ་རྒྱས་དང་དབང་ཕྱུག་དང་། །དེ་ལ་སོགས་པའི་མུ་སྟེགས་ཅན། །མྱ་ངན་ང་འདས་འབྱུང་བར་འགྱུར། །འདི་སྐད
iiif viewer powered by OpenSeadragon
