| e-texts navigator |
| Wylie |
186b1 དང་ལྷན་ཅིག་ལྡན་པའི་ཆོས། །རབ་ཏུ་བརྗོད་པ་མ་བྱས་སོ། །དེ་དག་རབ་ཏུ་ཕྱེ་བས་ན། །རྣམ་པར་ཐར་དང་བདེན་མཐོང་ན། །སྒོམ་དང་མཐོང་བས་སྤང་བ་ཡི། །ཉོན་མོངས་རྣམས་ཀྱང་སྦྱང་བ་ཡི། །སེམས་ནི་རང་བཞིན་འོད་གསལ་ཏེ། །དེ་བཞིན་གཤེགས
186b2 པའི་སྙིང་པོ་དགེ། །སེམས་ཅན་རྣམས་ཀྱི་ཉེར་ལེན་ནི། །མཐའ་དང་མཐའ་མེད་སྤངས་པའོ། །བྱི་དོར་བྱས་པས་གསེར་མདོག་དང་། །ས་ལེ་སྦྲམ་དང་ཁ་ར་དག་།ཇི་ལྟར་མཐོང་བ་དེ་བཞིན་དུ། །ཕུང་པོ་རྣམས་ལ་སེམས་ཅན་ནོ། །གང་ཟག་མེད་ཅིང་ཕུང་པོ་མེད། །
186b3 སངས་རྒྱས་ཡེ་ཤེས་ཟག་མེད་པ། །རྟག་ཏུ་ཞི་བ་རྣམས་བསྒོམས་ཏེ། །དེ་ལ་བདག་ནི་སྐྱབས་སུ་མཆི། །སེམས་ཀྱི་རང་བཞིན་འོད་གསལ་བ། །ཡིད་ལ་སོགས་པའི་ཉོན་མོངས་དང་། །བདག་དང་ལྷན་ཅིག་ལྡན་པར་ནི། །སྨྲ་བའི་མཆོག་གིས་རབ་ཏུ་བསྟན། །སེམས
186b4 ནི་རང་བཞིན་འོད་གསལ་བ། །དེ་ལས་གཞན་པ་ཐོག་མ་མེད། །དེ་དག་གིས་ནི་བསགས་པའི་ལས། །དེས་ནི་དེ་གཉིས་ཉོན་མོངས་འགྱུར། །ཐོག་མ་མེད་པའི་བློ་བུར་གྱི། །ཉོན་མོངས་རྣམས་དང་ལྡན་པས་ན། །རང་བཞིན་འོད་གསལ་བདག་ཉོན་མོངས། །རས
186b5 དང་འདྲ་བར་དག་པར་འགྱུར། །ཇི་ལྟར་གོས་སམ་གསེར་ཡང་རུང་། །དྲི་མ་མེད་ཕྱིར་ཉེས་སྤངས་བཞིན། །གནས་ཤིང་འཇིག་པར་མི་འགྱུར་ཏེ། །ཉེས་མེད་བདག་ཉིད་དེ་བཞིན་ནོ། །རྔ་འམ་དུང་ངམ་པི་ཝང་ལ། །སྒྲ་སྙན་ཕུན་སུམ་ཚོགས་པ་དག་།མི་མཁས་ལ་ལ་ཚོལ་བར
186b6 བྱེད། །དེ་བཞིན་གང་ཟག་ཕུང་པོ་ལའོ། །ས་ལ་གཏེར་དང་ནོར་བུ་དང་། །དེ་བཞིན་དུ་ནི་ཆུ་རྣམས་ཀྱང་། །ཡོད་བཞིན་དུ་ཡང་མི་སྣང་བ། །དེ་བཞིན་གང་ཟག་ཕུང་པོ་ལའོ། །སེམས་དང་སེམས་ལས་བྱུང་ཚོགས་དང་། །བདག་གི་ཡོན་ཏན་ཕུང་པོ་ལྡན། །མི་མཁས
186b7 པས་ནི་མི་ཤེས་ཏེ། །དེ་བཞིན་གང་ཟག་ཕུང་པོ་ལའོ། །ཇི་ལྟར་སྦྲུམ་པར་གྱུར་པའི་བུ། །ཡོད་བཞིན་དུ་ཡང་མི་སྣང་བ། །དེ་བཞིན་བདག་ཉིད་ཕུང་པོ་ལ། །རིག་པ་མི་ཤེས་པས་མི་མཐོང་། །ཇི་ལྟར་སྨན་གྱི་གསོད་པ་དང་། །ཇི་ལྟར་མེ
iiif viewer powered by OpenSeadragon
