| e-texts navigator |
| Wylie |
187b1 གྱི་མདོ་རྣམས་ཀྱིས། །མྱ་ངན་འདས་པ་ཤིན་ཏུ་བཤད། །འདོད་པའི་ཁམས་དང་གཟུགས་མེད་དུ། །སངས་རྒྱས་རྣམ་པར་འཚང་མི་རྒྱ། །གཟུགས་ཀྱི་ཁམས་ཀྱི་འོག་མིན་དུ། །འདོད་ཆགས་བྲལ་ཁྱོད་འཚང་རྒྱའོ། །འཆི་བའི་རྒྱུ་ནི་ཡུལ་མ་ཡིན། །རྒྱུ་ནི
187b2 ཡུལ་ལ་འཆིང་བ་སྟེ། །ཡེ་ཤེས་ཀྱིས་ནི་ཉོན་མོངས་བསད། །འདི་ནི་བརྟུལ་ཞུགས་རལ་གྲིའི་སོ། །བདག་མེད་སྒྱུ་མ་ལ་སོགས་པའི། །ཆོས་རྣམས་ཇི་ལྟར་ཡོད་མེད་འགྱུར། །བྱིས་པ་རྣམས་ལ་ཡང་དག་སྣང་། །བདག་མེད་ཉིད་ནི་ཇི་ལྟར་མེད། །
187b3 བྱས་པ་དང་ནི་མ་བྱས་ཕྱིར། །རྒྱུ་ནི་འཇུག་པར་བྱེད་པ་མེད། །འདི་དག་ཐམས་ཅད་མ་སྐྱེས་ཏེ། །བྱིས་པ་རྣམས་ཀྱིས་མི་ཤེས་སོ། །རྒྱུ་ཡི་རྣམས་ནི་མ་སྐྱེས་ཏེ། །རྐྱེན་རྣམས་དེ་དག་བྱས་པའོ། །དེ་གཉིས་བསྐྱེད་པ་མ་ཡིན་ན། །རྒྱུ་རྣམས་ཀྱིས་ན་ཇི་ལྟར་བརྟག་།
187b4 སྔ་ཕྱི་དང་ནི་ཅིག་ཅར་ཡང་། །རྟོག་གེ་རྣམས་ཀྱང་རྒྱུར་སྟོན་ཏོ། །སྣང་དང་སློབ་མ་རྫས་སོགས་ཀྱིས། །དངོས་པོ་རྣམས་ཀྱི་སྐྱེ་བ་འཆད། །མངོན་པར་འདུ་བྱེད་མཚན་རྣམས་ཀྱིས། །སངས་རྒྱས་མཚན་ལྡན་མ་ཡིན་ཏེ། །དེ་དག་འཁོར་ལོས་སྒྱུར་ཡོན་ཏན། །དེས་ནི་སངས
187b5 རྒྱས་མི་བརྗོད་དོ། །སངས་རྒྱས་མཚན་ནི་ཡེ་ཤེས་ཏེ། །ལྟ་བའི་ཉེས་པས་རྣམ་སྤངས་པ། །སོ་སོ་རང་རིག་ལྟ་བས་རྟོགས། །ཉེས་པ་ཐམས་ཅད་རྣམ་འཇོམས་པའོ། །འོན་ལྐུགས་ལོང་བ་ཞར་བ་དང་། །རྒན་པ་དག་ནི་ཤར་གཉེར་དང་། །བྱིས་པ་རྣམས་ལ་བྱེ
187b6 བྲག་ཏུ། །ཚངས་པར་སྤྱོད་པ་མེད་པའོ། །བསྒྲིབས་དང་གསལ་དང་ལྷ་ཡི་ནི། །མཚན་རྣམས་ཀྱིས་ནི་འཁོར་ལོས་སྒྱུར། །གསལ་བ་ལ་ལ་རབ་ཏུ་འབྱུང་། །གཉིས་པོ་གཞན་ནི་བག་མེད་པའོ། །རྒྱས་དང་གཟེགས་ཟན་ཁྱུ་མཆོག་དང་། །སེར་སྐྱ་ཤཱཀྱའི་གཙོ་བོ
187b7 རྣམས། །ང་ནི་མྱ་ངན་འདས་འོག་ཏུ། །དེ་ལ་སོགས་པ་འབྱུང་བར་འགྱུར། །མྱ་ངན་ང་འདས་ལོ་བརྒྱ་ན། །རྒྱས་དང་ཁུར་འཕེལ་དེ་བཞིན་དུ། །པན་ཌ་བ་དང་ཀོའུ་ར་བ། །དགའ་བོའི་འོག་ཏུ་མོའུ་རི་འབྱུང་། །མོའུ་རྱ་དགའ་བོ་སྐྱབས་འོག་ཏུ། །ཀླ་ཀློ
iiif viewer powered by OpenSeadragon
