| e-texts navigator |
| Wylie |
186a1 ན། །ཇི་ལྟར་འཁོར་བ་སྐྱེས་པར་འགྱུར། །སྐྱེས་མ་ཐག་ཏུ་འཇུག་པར་ནི། །རྣམ་པར་འདྲེན་པ་མི་འཆད་དོ། །དངོས་པོ་རྣམས་ཀྱི་རྣམ་རྟོག་པ། །འགྲོ་བར་བར་ཆད་མེད་པར་གཡོ། །དབང་པོ་རྣམས་དང་དབང་པོའི་དོན། །མཁས་ལ་མ་ཡིན་བླུན་པོ་ལ། །
186a2 བྱིས་པ་རྣམས་ནི་མིང་གིས་འཛིན། །འཕགས་པ་མིང་གིས་དོན་ལ་མཁས། །དྲུག་པོ་ལ་ནི་ཉེར་ལེན་མེད། །ཉེར་ལེན་བཅས་པ་མི་ཟིན་ཏོ། །ཡོད་པའི་ཉེས་དང་རྣམ་བྲལ་བ། །བྱེ་བྲག་མི་འབྱེད་འཕགས་པ་སྨྲ། །ཤེས་པ་སྤངས་པའི་རྟོག་གེ་པ། །རྟག་དང་ཆད
186a3 པས་འཇིགས་པ་དག་། འདུས་བྱས་འདུས་མ་བྱས་ལ་བདག་།བྱིས་པ་བྱེ་བྲག་མི་བྱེད་དོ། །གཅིག་པ་ལ་ཡང་སྦྱིན་པ་ཡོད། །ཐ་དད་པ་ལའང་ཡོད་པ་མིན། །སེམས་དང་ལྷན་ཅིག་གཅིག་པ་སྟེ། །ཡིད་ལ་སོགས་དང་ཐ་དད་དོ། །སེམས་དང་སེམས་ལས་བྱུང་བསྒྲགས
186a4 པའི། །སྦྱིན་པ་གང་ཚེ་ཉེར་ལེན་ལས། །དབྱེ་ན་དེ་ལ་ཇི་ལྟར་ན། །གཅིག་པར་ཁོང་དུ་ཆུད་པར་བྱ། །ཉེར་ལེན་བཅས་པའི་དམིགས་པ་ནི། །ལས་དང་ཚེ་དང་བྱེད་སོགས་པས། །འདྲ་དང་མི་འདྲ་ཚུལ་རྣམས་ཀྱིས། །མེད་བཞིན་དུ་ནི་སྒྲུབ་པར་བྱེད། །ཇི་ལྟར་བསྲེག་བྱ་སྲེག
186a5 བྱེད་ལ། །མེ་ནི་ཅིག་ཅར་སྲེག་པ་བཞིན། །དེ་བཞིན་ཉེར་ལེན་བཅས་པའི་བདག་།ཅི་ཕྱིར་རྟོག་གེ་ཅན་མི་སྟོན། །རྟག་ཏུ་སྐྱེས་དང་མ་སྐྱེས་ཀྱང་། །སེམས་ནི་ཤིན་ཏུ་འོད་གསལ་ན། །བདག་བསྒྲུབས་པ་ཡི་དཔེ་དག་དང་། །ཅི་ཕྱིར་རྟོག་གེ་ཅན་མི་བྱེད། །རྟོག་གེ
186a6 ཅན་ནི་ཚུལ་སྤངས་པ། །རྣམ་ཤེས་ཐིབས་པོར་རྨོངས་པ་དག་།བདག་ཏུ་སྨྲ་བར་བྱེད་འདོད་པས། །ཕན་ཚུན་དག་ཏུ་རབ་ཏུ་རྒྱུག་།སོ་སོ་རང་རིག་རྟོགས་བྱ་བ། །བདག་ནི་རྣམ་དག་མཚན་ཉིད་དེ། །དེ་བཞིན་གཤེགས་པའི་སྙིང་པོ་དེ། །རྟོག
186a7 གེ་ཅན་གྱི་སྤྱོད་ཡུལ་མིན། །ཉེར་ལེན་ཉེར་བར་ལེན་བྱེད་ཀྱི། །བྱེ་བྲག་དང་ནི་ཕུང་པོ་ཡི། །མཚན་ཉིད་གལ་ཏེ་ཤེས་གྱུར་ན། །ཚུལ་གྱི་ཡེ་ཤེས་སྐྱེ་བར་འགྱུར། །མུ་སྟེགས་ཅན་གྱིས་བརྗོད་པ་ནི། །ཀུན་གཞི་སྙིང་པོ་ལྟ་བུ་བསམ། །བདག
iiif viewer powered by OpenSeadragon
